ارجو المساعده

[عسل بس مالح]

السلام عليكم اخواتي العزيزات
الحمدلله انا حامل والحين فالشهر الثالث لكن كل ما اراجع العياده كل مره يقولوا شي..اول قالوا البيبي صغير جدا وما واضح وبعدين قالت الدكتوره انه نبضات الطفل ضعيفة جدا وخبرتني اراجعها بعد 20يوم وعطوني مثبت الحمل ...الحين انا اريد حد يفيني هل لما تكون نبضات الطفل ضعيفه يكون خطر على الجنين وماهي الاسباب ..وجزاكم الله خير

[اموووره]

صباحووو

بدايه حبيبتي مبااارك عالحمل والله يثبته ويرزقك الذريه الصالحه وتقومي انتي واياه بالسلامه ..

سالفه البيبي صغير هالشي عادي لا تخوفي روحك ..
انا اختي فكل حمل يقولولها البيبي صغير بس عادي تتغذى عدل والحمد لله الامور طيبه ..
حاولي تاكلي بيض مغلي وحليب الصباح هالشي وايد مفيد لزياده وزن البيبي ..

بالنسبه لنبضات القلب الضعيفه معرف صراحه بس اهم شي لا تخوفي روحك واهتمي بأكلك لانه اللي يضرك بيضر البيبي وان شاء الله من تراجعي الطبيبه راح تكون كل الامور تمام ..

عاد شسمهه طمنينا عن وضع البيبي بعد مراجعه الطبيبه ..

ربي يعطيك الصحه والعافية عزيزتي ^^

[ملك روووزي]

هلا عزيزتي بصراحه حسيت فيج صارلي فحملي هالشي وخوفوني وضليت كم شهر م ع طبيعتي وبس ابكي ةانا وزوجي متضايقين من كلامهم بعدين سبحان الله فالشهر السابع كان البيبي اوضح سويت اشعه مرتين وطمنوني بعد كم شهر معاناه بس الحمدلله طفلي ولدته وكل شي زين الله يحفظه ف اختي خليها ع ربج لاتروحي ع كلامهم ياما حريم خوفوهم وتوكلوا ع الله وصارت امورهم طيبه بس من ناحيه انه صغير يعني هو بعده ثلاث اشهر ولازم يكون صغير اما دقات القلب ف بس ارتاحي وحاولي لاتتعبي نفسج بالحركه واقري عليهم كل يوم امسحي ع بطنج وكلميه ( البعض يفتكر هذا جنون ) بس الطفل يوصله كل شي ويحس وجربي اقري فالنت واصلا هو شي حلو بصراحه تسولفي وياه هههههه ,
وربي يحفظج وطفلج من كل شر وتقر عينج بشوفته يارب

[عسل بس مالح]

كلامكن طمني الحمدلله وبارك الله فيكن وعسى يا رب يتم حملي ويكون البيبي بخير وعافيه
اما عسالفة الاهتمام بالاكل بصراحه انا مقصره فنفسي واجد اولا الحليب ما احبه ما اقدر اشربه بزوع ان شربته ومااهتم باكل الفواكه والخضار احس مامعي وقت دوامي والبيت كله متولف والحمدلله

[اموووره]

كلامكن طمني الحمدلله وبارك الله فيكن وعسى يا رب يتم حملي ويكون البيبي بخير وعافيه
اما عسالفة الاهتمام بالاكل بصراحه انا مقصره فنفسي واجد اولا الحليب ما احبه ما اقدر اشربه بزوع ان شربته ومااهتم باكل الفواكه والخضار احس مامعي وقت دوامي والبيت كله متولف والحمدلله

امين يا رب ..

هههه عيل انتي مثلي انا بس ريحة الحليب تلوع علي واذا شربت شوي برجع ما يبالها كلام ..
طيب استبدليه باللبن ولازم تهتمي فروحك وحتى بالدوام اخذي فواكه معك وتغذي عدل ..

[ملك روووزي]

كلامكن طمني الحمدلله وبارك الله فيكن وعسى يا رب يتم حملي ويكون البيبي بخير وعافيه
اما عسالفة الاهتمام بالاكل بصراحه انا مقصره فنفسي واجد اولا الحليب ما احبه ما اقدر اشربه بزوع ان شربته ومااهتم باكل الفواكه والخضار احس مامعي وقت دوامي والبيت كله متولف والحمدلله

امين يارب الحليب حبيبتي كلفي نفسج بيه ضيفيله عسل بيجي طعمه حلو ,والفواكه انا مثلج كنت اقول م ابي ودوام وربشه ووووووو قطعيلج فواكه واخذيهم بعلبه الدوام وعصاير حطيلج بعد فثلاجه الدوام و البيت وتمر كذي فعلبه وقت بغيتي افتحيها وكلي يعني اشيا بسيطه والله سوي بارض بس انتي

[مائة بيسة]

مبارك لك عزيزتي وربي يثبته..
نفس ماقالوا الاخوات اهتمي بصحتك وبتغذيتك عدل
وكلي امرك لله

[نـــــــقــــــــاء]

صباح الخيرات
إن شاء الله كل شي سليم وما دمتي في الشهر الثالث يعتبر صغير بس انتي اهتمي بالتغذية زين ...
أنا قالولي البيبي كبير ولازم أشعة خاصة وعطوني موعد للأشعة الخاصة وف نفس يوم الموعد ولدته طلع 2 كيلو و800جرام وهن مسويات سالفة .
لكن انتي حاولي تريحي نفسك قدر الإمكان وخلي حد يساعدك ف شغل البيت .

[حبي خالص]

الف مبروك لك الحمل
وعسى ربي يثبته لك ويتتم لك على الخير وتفرحي بشوفه

والله لو رحنا على كلام الأطباء كان عشنا بحاله نفسيه ما يعلم بها الا ربنا
حد بيقولك البيبي صغير وحد بيقولك كبير
وبتسمعي دكتوره تقولك نبضاته ضعيفه وثانيه تقولك ممتازه هههه أختلاف علماء الله وكيلك

نصيحتي لك أهتمي بحالك وتغذيتك
وأهم شي حالتك النفسيه تريحيها بيرتاح معك كل شي وإذا العكس
بتكوني تضيعي على نفسك الكثير
كثري من الدعاء وكوني على يقين ما راح يصير لك شي الا اللي ربنا كاتبه

أعرف بنت خبروها حملها كثير حساس ولازم 4 شهور على الاقل اغلب وقتها تكون بالسرير
توكلت على ربها وكانت تداوم وتسوق سياره غير شغل البيت وووووو
بس لأن ربنا كاتبه لها تم حملها والحين أشوف ولدها مجننها هههه
كل شي بيد ربنا فقط قولي يارب

[بدر الدجى]

هلا فيج عزيزتي

أتمنى انج استفدتي من نصائح الاخوات المتزوجات
الله يثبت حملج ويسهل عليج