مب كل حي بداخله احساس حي ..!!

[اموووره]

الضربة اللي ماتقتل تقووي💪

قصة راقت لي كثيرا فأحببت مشاركتكم :

انا انسان طبيعي بس الشي الغريب محد يذكرني ،
يعني ان جيت ولا رحت عادي
جوالي يجلس اسبوع محد يدق علي ،
صح تعبت نفسيا
من التهميش بس
تعودت وصرت ماسولف
مع احد ،
ولا احب افرض نفسي
ع احد ،
انا موظف (حارس امن) الشهاده لكم عليها ،
عندي عمي كبير العائله احبه حب جنوني ........
و اقدره لرزانته وحكمته وتعقله ،
واقاربي دايم يستشيرونه
اذا عنده مناسبه ،
اكون اول الحاضرين ، واصب القهوه والشاهي ، واهتم عشان مايزعل ،
وكان في المناسبات يعتمد علي وكنت مبسوط لانه مايهمشني مثل البقيه ،

أخوي الي اصغر مني
تخرج ضابط ،
وقررنا نخطب انا وهو من عند عمي ،

(( تعرفون لما تحب إنسان
اوتتعلق فيه وتنصدم منه صدمه العمر ))

قال اخوك يختار من اكبرهن لين اصغرهن
وانت مالك نصيب عندنا ، قلت : ليه ياعم !
ضحك قال منت بكفو !

سكت من الصدمه .
اخوي انتظره يقول شي سكت يبي بنته الي يحبها ، بلعت الكلمه ومن بعدها جلست اسبوع اقوم اخر اليل اصرخ من القهر.....!

لهدرجه محد يشوفني شي،

طيب انا ماعمري اذيت احد وخدوم وبالاخير ماني كفو لو جت من غيره عادي بس عمي الي مربيني من بعد ماتوفى الوالد ،
من تأثري بكلمته تركت الوظيفه ،
واعتزلت الناس وصرت افكر بمستقبلي جامع مبلغ بسيط ، وقررت اشتغل في التجاره ، وبديت اشتري خضار ، وكنت اشتري احسن شي في السوق ، وانقص في سعر الربح ، العالم تدبل السعر وانا ابيع باأقل من النص ، عشان امشي بضاعتي، وصرت اتعامل مع الشريطيه يوم يضحكون علي ويوم اضحك عليهم ، صرت شاطر في البيع والشرا ، البضاعه الي اشتريها مايجي العصر الا وهي مخلصه ، سنتين وبديت افتح محلات خضار، ونفس البدايه مكسبي مايتعدا نص سعر البضاعه .

تزوج اخوي ، وانا ماعاد رحت لعمي الا اذا جات مناسبه كبيره ، احضر واجلس مع الناس ماعاد اناقز مع القهوجيه ، بعد سبع سنوات من كلمة عمي صار عندي في كل جهه من الرياض اقل شي محلين خضار ، رصيدي في البنك يبطي عمي وعياله يجمعونه . شريت بيت لي وللوالده وخواتي في ارقى حي في الرياض ،

جوالي اللي محد يدق عليه

كل يوم معزوم وعمي مبسوط مني وصار يستشيرني ،،،
دق علي وقال ترا جايك بكره
قلت حياك وكنت عارف ليه جا ،
قلت لازم استرد كلمته الي جرحني فيها وعطتني دافع اتغير ،
جاني هو وولده يخطبون اختي وجايب معه أثنين من كبار العايله يبي يحرجني ، قلتله ابد البنت بنتك وولدك اخوي بس عندي شروط....!

قال وش شروطك : قلت المهر مية الف ، ولها بيت لحالها ، وشغاله وسواق . قعد يضحك ويقول تتكلم من جدك ؟ قلتله الي مو بكفو يلبي طلباتنا لايخطب من عندنا .

انصدم وقال ماربيتك على كذا .

الان اختي مزوجها امام مسجد في حارتنا وعمي اذا شافني داخل اي اجتماع او مناسبه يوقف ويرحب فيني وكذا مره يلمحلي يبيني اتزوج بنته
واقول : له ماني بكفو اناسبكم .

الخلاصه :

( بكلمه نهدم حلماً ، نداوي جرحاً ، بكلمة نخسر شخصاً ، نكسب قلباً ، بكلمة نحقق أمراً ، نسعد بشراً )

- فلتعلم بأن كلماتنا التي لا نلقي لها بالاً ستترك أثرا لا يمحى في قلوب من يحبنا ترافقنا الى أن نفنى ، فكر قبل أن تنطق كلمتك هي كبصمة في القلوب لا تتغير .


هذا واقعنا 😔


صبااااحكم أنا بكل تواضع 😜😌

[اموووره]

،





مساياااا ..
شخباااركم اول اوف يااا ..؟

امممم الجو اليوم خياااال فيس * عنونه قلوووب *
معرف اليوم الخاطر على ديوو بس لساتني شسمهه اقاوم ومروح اطلب من العامل يجيبه لي ..

اممممم





لو يعطوني مليون ريال مسبح فيه ~





منظر شسمهه راااقني ..





لزوااار مدونتي يستاهلوا ^^


وبثثثثثثث

[اموووره]

صباحكم روووقاااان ..

امممم اليوم احس روحي مروووقه عالآخر مع اني عصبت برئيس قسمي والظاهر بيشكيبي مع المدير

امممم اليوم بتوصل ربيعتي من اليمن

من افترقنا بالثانويه متلاقينا واليوم بتزورني

فقدتها وااايدااات واحس اني متحمسسسه اني بتشوفها ^^

امممم خليت لاختي تعمل خطه عشان نفسحها لاني مفيني بارض لهالامور هههه
انا علي اسوق وادفع


اممم اذا في اماكن حلوه تستاهل نروحلها علموني فيها وشسمهه اهم شي متكون فيها عقبه او مناطق بعيده واايد ..


وشقرآ مقدماً ^^


امممممممم





هذا كيف يطلعوله














ريلاكسينج

[اموووره]

،




امممم أبيااات جداً راااقتني من انتقاااء الشيخة حبي ..

قالت: أبيك !!! وقلت أنا اللي على ناااار
........... لكنّي أخفي ما اندفع من حنيني

قالت : تبيني ؟؟ قلت : مولَع ومحتار
............ (واخاف لو صرّحت لك تحرجيني ) !!!

قالت : من أوّل ؟؟ قلت تصريف الأقدار ....
............ من يوم عينك شاغلت شوف عيني

قالت : هويت ؟؟؟ و قلت : هاويك يا جااار
............ وأهوى جروحي فيك لو تجرحيني

قالت : أنا ؟؟؟ قلت: انتي العمر لو جار !!
.............. وانتي الغرام اللي يطفّي حنيني

قالت : هو الحظ ؟؟؟ قلت : دانة وبحّار !!!
.............. إمّا ملكتك ... أو معك تغرقيني

قالت : تصدّق ؟؟ قلت: من غير ما اختار ...
............... أصدّقك من غير ما تقنعيني ....

قالت: أبوح ؟؟؟؟؟ وقلت : يلهمني أشعار
................ بوحك يعيّشني غوالي سنيني

قالت : أكيد ؟؟؟ وقلت : لابد .... باصرار !!!!
............ خلّيني أعرف : وين قلبك ؟؟ وويني ...

قالت : بعمري .. قلت : تفداك الأعمار ....
............ قالت : بقلبي !!! قلت : كلّي املكيني

قالت : تعاهد ؟؟ قلت أنا العاشق البار ...
............. دامي ضنينك ... فانت والله ضنيني

قالت: أجيك ؟؟؟ وقلت : يانور من زار ...
................ مع جيّتك كل السعادة تجيني

قالت : يدينك ... قلت : خوذيني إسوار !!!
.................... وحطّت يديها رعشةٍ في يديني

وتنهّدت ... وعيونها تنطق أسرار !!!!
............... قريتها ما بين روحي وبيني ....

قلت : الحكي خليه يا شمعة الدار .....
................. أنا أفهمك قبل الحكي صدقيني

[اموووره]

مساياااا ....❤

امممم ليش تفكير الاغلبيه للإنسان المزوحي واللي يربش انه ثقافته زيروا عالشمال 😉
يعني لازم الواحد يكون هادئ ويتكلم بالفصحى ويتفلسف فكل وقت عشان الناس تشوفه مثقف 😊

امممم يمقن هذاك الانسان تكون ثقافته افضل منك ومن غيرك بس ميبين ^^
وشسمهه ترا انا لما ابي اتفلسف اتفلسف على اصول حطوا هالشي فبالكم بس طبعآ لما تدق فراسي ..

وشقرآ 😪

[اموووره]

صباح الخير للجميع ..

اممم بغيت اسدح صور رحلتنا للجبل الأخضر ولنخل بس مارضن الصور يطلعن
يمقن المشكلة فمركز التحميل ..!


اممم ملامح من ورق

أحيانآ لا نكتب ليقرأ الآخرون ..!
إنما لنقرأ نحن ما كتبناه بعد حين ..!
لنعرف ما كُنا عليه وما وصلنا إليه ..!

وبثثثث

[اموووره]

،

امممم كل حديث معرض لسوء الفهم حتى صمتنا قد يساااء فهمه 😉

[اموووره]

،




يقال إن أحد أسرار الموناليزا هو سر ابتسامتها !!
الذي تراوح بدرجات مختلفة ابتدأت بإبتسامة ..!
أم لوحة دافنشي وانتهاءها بعقدة مكبوته ..!

أما صورة هذه الطفلة الموصلية فقد فاقت الموناليزا وحيرت كل من شاهدها ..!

قولوا لي هل هي :

ابتسامة رضا؟!
أم ألم و وجع ؟!
أم عتاب؟!
أم شكوى ؟!
أم سخرية من الظالمين؟!
أم رثاء لحال أمة المليار والنصف؟!
ام نهاية حزن وكفكفة دمع؟!
أم بداية بكاء وندب؟!

لك الله يا صغيرتي ..
وكفى بالله وليآ وكفى بالله نصيرآ 💔

[اموووره]

،





بعض الأصدقااااء لا تنساااهم الذااااكرة ولا يفااارقون البااال ويتربعون على القلوب ..!
يجبرونك أن تشتاااق لهم ويجعلون روحك أن تدعوا لهم وتسأل عنهم ..!
ما أقسى أن تجد الفراااق يقبع فالطريق ويحول بينك وبينهم ..!
فرقتنا الأياااام وتباااعدنا ولكن صدااقتهم محفووورة فالذاااكرة ..!
وإذا لم نلتقي ستجمع بيننا الذكرياااات ..!

اموووره

[اموووره]

صبحكم الله بالخير جميعآ

امممم يوخي فبالي سؤال ..!

.
.

لما واحد مثلا يشوفك فالحلاق ويسألك شو تبي تحلق ..؟
بترد عليه لا جاي اسلم عالحلاق مثلا ..!

او تشوفك تغسل سيارتك ويسألك شو تغسل السياره ..؟
بترد مثلا لا جالس العب بالماي ..!

ترا الريال يعرف انك تبي تتحلق او تغسل سيارتك بس ما فكرت فبالك انه هالشي محبه منه لك وانه يحب يسولف معك مثلا وهالطريقه بدايه للحديث معك ..؟

وبعد لما ترد البيت وتسألك امك هاه ولدي رديت ..؟
تراها تعرف انك رديت بس هذا من زود محبتها لك ..

كم مره تصير مثل هالمواقف قدامي واحس انه يسبب احراج لبعض الناس ..

فشسمهه

وبثثثثث