نبض الإحساس .. سجّل احساسك في هذه اللحظه

[ثابت الخطى]

ابيك تدري صوتك العذب لاغاب ___ احس نفسي تنكسر من غيابـه


كذا غيابك للحزن يفتح ابواب ____ غصب علي البس شقاه وثيابـه


ادمنت صوتك وان تثيقلت كذاب___ من يعشقـك لاغبت يفقد صوابـه

[ثابت الخطى]

ليه كلٍّ لاتذكّر ذكرياته
............يشعر إنها أحلى أيام بحياته !
بس يتنهـّد وهو يحكي .. ويذكر
..........حلوها مع مرّها وشلون جاته
يتذكّر بعض الأشيا .. ويتبسّم
........من يصدّق إنها من ذكرياته ؟
هالمواقف بعضها كانت كبيره
.......بعضها خلاّه يتمنّى مماته !
وبعضها للحين لاتذكّره يضحك !
........كيف "ذاك الشي" / "ذاك اليوم" فاته !
وبعضها للحين لاتذكّره يسرح
........ويتسائل .. وين راحت أمنياته ؟!
آه ياذا العمر .. ياسرعك علينا
.......وااجد اللي مايحسّون بـ فواته

[ثابت الخطى]

وش حيلة الي علّته داخل الجوف ؟
.......... نار الفراق بـ وسط صدره تصلاّ

وش حيلتي ياناس والحال منصوف ؟
.......... منصوف نصفين على الي تخلاّ

نصف (ن) يقول : أصبر ترا يحن ويروف
.......... ونصف (ن) يقول : من تغلاّ يخلاّ

[ثابت الخطى]

أتعبت قلبي من جفاك وتغليك

وتاهت بي الشرهه ولا أحد ذكرها

المشــكله قلبي حلـــف مايخــليك

ومدري متى ظروفك توقف ضررها

[ثابت الخطى]

إذا فيه بكتاب النحو للفراق إعـــــــراب ..
.......... فهو فعل مطلق بالبشر .. والجفا ماضيه

ألا ليت ربي ماخلق في الغرام إغياب ..
.......... وإذا فيه فرقى طاري الحب لانطريـــــــه

[ثابت الخطى]

مابين وفاء و....... يالله عسا خير
دايم خفيف الدم يصبـح ضحيـه
مثل الغزال اللي رمتـه المقاديـر
وصار النمر من كبر حظه خويـه
لا واهني من له جناحين ويطيـر
ولا بـلاه الله بـشـر البلـيـه
السالفه ماهي سوالـف وتعبيـر
لا واهنـي الطيـر لا وا هنـيـه

[ثابت الخطى]

يازمان اليوم فينا أصبح يجيــــــــر ..
.......... وياطريقٍ في قراري أعبــــــــــــــره

رحت أدوّر يمكن ألقالي خبيــــــــر ..
.......... غير حرفي والقلم والمحبــــــــــــره

شفت إن الهم دار ويستديــــــــــــر ..
.......... وكل مؤمن يحمدالله ويشكــــــــــره

وش خساره فموت نوره أو عبير ..
.......... الكرامه وش بعدها نخســـــــــــــره

غير إني بالعذاب أشكي الهجيـــر ..
.......... وأصغر جروحي إنزفت هي أكبره

[ثابت الخطى]

لك الله .. مابقا شيءٍ يصبرني على فرقــــــــــــــاك ..
............ رحلت .. ولا تركت ألا وفاي ولوعة إغيابــــــــــك

لك الله .. كل هالدنيا تراودني على لقيـــــــــــــــاك ..
............ كثر .. مابللت دمعة غلانا حرقة أهدابـــــــــــــــــك

لك الله .. غبت والعشرة يتيمه والعوض ذكـــــراك ..
............ بكت .. شمس الزمان الي طواها الياس بأسبابك

لك الله .. بعد ضحكاتك وهمسك والزعل وإرضاك ..
............ تلاشت .. فرحة (ن) كانت تموت ونوب تحيابــــك

[ثابت الخطى]

أنشهد ان المفارق من((عظيـم)) البـلاوي

ميـر هـذا نصيبـك .. يالعيـون الشقيـه
أتجلد .. وأقول : (( إني على البعد قاوي))

والله أعلم .. بقلبٍ فيه الأشـواق ((حيـه))

[ثابت الخطى]

كني سجين .. وقاضب ٍ رجلي القيد
والا كسيــر ٍ ... طيحنه مصـايب

بأسباب جرح ٍ ما نفع فيه .. تضميد
وما ظنتي في تالي الوقت .. طايب

لا شك / هذا الجرح فيني ترى يزيد
يا حسرتي .. قلبي غدى منه ذايب