صباحكم زيزفوني
كيف الاحوال من بعد الاجازة
الاجازة متعبة ومملة طشونه
اول يوم فالبيت
ثاني يوم طلعنا مسقط وتمشينا وكانت شبه خاليه والحركة سهالات
تمشينا وتغدينا ورجعنا
اليوم الثالث ابو الفناتك عاد
قررت اسوي عزيمة للاهل وخبرت الارباب وخبرنا الجماعة
وكان يوم شاق ..وسط الزحمة والاشغال جاء ولدي متضايق قلت يمكن يبي ينام
ولم حطيته بحضني لاحظت شي لماعي فخشمة
يالههههههههههههوي ...الشطور مدخل شي وما قدرنا طلعه
ولما حاولت اضغط على خشمه من فوق عشان الحاجة تنزل قام يصيح ودخلت زيادة
جبت ملقط وطلبت مساندة من ابوه عشا يكتفه وهو يصرخ(حبيبي وايد صاح هاك اليوم)
وما قدرنا نطلعها..حسيت الملقط يضرب فشي عص مثل العظم وهالشي خوفني
(ماعليكم مني..فالمواقف تطلع شجاعتي) هههههه
الموهيييييم
وديناه الطبيب وزين لحقنا على المركز الصحي قبلا لا يسكر لان بايام الاجازات
دوامهم من 9الصبح لحد4عصر متواصل وبعدها يسكروا
الدكتور شافه وقال بنحاول نطلعها بالمنفخ فجاب مثل البمب يستخدموه فحالات الانعاش
وحطه على فمه وسكر المنخر الثاني وقام يضخ هواء عشان يطلعه من المنخر الي فيه الحصاه
بس الولد كان متوهن من الصياح وحمرن عيونه وتعب
واضطر يستخدم الملقط
قالي خليه فحضنك ومسكي ايده لان وضعية الاستلقاء بتدخل الحجر زيادة على داخل
والممرضة ثبتت راسه عشان مايتحرك وابوه مسك رجوله
وبعد عده محاولات طلعها الدكتوره واول ما طلعه صرخ (دا درس)
اون ضرس...ضرس من فخشمه؟ ياكافي الشر البلى ..لما اخذتها طلهن حصاة بيضاء شكلها قريب من شكل الضرس
الولد مسكين يشاهق وصارله جرح خفيف لان الملقط حاد شوي
والحمدلله عدت
عاد قبل لا نوصل نام من كثر الصراخ والمهافس
رجعت اكمل شغلي واهتم بالعزيمة والمعازيم
رب ضارة نافعه...نام وخلصت شغلي بدل ما يجلس يحوس معي بالمطبخ
بس نعم رحمته