♧عـــــــــ♡ــــــــــزف♧

[♧مهااا♧]

بم بم براعم ....

[♧مهااا♧]

من البارح وانا صدري تزوره لحظة الترحال
ومنها صحصحت موعد قديم وانتهى (لاشي)

هناك بتربة أنواع المفارق مندفن رجال
وفاء وآخر محاصيله هجير ودمعتين وكي

[♧مهااا♧]

مدخل







المكان اللي هنا .. مليان ضحكات ، وأغاني !

والكلام اللي بغيت أقول .. يحتاج لـ سكينه !


شوفي الركن البعيد هناك .. كنه صدر حاني

هذا هو اللي يليق بـ شاعر وبنت حزينه !





عمق






هنا والكرسي اللي من هجرته هزه إغيابك

وشارع تعشقه غيمه تبلل وجهة / الغابر !





سرت ذيك الزوايا والشجر والطير بأسبابك

تثاوب ليل ماغمض .. يضم اوسادته ساهر





لقيت الامس في يده حنينِ .. شاب ماتابك

مضى هالامس مابين الزحام ودوخته عابر





يردد لك ( انا صابر على تجريح مخلابك ..

انا صابر على بعدك الى بكره وانا صابر )





اشوف الشوق ماوطوط اظنه تاه في غابك

لبس ثوب الغروب وعلق اماله على باكر





فرش له حلمْ وارخى حاجبيه وصك دولابك

تقلب .. مادرى هالضيم حوله شبه متناثر !





ومر الريحْ .. يمسك في يمينه ريحة اثيابك

وقف نبضه يلوحْ ياعطر لاتختفي / ناطر !!





تعال وعانق الفجر العفيف .. اللي تغنى بك

بكى ومخدته ملت دموعه وانت مو شاعر





نزل من بؤبئيه اسراب هم و دمع متشابكْ !

صحى طفل الملامه واحتضن لعبوبته يآمر







هنا بابك خذل شاعر !

هنا بابك خذل شاعر !

هنا بابك خذل شاعر !

هنا بابك خذل شاعر !





كفر بالصبر لان الصبر لامن غبت ماجابك

ولان الصبر ماجابك غدى في ملته / كافر





رسمة الوقت برشامه بكت من يد طلابك ؟

يغششك الوصال ومل قلبه . ينصحك ذاكر





زرع حبك وطاحت في يده ( تفاحة اتعابك )

دخيلك بادر إبوصله .. عشان إرضاوته بادر



مخرج




أيــنا كان الضحيه ؟ .. وأينـــا اللي كان جاني ؟

مدري ! .. ولكن قراري لازم إنك تقبلينه :





مثل ما أكره فكرة إنه واحد ياخذ مكاني

ما أقدر أجلس في مكان إنسان .. كنتي تعشقينه

[♧مهااا♧]

أشوفك ..،
مْقصر / و قاسي / و أناني
ولا قـدرت أستـوعـب إنـك تغيـرت !



إرحل ..،
ولكن جيب لي ( شخص ثاني )
أبـيـه يشـبــه لك / إذا فيـه ناظـرت !



يشـبـه ..،
لـ صوتك كل ما هـو دعاني
لا قــام يجمـعنـي معــه لا تـناثرت !



يشـبـه .،
لـ روحك يـوم تسكن كيانـي
يوم إنها آمـان جسمـي إذا إنهـرت !



يشبهك ..،
يومـك فـي هـواي مْتفانـي
قبل مـ أشوفك كيف فالحب قصّرت !



أبي ..،
أخلـّد في هواه ( المعاني )
أبـ أثبـتـه حتـى لو لـ ذاتي أنكـرت !



أبي ..،
ليا من غبت عنه وضماني
يكـّسر الدنـيـا / ليـا مـن تأخرت !



بالضبط ..،
مثـلك يـوم تفقـد ، حنـاني
قبل مـ أحس إني معك طاح لي كرت !



جب لي ..،
شبيهك ،يا ( شبيه المواني )
ولا تكدّر / يكفـي إنـي تكـدّرت !



جيبه ..،
ولك شكري وجل إمتناني....
وإشـره علـي إن كـان بعـدك تأثّـرت !

[♧مهااا♧]

أمي ،، كل يوم وانتي جنتي ❤

[♧مهااا♧]

لا الصبح قادر ياخذك لي عشاني




ولا الدرب لك : بستان قمحه وطينه



قلي : إذا مني [ برودك ] خذاني ..

كيف الدفى يطرق ... بيوت المدينه

[♧مهااا♧]

تبخل بمداتك على كثر ماعطيك
وانا آتساقط لك رطب من علوّي


نقشت لك حنا حروفي بأياديك
وياكثر ما استمطرت لرضاك نوي


الله يسامحني ويغفر تماديك
يوم تعزف لحن الغياب المدوّي

[♧مهااا♧]

،،
جاني ملل قلت اجي اشخبط هنا ،،
انزين ،،
جاني نعاس قوي وندمجت مع فوني
ما حسيت الا وحده من ربعاتي تهزني وتقولي مهووووي يكلموش،،
ورفعت راسي وحصلت المدير يطالعني ويقولي هاااه كيف النت قوي ولا لا خخخخ،،
وصار وجهي ازرق اصفر احمر
وقلتله هاااه مثل الهبله ،،
وطلع ،،
تتوقعون طرد ولا ترقيه

[♧مهااا♧]

مسائكم ورد زوار مدونتي♡

خاطري امارس هواية وابدع فيها ..
أحب الرسم والطبخ
احب اصمم ديكورات
احب انسق الالوان
حارمه نفسي ياخي
خاطري اصير مصممه ازياء وديكور و ازين كيك
وافتح محل اسمه بوتيك مهوش
يالبييييه ،،
ويكون له ماركه بروحه واعمل حركات وهيك
امته بس احقق حلمي

[♧مهااا♧]

اكثر مثل أستخدمه في حياتي
♧ الباب الي تجيك منه الريح ،، سده واستريح♧