صبااح الورررد
الحمدلله لحقت ع مدونتي كانت بتقفز للصفحه الثانية
ما عليناا اليوم كان شوي ثجيل علي
ولله الحمد على كل حااال..تقريباا اليوم جريب س 4
وصلني اتصال وانا اتكلم سمعت صوت اسعاف طليت من
الشباك وشفت الاسعاف صوبنا قلت الله يستر يمكن حادث
المهم تقريبا ع الساعه 4 وربع قلت برقد شوي
الا واسمع صوت الاسعاف مره ثانيه وثالثه
وسيارات شرطه وافز من نوومي وارسل حق اهلي
في حادث ف صحار او صاير شي وارسل حق بنات
صحار قالوا ابد ما سمعنا شي وانا حاسه ان شي كايد صاير
المهم بعد جهد جهيد قدرت انام وصحيت ع الساعه خمس ونص
قالت وحده من البنات عرفتي شوو صاير؟ قالت ان بنت من كليتنا منتحره
يعني اقسم بالله ما قدرت اركز ف شي ابدا ماسكه راسي من قو الصدمه
وتعبت تعبت تعبت وارتجف ولا قادره اسوي شي المهم خذيت دواي وارتحت شوي
وكل شوي اسمع صياح بناات عورولي فوادي ا💔

اول شي الله يرحم البنت ويصبر اهلها اللي اعتقد للحين
ما يدروا تفاصيل موتة بنتهم لان البنت بحرينيه
الشي الثاني ما في شخص بهالدنيا ما مر بضغوطات
ومشاكل ومصايب عمره ما كان الانتحار هو الحل
ليش انتحر؟؟اخسر دنياي واخرتي
وين الايمان بالله..الله ما يقدر الشي للعبد الا ويعطيه القدره انه يتحمل ويصبر
ايا كانت الظرووف وايا كانت المشكله الله قال ان بعد العسر يسرا
كل هم كل كرب وكل غم له فرج عمره الحزن ما يدووم
وهاذي الحياه طبعت ع كدر بس هذا ما يعطيني الحق انتحر
واذا كله ولابد بدعي ربي يحييني اذا كانت الحياه خير لي
ويتوفاني اذا كانت الوفاه خير لي..كثرت قصص الانتحار
وكله يرجع لضعف الايمان بالله والوازع الديني
يالله بحسن الخااتمه