زجـــاجة فارغة

[مائة بيسة]

Monday
14/11/2016
صباحكم شوق ...صباحكم محبة..صباحكم حب..صباحكم فرح..صباحكم سرور...صباحكم توبة



أصبحنا وأصبح الملك لله ولاحول ولاقوة إلا بالله العلي العظيم
سبحان الله وبحمده سبحان الله العظيم
الحمدلله الذي أحيانا بعد مااماتنا وإليه النشور
سبحانك اللهم إني كنت من الظالمين



البارحة مادشيت كنت توب بيزي وبالاجازة الجمعه الصباح طلعت مع ماماتي اوصلها بيت وحدة من الاهل وبعدها باك تو هوم وبليل طلعنا نتعشى ببانوراما امممم يمي يمي والسبت بالبيت والاحد طبخت روبيان طلب خاص هع وحد شافني البارحة قال اني تغيرت 180 درجة كإني وحدة ثانية اونه حيل ضعفانة من متى انا كنت متينة يمكن زدت اضعف خخخ...ابي اروح البحر بعد الدوام بروح اشتقت له



مجنوووني...ياللي تنام بمقلة عيوني وغطاك الهدب (ماشاء الله)

[مائة بيسة]

Tuesday
15/11/2016
صباحكم سعادة...صباحكم حب الله...صباحكم مغفرة...صباحكم جمال...صباحكم حب..صباحكم روح طيبة

أصبحنا وأصبح الملك لله ولاحول ولاقوة إلا الله العلي العظيم وسبحان الله وبحمده سبحان الله العظيم
والحمدلله رب العالمين...يارب دعوتك أن تغفر لنا ذنوبنـا وترحمنـا برحمتك وان ترحم موتانا ومـوتى المسلمين وتدخلهم فسيح جناتك جنات الفردوس الأعلى..لا إله إلا أنت سبحانك إني كنت من الظالمين

البارحة بعد الدوام رحنا السرفس ومنها لمكان جديد من اكتشافات البطل اتوتو ربي يحفظه وبعدها باك توم هوم والزحمة اللي تلوع الكبد يعني ماقدرت امر البحر وبالبيت طبخت العشاء مكس اهم شي الحب عجبه ربي يحفظه لي ونمت بدري وصاحية كأنه مغصوبة اداوم خخخخ

مجنوووني...كنا بأواخر الشتاء ( ماشاء الله)





من جوعان نفسي؟؟؟

[مائة بيسة]

Wednesday
16/11/2016
صباحكم عشق...صباحكم نوفمبر..صباحكم فرح..صباحكم سرور..صباحكم حب لله ...صباحكم دعوة لاترد



الحمدلله رب العالمين ربي أغفر لجميع موتـانا وموتى المسلمين وبدل سيئاتهم حسنات وإسكنهم
فسيح جناتك جنات الفردوس الأعلى يارب وأصبحنا وأصبح الملك لله ولا إله إلا الله العلي العظيم..الحمدلله الذي أحيانا بعد مااماتنا وإليه النشور...لا إله إلا أنت سبحانك إني كنت من الظالمين

البارحة بعد الدوام ع طول رديت البيت وخلصت كل اموري وع حزة العصر بجروب العائلة صارت مشكلة ( جروب بنات العيلة ع قولتهم) المهم وحدة فاضية سوت كوبي ع كلامي وحط عليه فيس خخخ عاد انا فاضية هذيك الحزة للعلم موب اول مرة انا وهاي البنت نتهاوش المهم وصارت الضرابة بس طبعا بإسلوب راقي اونه تفتكر ان بالكلام انا اقصدها وهي مخزنة ببالها من اول مرة تهاوشنا يعني شايلة بخاطرها المهم ماهامتني كلش خخخخ...ثانكس نعمة ع البسكويت



مجنوووني...أحب صوتك هذاك اللي دواء للجروح(ماشاء الله)

[مائة بيسة]

Monday
21/11/2016
صباحكم حب...صباحكم خير..صباحكم مودة..صباحكم سرور..صباحكم عبادة...صباحكم توبة



أصبحنا وأصبح الملك لله ولاحول ولاقوة إلا بالله العلي العظيم
سبحان الله وبحمده سبحان الله العظيم
الحمدلله الذي أحيانا بعد مااماتنا وإليه النشور
سبحانك اللهم إني كنت من الظالمين



أدري وحشتكم حيل حيل حيل...الجمعة جأت عندنا خالتو انيسة ع الغدا وعسب كلنا نحتفل سوى بالعيد الوطني..بخبرم اشلون احتفلنا زينا البيت بالونات واعلام وصور للسلطان ربي يحفظه وغير عم الحلويات اللي كانت تحمل ألوان علم السلطنة وقر ب المغرب جات خالتو فهيمة وقعدنا معاها شوي وبعدها خلصنا الامور وبعد صلاة العشاء الكل تزين بالاوشحة والاعلام او اي شي يدل بهالمناسبة ورحنا نطالع الالعاب النارية طبعا عند بيتنا وجأت ابلة خديخة وكانت لمة حلوة ومن خلصت الالعاب النارية رحنا نأخذ عشى من برع كلنا وبالسيارة حاطين اغاني وطنية وسوالف مرح وضحك خاصة الغالية ماماتي ويانا يعني وناسة ربي احفظ لي عائلتي وباك تو هوم وخلص اليوم وجأت السبت من الصباح انا مريضة اهي اهي ورحت العيادة قالت لي الدكورة ماعندي دم والدكتور يقول عيونك حمر انتي ماتنامي المهم عطوني سقاية ورديت البيت الحمدلله افضل بس بعد الم خاصة بليل رد الالم وظهري هم يعورني ونمت والبارحة ماداومت والوسمية هم مريضة ربي يشفيها وهينة بعد..شكله من حبنا الاخوي مرضنا سوى هع واليوم قاعدة ع قلبكم مداومة خخخخخ



مجنوووني...تحبك روحي (ماشاء الله)



جميل صح؟

[مائة بيسة]

Tuesday
22/11/2016
صباحكم سعادة...صباحكم حب الله...صباحكم مغفرة...صباحكم جمال...صباحكم حب..صباحكم طاعة

أصبحنا وأصبح الملك لله ولاحول ولاقوة إلا الله العلي العظيم وسبحان الله وبحمده سبحان الله العظيم
والحمدلله رب العالمين...يارب دعوتك أن تغفر لنا ذنوبنـا وترحمنـا برحمتك وان ترحم موتانا ومـوتى المسلمين وتدخلهم فسيح جناتك جنات الفردوس الأعلى..لا إله إلا أنت سبحانك إني كنت من الظالمين

البارحة بعد الدوام ع طول رديت البيت وقعدت مع الوسمية سوالف وقررنا نروح صوب قصر العلم المهم بعد صلاة المغرب ع طول طلعنا ومن خلصنا صوب قصر العلم رحنا دار الاوبرا ..عطورات روجا روعة انصحكم فيها خاصة اللي بالعنبر يهبل وبعدها صب واي وباك تو هوم ...

مجنوووني...مابي أكون إلا معاك ( ماشاء الله)



ياللي تنام بمقلة عيوني وغطاك الهدب...



من فيكم يحب البحر كثري؟؟؟

[مائة بيسة]

اممممم بالبيت صعب انسق الصفحة واحط صور وهيك..اليوم رحنا شاطئ العذيبة واستانسنا غيرنا جو وقبل المغرب ردينا البيت..
داشة الغرفة من س9 بس ماجاني نوم.
نسيت أخبركم الصباح رحنا ناخذ بواسطة للأمهات وألعاب للأطفال.
والبارحة ذا جنجل.
نكمل عن اليوم ماادري النوم صايرة ماانام وعيوني حمر ..وايد افكر بالحياة...انتوا مثلي؟
خلينا اليوم نسوي قعدة سوالف اممم نتعرف ع بعض..عن قرب

شو تبدأ تعرفون؟
من اكون؟ شخصية تتميز بالهدوء يعني بالواقع ماتتكلم كثير غير مع الشخص المقرب لي.
من النوع الكتوم ماأحب اتكلم عن الشغلات اللي بداخلي.
احب اكتب احس أفضل بدل اتكلم مع شخص ويفسر كلامي ع هواه.
اممممم شو بعد..علاقاتي محدودة جدا مو لاني احب الوحدة بس تعودت هيك..حتى طلعاتي للشوبنج يابروحي أو مع اتوتو.
من اتوتو ؟ اتوتو هو جزء مني يعني انا..روح بجسدي ماراح تفهمون لأنكم صغار خخخ
ضروري انام باكر طالعين رحلة..

[مائة بيسة]

البارحة مادشيت المدونة مو بطرة بس انشغلت.
البارحة طلعنا رحلة صوب الداخلية وبالنسبة لي كانت رحلة فاشلة بمعنى الكلمة حد ضايقني وكرهني فيها..المهم ماعندي ديتلس عنها لأن بالمختصر عطيت الرحلة دليت من قاموس حياتي
واليوم ماطلعت غير مشاوير بسيطه بالمعبيلة والاجازة قربت ع النهاية وتجهزوا للدوام والكرف ومقابلة الأشكال التعيسة

[مائة بيسة]

احيانا يصعب علينا النوم..يعني مانقدر ننام لأن التفكير وايد شاغلنا.
قبل كنت ماافكر وايد هالفترة وايد افكر
حتى ماعدت اقدر انام ونومي متقطع.
لاتسألوني ليش
أحيانا الواحد يمر بهيك حالات.
عاد لاتحللوا ع كيفكم
وتصبحون ع خير ناموا لاتسهرون

[مائة بيسة]

Sunday
27/11/2016
صباحكم خير...صباحكم مغفرة...صباحكم حب...صباحكم جمال...صباحكم سعادة

أصبحنا وأصبح الملك لله ولاحول ولاقوة إلا بالله العلي العظيم
ربي أسالك أن ترحم وتغفر لجميع موتانا وموتى المسلمين وتسكنهم فسيح جناتك جنات الفردوس الأعلى
ربي أغفر لي ولوالدي ولجميع أحبتي يالله...ربي ارحمنا واغفر لنا واسكنا الجنان يالله ربي اشفي مرضانا واحسن خاتمتنا يالله...ربي فرج عنا الهم والحزن والضيق ويسر امورنا

قولوا أمين



وخلصت الإجـازة وردينا لمشوار الدوام واليوم وصل زميلي القديم ( نو كومنت) فهموها عاد خخخخخ هالانسان انا وياه مانتفاهم عاد مابي اسولف عنه..للحين ماشفته لان ع طول دشيت مكتبي مابي اطالعه حتى خخخخ
المهم كيف الاجواء عندكم انا ماادري مااحس الجو بارد خخخخ..وحصلت حل للإرهاق وعدم القدرة ع النوم من دكتوري الخاص يسلموا حبيب قلبي ( ماشاء الله) نسيت اخبركم البارحة رحت البهجة ودشيت السينما اللي حق الاطفال المهم دش ويانا ولد صغير يعني يمكن 9 سنوات المهم كان الفيلم رعب انا مشغولة بالتصوير واسمع حد يبكي ويصرخ عاد انا والاطفال كلاش المهم حاولت اهديه واخبره الحين بيخلص ويسكت ويرجع يبكي مرة خخخخ لغاية خلص الفيلم واهله برع ينتظروه المهم لما طلع سألوه كيف الفيلم مسكين رحمته بكى من الخاطر.




مجنوووني..انت بالنسبة كل شي (ماشاء الله)

[مائة بيسة]

Monday
28/11/2016

مساءكم سعادة...مساءكم جمال...مساءكم خير...مساءكم لايوصف...مساءكم رزق بإذن الله

امسنا وأمسى الملك لله ولاحول ولاقوة إلا بالله العلي العظيم
ربي أسالك أن ترحم وتغفر لجميع موتانا وموتى المسلمين وتسكنهم فسيح جناتك جنات الفردوس الأعلى
ربي أغفر لي ولوالدي ولجميع أحبتي يالله

البارحة رديت من الدوام وقعدت بالسرير لاأكل ولاغيره خخخخ ع قولة اتوتو جلسي كذاك لاتأكلي ..شو اسوي مو مشتهية اكل وبعدها رحت المغسلة اغسل السيارة وباك تو هوم وصليت وقلت اطبخ ع قولة الجماعه خبز ملح وطلع بايخ وايد سمين خخخخ وطلعت شوي مشوار وباك تو هوم وخلص يومي..جربت طريقة النوم اللي خبروني عنها البارحة مافلحت معاي..ربي يسر امورنا وهون علي قلبي ( تدرون ان احاسيسنا تتغير مااقصد الحب والكره الخ اقصد ان الاحاسيس يصيبها نفس الحساسية يعني تكون حساس خخخخ وعاد لو صرت حساس مشكلة)



مجنوووني...احبك ياكل الوجود (ماشاء الله )