جـعــــل بفـــراقنــــا " خيــــرة " !

[مجنونك ما يخونك]

جـعــــل بفـــراقنــــا " خيــــرة " !

أرجوك .. كل الحكي معروف .. من بدري
مافيه داعي تعيده .. شـوف لـك غيـره

تدري ..! أبآشاركك .. باللي شغل فكـري
وخل السوالف .. ( رحى ).. وقلوبنا تديره

سنتين مرت وأشـوف الثالثـة .. تجـري
وحنـا نجامـل .. وكـل ٍ بـان تقصيـره

قد قلت لك من زمان .. إن غبت من عذري
ما قوى علـى الهـم والغربـال والغيـره

وشلـون أبقـوى .. ودم فراقنـا يسـري
بعروق الأيام .. من كان الصدر .. ( ديرة )

لين أثقل الهـم كتفـي .. وإنحنـا ظهـري
ودنقّت .. والبال .. طـاح بكفـة الحيـرة

وماشفت .. بعيونك النعّاس .. مـن قـدري
غير إني اللـي كِسـر خَاطـر مشاويـره

تذكر .. قبل كم سنة يوم الجفـا يطـري !
وتقول لي : بس عـاد .. وفضهـا سيـرة

كنت إنت ..؟ ولا أظن إني أنـا آهـذري ؟
أو هو حلم .. يشتكي من كِـذب تفسيـره

بالحالتين .. الحبر جَف .. بـورق عمـري
ولا عاد ينفع نعيد ..اللـي قِضـى خيـره

يا أعز من ب..أتركه للبُعـد .. وأستَـذري
تحت ( إني الطهر .. وإنه درب ما آسيره )

خلاص .. كل ٍ يدور له طريـق .. أدري .!
ما نيب أبشكي .. جعـل بفراقنـا خيـرة !

من كم سنة كنت أعز إحساس في صـدري
واليوم دار الزمان .. و ( فضهـا سيـرة )

[نوارة الكون]

سلمت يمناج اختي
انتقاء جميل وتواجد اجمل
دمتي في حفظ الرحمن ورعايته

[الشيخه الفلانيه]

وشلـون أبقـوى .. ودم فراقنـا يسـري
بعروق الأيام .. من كان الصدر .. ( ديرة )

لين أثقل الهـم كتفـي .. وإنحنـا ظهـري
ودنقّت .. والبال .. طـاح بكفـة الحيـرة



اختيار جميل
يعطيكك الله العافيه '

[نسر البوادي]

مجنونك ابيات رائعه اختي تسلمين ويسلم الذوووق ياذوووق

[أميرة الروح]

طرح رائع جدا
بارك الله فيك

[حبي خالص]

الله الله مجنونك
اختيارجدا راقي
كلك ذوووق


" نص يستحق النجوم الخمس "

[رايق البال]

هلا فيك مجنونك ..
نص واختيار كالعاده ولا اجمل
الف شكر لجهدك واختيارك وتفاعلك الجميل
طابت صباحاتك ..

[نورمان]

ابدعتي الانتقاء مجنونك
دمت ودام ذوقك الراقي

[مجنونك ما يخونك]