^-^ شعورٌ يلامس نبضي °~° ®

[Raba]

أحيانا الشعور بالحزن والضيق يعني إنك محتاج لعبادة الله بطريقة مختلفة بطريقة اكثر قرب منه ،،

المهم ترا انا ما نسيت أخبركم عن شو صارلي في مطار أستراليا قبل لا أجي

[Raba]

كل ما اريده من الحياة هو نفسي المرحة
وقليل من الصبر والدعاء من أجل الشفاء

[Raba]

✍🏻 يعجبني أشخاص سلاحهم العقل وليس اللسان
وضربتهم القاضية الصمت وليست كثرة الكلام


كن خفيف النفس لاخفيف العقل وكن ثقيل الأخلاق لا ثقيل الدم

هكذا هي الحياة
ما أجمل أن نتحدث بثقه ونمرح بذوق ونطلب بأدب ونعتذر بصدق

ليس كل من تعلم الأحرف أتقن الكلام
الجميع يكتب والقليل يقرأ والنااااادر يفهم

وكن عظيماً بذاتك مجنونا مع نفسك
وعاقلا مع غيرك

[Raba]

بخبركم سالفة الطائرة والمطار والمواقف الي ما تخلص مع كل سفرة ،،

طبعا هالمرة أهلي هم إلي حاجزين لي التذكرة بالعادة وحدي أحجز ،، المهم قبل السفر بيوم طلعت انا وشوشو وريز كان جاي يسلم علي رحنا كوفي شوب واكلنا وسولفنا الوداعية ثم رحنا البحيرة ع اساس انها وردية طلعت لا غير ذلك يمكن في الخريف بس تصير وردية هههه عاد رجعنا انا وشوشو بيتي وريز كان معزوم وعلى أساس إني ارسله موعد التذكرة لانه هو يأخذني على المطار ،، المهم شكلهم مال عمان ناسين في فرق توقيت لحد بليل ساعة 10 ما أحد رسلي حاجة بتوقيت ملبورن لان في فرق 7 ساعات بينا وبين عمان المهم انا نفسي في سمك سألت شوشو نتعشى مكبوس سمك قالت خاطرك سوي لان اخر يوم اطبخ وما ساعدتني عشان آخر اكله انا اطبخها وهي الحمدلله تحب كثير طبخي ( في ناس تصير تحب طبخهم لانهم يذكروك باكل امك ولا وطنك وهاي شيء طبيعي مو من زود الطبخ يعني ) ،، المهم قبل سوينا الحقيبة وباقي بس ما اخذت شوكلاته وهدية حج أبوي وانا راسلة حج ابوي لازم يرسلوا التذكرة لان عارفين إن ريز هو يأخذني على المطار تخيلوا رسلوا التذكرة ساعة 1 بليل وتوها كانت طالعة شوشو رايحة ع البيت رسلت حج ريز قال بجيب شوشو وبنجي عندك عاد انا جهزت نفسي ونظفت البيت والأكل إلي في الثلاجة نزلته تحت لبنت عمانية في السكن وعاد اجوا وطول الطريق شوشو مسويه اغاني وداع واشوفك وين يا مهاجر وهجرني وما أدري شو حسيت رايحة أموت ما كأني برجع المهم رحنا ندور محل مفتوح ساعة 2:45 الفجر ما لقينا هو كل المحلات من العصر تغلق ما عدا الكبيرة ساعة 9 او 10 تغلق إلا الكي مارت لقيناه 24 ساعة مفتوح وجلست أدور هدية حج أبوي واخذت شوكلاته كنا مستعجلين ما شيء وقت ورحنا المطار عشان الدرب وصلنا ساعة 4:30 رحت الكاونتر مال الرحلات إلا تقولي المضيفة ضي تذكرتك متكنسلة مع ان أخوي قالي روحي قبل الوقت تأكدي التذكرة قلت خلاص خيرها في غيرها مع اني ما فاهمة كيف تتكنسل وليه قالي أخوي خلاص بتسافري بليل ساعة 11 ع القطرية قلت له تم بس ارسلي من وقت التذكرة قال طيب بس تعالي قبل الوقت ب 3 ساعات يعني ساعة 8 بليل تكوني هناك قلت إن شاء الله بس شكلي كان حزين يعني المهم رجعنا نجر اذيال الخيبة وريز شافني كذا هادية ما تكلمت لاني افكر شو كيف تتكنسل التذكرة وبعد موعد الطيران 6الصبح يعني في وقت كان .. المهم قال ريز خلاص ما بنرجع البيت بنروح الغابة وندور آخر يوم لك ضي شفت عليه هو وشوشو قلت لهم كله من حوبتكم ما تبوني اسافر جالسين تدعو جلسوا يضحكوا وانا حزينة حبه هههه ،، بعدين عادي روحنا نزلنا بيت شوشو نصلي الفجر وبعدين طلعنا تخيلوا نحن ما نايمين ترا جن من بليل يوم كامل ورحنا الغابة ورحنا هاي سكاي (اكبر قمة على الجبل) ورحنا الفروسية بس ما صار نصعد على الخيل لان الأجواء ما تسمح .. عاد انتهينا ميتين من الجوع وصلنا منطقة ع البحر ونزلنا فيها واكلنا مأكولات بحرية لأن بس هو المحل الحلال هناك اكلنا بعدين طلعنا ع اليخت من 3 طوابق وتمشينا في البحر وبعدين عاد من خلصنا فوادي بملك شيك مانجو رحنا داندنوج تبعد عن بيتي 45 دقيقة بالسيارة المهم فليتها ذاك اليوم وعاد رجعنا البيت ساعة 6 العصر رحت غيرت ملابسي وسلمت على صديقتي ريموا العراقية وطلعنا حوالي ساعة 7:10 العصر عاد جلست اكلم أمي قبل لا أطلع ولما رحت المطار وصلت 8:30 طبعا ريز وشوشو مايتين تعب مساكين حشرتهم هههه وصلت الكاونتر عطيتهم الجواز كان يقولوا ضي التذكرة تكنسلت !! ضي صار وجهها احمر قالت نعم ؟! ردت المضيفة روحي آخر كونتر يمكن يساعدوك اجت مضيفة وجلست تدخل بيانات تحاول ترجع الحجز قالت الحجز راح وما يصلح يرجع واصلا متكنسل بدون ذكر سبب.. هنا انا عصبت واكلم اخوي عاد جلس يتفلسف علي هو ما يفهم في الأمور وبعد يزيدني قال انتي متأخرة قلت له تروم تسكت عني وتعطيني بابا قال بابا محترق فونه ما عنده واتس اتصلي في أمي يمكن يكون بابا في البيت رحت أتصلت على أمي وبابا تو يدخل البيت قلت لها ماماه عطيني بابا شوي وعاد كلمت بابا وانا فيني دمعة متفشلة من نفسي يعني ريز وشوشو طول اليوم معي بلشت الخلق مو ان وحدي قالي بشوف اخو اخوك (بالرضاعة) هو الي حاجز لك عاد جلست انتظر قالوا تروحي بطيران الإتحاد وجلست ادور الكاونتر ما رسلوا لي الرمز وجات الساعة 9:30 وانا بس من كاونتر لكاونتر ومن العصبية الي فيني اقوله هذا اخوي ينازعني معصب علي وانا وحدي ما فاهمه السالفة قال بابا بعصبية تو ذا ماله كذا نوبه اخوك غير شكل أنتي شو دخلك وحدنا حاجزين الغلط من الشركة ما المفروض تأكد لنا الحجز بعدين عاد لقيت لي اخر طيران للإماراتية وبتقلع ساعة 10:40 ما باقي وقت جلست ادور الكاونتر مالهم رحت عندهم تخيلوا مغلق خلاص مسكرين كان بابا ع الخط اقوله بابا مسكرين قال ضيونه تصرفي حركي نفسك ما تفكي ثمك ما اذكر انك كذا (حسيت نفسي غبية من الصدمة والعجلة وفوني بيطفى ) عاد خبرت واحد يشتغل هناك قال دخلي بزنز ورحت ودخلت أغراضي وتأخر التكت حجي من دبي لمسقط جلسنا ننتظر وقالوا لي تنتظري شوي نجيب لك تكت المهم عاد أخذت التكتات هههه وسلمت على شوشو وريز الي شكلهم كان يضحك حد ماسك حقيبة السفر واحد ماسك اللابتوب ويليعوني وين ما اروح ههههه ولكن نعم الصحبة نعم أحمد الله على وجودهم في حياتي ما قصروا والنعم فيهم وفي تربيتهم واصلهم ،، بكمل ما خلصنا ترا هههه ،، دخلت الجمارك تعرفوا إجراءات أمنية يشوفوا حقيبة الظهر اللابتوب والجواز رحت عاد بدخل لازم جواز إلا الجهاز ما يتعرف على بصمة العين قلت خلاص ما بسافر اليوم جلسوا يحللوا وجهي في فرق الصورة غير كنت مغنزه والحين غير كبرت وطبعا ما أول مرة يصيرلي هالموقف في مطار ماليزيا انذليت اجوا شرطين حتى يحللوا شكلي المهم عديت على خير الحمدلله وصعدت ع الطائرة وأول مرة في حياتي انام في الطائرة مدة طويلة السفر مدته 13 ساعة انا كنت انام بس 3 ساعات ساعتين هالمرة من التعب صاحية ساعتين ولا 3 ولا كله نايمة ،، وصلنا الفجر دبي نزلت رحت أصلي وعاد دخلت ادور الجيت حجي ما مكتوبة في التكت عطيت وحده كتبت لي رقم الجيت b8 والحمدلله تذكرت الجيت وطبعا مطار دبي كبير جلست أمشي وأمشي وانا شايفة التكت في يدي الرحلة كانت EK864 الحمدلله حافظتنها المهم ضاع التكت الحين وين مكتب الامارت حتى اجيب تكت منه و المطار كبير مكاتب الطيران ما لقيت رحت خبرت البلويس قالوا روحي مال استفسارات الطيران رحت عندهم قالوا طلعي من هنا هو خارج عند الجمارك هناك مكاتب يلا يا ضي سامحك ربي بس نزلي وطلعي عاد وحده تمشي لحد الجمارك بتروح الطائرة المشكلة ما في احد في الجيت 8 بي ولا كنت أقدر اطلع تكت من هناك عاد نزلت ورحت طبعا مطار دبي اغلبهم وافدين قلت حج الامن هي افريقية كيف اطلع قالت لي طلعي مناك وتاشر على مكان الدخول تو انا اقول كيف اطلع من مكان الدخول وقفت عند مكان الدخول واشوفها تقولي عادي روحي عاد طلعت المكتب ع طول مواجهني طلعت تكت جديد ورجعت الشرطة يقولولي ليه رجعتي الحين طالعة كنتي قلت لهم مضيعة تكت كنت قالوا زين روحي عاد رجعت وجلست اتنفس شويه وفتحوا الجيت وطلعت ع الطائرة ورجعت عمان الحمدلله ..


ما شاء الله علي كتبت واجد تصلح قصة ما قبل النوم عاد هههه عبرت عن مشاعري فيها ههه

[Raba]

يا الله الحمدلله اليوم طلعت نتيجة الإختبار الحين أصلا شفتها واجد كنت خايفة إني ارسب هالمادة والحمدلله شفت اني باااااااس مادة حيل اكرها ما اطيقها ولا هي تطيقني الاختبار من 17 صفحة مدته ساعتين وعشان انا عندي ورقة من المشفى زايدين علي 20 دقيقة في الوقت بس كان جدا صعبا ونظام الاسئلة كم صفحة على درس وكل سؤال عليه اقصى حاجة درجتين يعني لو ما راجعت ذاك الدرس راح الدرجات بس الحمدلله ربي فرجها علي ،،
كنت عايشة في رعب ببشر أصحابي كنا ندرس مع بعض من كثر إن الأستاذ ما يعطي درجات وغير مافهم وفوق هذا حاطني في راسه كان هههه لأن ما اتواصل معه اروح السبرفايزر مع انه هو واحد من سبرفايزر في الشبكات والسوتش ، ع العموم عدينا ولله الحمد

[Raba]

الحين يوم الجمعة عندنا عرس وانا للحين ما أعرف شو ألبس ولا أعرف شو بسوي مفكرة اسوي لحالي الميكب او بخلي اختي تلعب فيني وما عارفة من ينقشني صار نفسي اتنقش ،، ما أعرف ذا العرس كيف بيجي أبوي الله يوصله بالسلامة بيسافر اليوم عمل ،، زوجة اخوي ما بتجي الزفة عشان أولادها ،، وبيجيبوا فرقة وانا أكره الفرق أحس ياخي ما حلو فرقة افضل ديجيه بدل لم الناس ونفس الشيء ما بناخذ راحتنا ،، المهم الله يتمم عليه معرسنا ،، أهم شيء هو يستانس عاد مركبة الزينة ما شاء الله

[Raba]

أصبحنا وأصبح الملك لله والحمد لله ولا إله إلا الله والله أكبر ،،



كيفكم يا حلوين عساكم طيبين حسيتوا بديت أكون ذووووق ياخي ما عرفتني هههههه ،،
المهم ناهضة من الساعة 6 بس ألف وادور في اليوتيوب كل مرة اشوف شيء وأهم شيء علي نجم في مرينا أف أم ،، المهم جيفور وريوض ما رايحين المدرسة عندهم اجازة مرضية لأن عندهم التهاب معدي وعاد جيفور فرحان اجازة وقالوا لهم ما ياكلوا مع بعض وما يطلعوا خارج على جو وهم ترا مستانسين كذا من اول ما اجوا ع البيت وهم يخبروني حتي الصبح انا ما قافلة الباب حج الغرفة جيفور يطق الباب ويحاول يفتحة ما قادر يقولي فتحي اقوله ما مقفول عاد فتحه بقوة وجلس عندي بالسرير شوي عشان بس يقولي عنده اجازة وما راح يطلع بالحوش و عاد راح يشوف رسوم ولا ريتا انصدمت مجهزة إفطار قالت وين جيفور ورياض ما يروح مدرسة قلت لها لا أجازه بس طه عنده إختبار وطبعا أمس كان يذاكر اسلامية واختبارة رياضيات الله يعين بس هههههه ترا من العبقرية الي في أخوي ما يذاكر سبحان الله والي يغم كله مقابل وجهي ما يطلع من البيت إلا نادراً بالليل وتقول عنه ما فاضي يروح مع أصحابه ،، لا ويسبح هالايام ويستغفر اخذ تعداد. التسبيح وانا اضحك اقوله زين الله هداك كل ذا عشان الله يوفقك ذاكر وبتتوفق ما أدري من ضاحك عليه بس عسى الله يهديه مسلني أطقطق عليه وعلى جيفور انا بدونهم بنتحر أصلاً ههههه وناسه كله اغاير جيفور وانكت على طاهو ،، سبحان الله جاء طه ع الذكر الله يستر شو مهبب في الإختبار..

صح رضا بعده يدور أهلي مال أستراليا الحين ابوي الأسترالي مات وين أمي جالس يحلل مو مصدق ههههه

[Raba]

خلاص الحمدلله لقيت لبسه حج العرس بعد زي ما كان نفسي زي تقليدي عماني ظفاري لأن أهل العروس ما يبوا قاعة المهم الحين باقي اتنقش قابت أختي اذا ما اجت متأخر بتنقشني ولو تأخرت عاد ما اتنقش يمكن المهم اليوم بنسوي ربشة شوي عشان بكرة نعقل ههههه ،، ربي يتمم على ولد العم ويتمم على كل المعاريس بالخير والسعادة

[Raba]

الحين امس رحت عند خالتي عشان أخذ من عند زوجة ولدها اللبس المهم بناتها اختبارات تعرفوا فمطرشتنهم عند أختي تذاكر لهن لانها تسكن نفس الولاية .. عاد ونحن جالسين أمي كانت تتنازع على أختي من وراها تقول ذي ما فيها أدب ما جابت سُليمان حج ضيونه طايح في يدها مسكين ( هذا تعبير مجاز لان انا كنت داخلة معها غرفة الولادة ) أصلا أمي ناسيه انا التقيت في أختي وهم تهزقت من خالتي واختي الكبيرة ما نزلت تسلم علي ههههه انا وياها عادي متفاهمين كنا طالعين نزور مربيات من الأهل ،، المهم لما اجت أم سُليمان عند خالتي عشان تسلم علي جايبه سلماني لابسه لبستي وبالصدفة انا لابسه لبستها ههههه (انا محتله دولابها لأنها ما عاد تسكن في بيتنا وهي محتله دولابي عشان انا ما في عمان تعادل هههه ) المهم قلت لها بدلي قالت بدلي انتي أول انا الأكبر ههههه قلت لها مع نفسك وعاد مصخرتها قلت لها ما تجيبي ولدي قالت امي طايح في يدي يا قليلة التربايه هههه قالت مع نفسك أمي ما قالت .. قلت لها صدق ماما قالت طايح في يدي ردت علي لا طايح في يد الممرضة طيب ترا تعبير مجازي المهم طفرت بها ما نحن متعودين كذا جونا يعني مرح و وناسه خاصة انها الأقرب لعمري وصديقتي مو بس أختي

[Raba]

كيفكم جميعا إن شاء الله تكونوا بخير ،،،
اممممم من أمس مزاجي معكر معصبه من خاطر ونفسي أصيح ولا بطلع حرتي في أحد في البيت هههه ... ترا الرهيه على المربوطة لاه هههه