ليال الشوق لو تحرق خفوق وتوقظ الشمعه

[نوارة الكون]

ليال الشوق لو تحرق خفوق وتوقظ الشمعه





ليال الشوق لو تحرق خفوق وتوقظ الشمعـه
سريت الليل مشتاقه لعينك مـا معـي ثانـي
سهرتك سبت صحتني دموعي ليلـة الجمعـه
يمر اسبوع ما أشعر بكايه كيـف صحانـي
تصارع لوعة الفرقى عيوني وتنزف الدمعـه
ولو ان الفرح لايق عليهـا لبسـت احزانـي
سبع ليلات لو تدري بأنك صرتي لي جرعـه
اردد وارتوي منه جديد البوح مـا اروانـي
مثل ما للجروح عيون مثل مـا للهوى لمعـه
تضيئ بداخل عيون الجروح وتعفي الجانـي
ألا يا نهـر خفاقـي ألا يـا شطـه ونبعـه
ابيك لثورة إحساسي رجاحة عقـل وجنانـي
دخيلك يالغلا وردك ذبـل لاتلحـق الزرعـه
اذا ماهو على شانك دخيل الله علـى شانـي
قسم باللي رفع سبع وبسط من تحتهن سبعـه
بأنك واحد بقلبي لحالـك مـا معـك ثانـي
مشيت اختال في دربك ولاني ناويـه رجعـه
أبيك تشوف بعيونك غرامـك ويـن ودانـي
اجي واتوسد ضلوعك ولا انته قـادرٍ منعـه
شعورٍ كاسيه ليلي وتفضـح ستـره أعيانـي
وإذا طبعي غدا مايل ورثت المَيل من ضلعـه
انا يـا آدمـي ميلـي يـزوًد فيـك إيمانـي
وانا مو قاصرة عقلٍ ولا تنقصنـي السمعـه
شهد لي حاضر ابويه مـع تاريـخ جدانـي
وانا ما اقول عن نفسي جمعت الزين والروعه
كفايه روعة حضوري بعين النـاس يقرانـي
بأني حلـوة المنطـق انيقـه باهيـة طلعـة
حديث بنعمته ربي حبانـي ليـن ارضانـي
يعيش الحر ما دامه تعيـش بداخلـه فزعـه
وتموت الحره لا قالوا حياهـا ميـت ٍ فانـي
دخيلك لا تزودهـا علـيً وتحـرق الشمعـه
يا ليل طال في ذكره بلاش تحرك اشجانـي

[مجنونك ما يخونك]

[مجنونك ما يخونك]

[نوارة الكون]

اسعدني مرورج اختي
دمتي في حفظ الرحمن

[حبي خالص]

اختيار جميل وابداع متواصل عزيزتي
يعطيك الله العافيه

" نص يستحق النجوم الخمس "

[نوارة الكون]

اختيار جميل وابداع متواصل عزيزتي
يعطيك الله العافيه

" نص يستحق النجوم الخمس "

اسعدني مرورج اختي
دمتي في حفظ الرحمن

[أميرة الروح]

نص رائع جدا
بارك الله فيك وسدد خطاك

[رايق البال]

هلا فيك نواره ..
لا جديد عليك هذا التألق والتميز
الف شكر لجهدك واختيارك وتفاعلك الجميل
طابت صباحاتك ..

[الشيخه الفلانيه]

'



شكراً لَـ هذه الذآئقه
يعطيك الله العافيه '

[نوارة الكون]

نص رائع جدا
بارك الله فيك وسدد خطاك

اسعدني مرورج اختي
دمتي في حفظ الرحمن