｡• روان ومدونتهـــــシــا •｡

[روانـــــووو]

مساء الليل 🚶 المكان هادي الكل نايم بس أنا ما قدرت ما جاني رقاد قلت أرجع السبلة وأشخبط في المدونة شوية هههه بس صراحة الجو رهيب برع هواء قوي بارد أنا طلعت أوايج من الباب بس خفت أطلع الحوش والله لو كان الوقت ما متأخر بفرش لي حصير وبنسدح أتأمل النجوم وبقرب لي دلة شاي هههههه بس تو صراحة أخاف بعد ما فيني يلبسني ينون هع ..
المهم في موقف إتذكرته دلؤوتي وإعتبرها حزواي ع قولة حبوتي كنا جالسين بالصالة نطالع مسلسل أنا وأمي وأختي الصغيرة وعاد في الحلقة أونه واحد متزوج جديد وجالس يدلع زوجته ولا تشوفون أشكالنا إحنا الثلاث مبتسمين وداخلين جو معاهم ولما إلتفت ع أختي الصغيرة هي عمرها 10 سنين متمت عليها من الضحك 😭😭 إبتسامتها من إذنها اليمين لليسار لا قمت أنا وناديتها وقلت لها ماشاء الله الأخت ميرة مبسوطة هههههههه ولا تعصب وتهجم علي وتشمخ إيديني أعوذ بالله أحيد اظافرها قصيرة هذا كله أونه استحت أصلاً للأمانة أنا كنت مبتسمة بعد بس عدت الحمدلله محد شافني ولا رحنا وطي هع هع ..
أحس بعد أبا أسولف وش أقول عادي أكذب ما عندي سالفة لا لا أمزح خلاص بروح أنام تصبحون ع خير من هالهواء اللي يدقدق البيبان شكله صدق جاينا منخفض أحلامي سعيدة