مركز تحميل الصور
هالبارحه مريت دار المسنين
وحزنت من شوف القهر .. والمصايب
شيبان في الستين .. ولا في السبعين
مرت عليهم في الحياه العجايب*
قلت السموحه لكن .. عيالكم وين
قالوا عليها لكن النسل خايب
عيالنا تمشي بشور النسآوين
والله يجازي من يكون السبايب
سكت ودنق وأسبلت دمعة العين
وهبت عليه من الليالي هبايب
قام يتذكر يوم كانوا بزارين
ياخذ لهم في كل روحه لعايب
ويشيلهم من الأرض لاجوا حافين
ويبكون لقد هو عن البيت غايب
واليوم يبكيهم وهو شايف الشين
لا عيال لا زوجه ولا به قرايب
يامقصر ( ن ) في حقهم انت مسكين
لا تعق فيهم واطلب البر تايب
من عقب ما ربوا تبريت ذالحين
لابارك الله في ردي الصلايب
والله يارجل (ن ) فيه نخوه وبه دين
انه ما يرمي بذا الدار شايب
رد مع اقتباس