المشاركة الأصلية كتبت بواسطة الونيس55
يعني نموت / ودمّــنا يبقى على الشارع أثر ..!
يعني يجف الحلم ..! وتموت الأماني والسنين ..!
يعني نودعها / وخلق الله يردون الخبر ..!
وتبقى مأسينا ملامح في عيـون العابرين
يعني نسيّـل من دموع الامهات اطول نهر..!
تغرق به احلام الامومه في تباشير الجنين..!
نباشر الحادث ونبكي ..غير ماناخذ عِـبر..!
ونكرر اخطاء الرفاق الراحلين الطيبين
لوكانت انفاسي لهب / لو كان قلبي من حجر
ياكيف اخاطر بالعمر /والعمر مكياله ثمين
اشنع حوادث عندنا/ الله ياكبر القهر
اعمارنا ترخص وحنا تايهين وغافلين
من صغرنا.. قالوا لنا السرعه نهايتها خطر
والموت والسرعه/ في التاريخ مثل التوامين..
ياوقتنا / ياوقتنا /مافيه حزنٍ ماظهر
احبابنا /اخواننا / راحوا ولاهم راجعين
ياربنا يــالواحد الفرد / العزيز المُقتدر
يارب تغمرهم برحمه / وانت خير الراحمين
#عظم_الله_اجرك_بهلاء
