العانس والرجل المسن

[مائة بيسة]

صباحكم /مساءكم خير

جاء لخطبتي رجل يبلغ من العمر 40 عاماَ بس شكلياَ أكبر يمكن لقلة اهتمامه بنفسه المهم أنا ابلغ من العمر 34 عاماَ ولم يسبق لي الزواج...كثير اسمع من البنات وحريم العائلة يقولوا لي متى بتتزوجي وانتي عانس الخ من الكلام الجارح ..انا مااحس اني اريد اتزوجه لكن نفس الشي انا صرت كبيرة وما كل يوم بيجيني معرس

سوالفكم عسولات مع او ضد نفس هالزيجات وقصص نبي نسمع

[بدر الدجى]

طرح مميز عسووولة

أنا مع هذا الزواج تتوكل على الله وتوافج اذا تشوفه شخص مناسب بشرط انها تكون ع قناعة مو عشان ترضي الناس
لأن رضى الناس غاية لاتدرك والحريم معروفات م يسكتن سواء البنت تزوجت اولا وفي النهاية كل شي بالنصيب

وفارق السن بينهم 6 سنوات يعني راح تكون افكارهم قريبة من بعض وبخصوص انه شكله يوحي انه اكبر من سنه نلاحظ هالجيل الشباب صغار اعمارهم 22 وشكلهم يجول ف ال30
ويمكن الريال مو مرتاح نفسيا شايل هموم الدنيا ع راسه ساعتها هي تجدر تغيره وتهتم فيه

[أميرة الروح]

مواضيعك مائة بيسة تعقدنا عن الزواج

راي اذا كان رجال زين ومحترم وذو الاخلاق ليش ترفض وخصوصا فارق السن مب كثير وعاد هي تقدر تخليه يهتم بنفسة ويتكشخ ويصير واحد كأنه ف العشرينات

تقبلي مروري في صفحتك

[ام الهنوف]

انا أقول القناعة شئ مهم جداً في الزواج

مهما بلغت البنت من العمر من حقها تتزوج الشخص اللي إهي مقتنعه فيه

أنا أقول قبل البنت لا تستعجل بالرد بنعم او لا

تفكر بالرجال زين وتحاول تدور عن علومه ايجابياته وسلبياته يمكن في اشياء راح تخليك تقتنعي فيه
وممكن في أشياء تخليك تغيري رايك فيه

ولا تنسى البنت الشئ الاهم بهالوقت

(( صلاة الاستخارة ))

الصلاه مو عشان طلب الزواج لا
الصلاه لطلب الألفة

اللهم أن كنت تعلم بأن هذا الشخص خير لي في ديني ومعاشي عاقبة أمري وآجله
فأشرح صدري له ويسر أمري فيه
وإن كنت تعلم بأنه شر لي اصرف نظري عنه وأبدلني بخير منه بفضلك يا لطيف ,

إدعي الله بما تشعرين به في قلبك .


تحياتي للمبدعة بمواضيعها العامة مـــــــــــــــــــائة بــــيــــــــــسـة

[ملك روووزي]

تستخير ربها وبعدين كلام الناس م يخلص والله وهي اذا ارتاحت تتوكل يعني م تتزوجه فقط عشان تتخلص م كلام الناس