سَآكــَتَه وفِــي دآخَلِــي زَحمَة آصَوَآت

[حبي خالص]

أوقات تصير لك مواقف ما تعرف تتصرف فيها من الخوف
البارح صار شي كثير المني وخلاني أبكي بحرقه
يعني رغم إهتمامنا وخوفنا من إنه ما يصير لهم مكرووه
إلا إنه اللي الله كاتبه لازم يصير مهما كنا حريصين

بجد بالبدايه ما عرفت اتصرف
وأنا أشوف الشغاله تركض وبيدها هالبيبي الصغير
والدم ينزف منه ....... ما عرفت شو أسوي
بس واقفه مكاني وأشوف وأحس إني كنت بحالة اللاوعي
بعدها عاد أخذت الطفل وأحط على الجرح ثلج وماي بارد على اساس يوقف الدم
ولكن أبد بدأأ خوفي يزيد حسيت قلبي خلاص راح يتوقف وراح يغمى عليّ
منا خوووف ومنا ما أحب أشوف الدم ،،،،،
تذكرت معلومه مدري قرأت عنها أو سمعتها المهم إن الفازلين يوقف الدم أشوي
رحت اجرب اتوقع ما بقيت فااااازلين البارح ههههه من كثر ما حطيت
لاحظت الدم بالفعل بدى يقل مدري عاد بفعل الفازلين والا الماي البارد
والحمد لله مرت الأمور بسلاااااام
وشكراً من القلب لمن وقف جنبي البارح وخفف عني الألم اللي كنت حاسه فيه بقلبي

رووح الوورد .. شكرا حبيبي لك أدري كلمة شكر ما توفيك حقك لكن ما أملك غيرها
وكمان شكرا لـــ ( ما تحب أذكر اسمها ) .. خفي علينا الخجوله ألف شكر لك يالغلا على وقفتك من البارح لليوم

هنا بالفعل نعرف قيمة الأشخاص اللي تحبنا لا خلاني الرب منكم