(((((( احــــــــــــــــــــــــــــبك )))))

[نسر البوادي]

احبك من هنا لاخر محطـات الغـلا لهنـاك
أحبك كثر ما يهوى رضيع الصدر غفوآتـه

احبك يابعد كـل الحـروف وعلّهـا تفـداك
أحبك يابعد بيـت القصيـد وكـل غايآتـه

أحبك يابعد عمرٍ قضى مني علـى ذكـراك
أحبك يابعـد مـن داج بالدنيـا بخطوآتـه

أحبك يادفى برد السنين اليا غفـت بحمـاك
أحبك يا امل عمـر الوحيـد ويابعـد ذآتـه

أحبك يابعد قلبٍ نزف كـل الغـلا لرضـاك
أحبك يابعد كـل العيـون ونـزف دمعآتـه

أحبك كثر ماتبرى جـروحٍ لامسـة يمنـاك
أحبك كثر ما يلجـا فقيـر الحـال لسكآتـه

أحبك بس لو تعرف وش اللي بالحشا ينخاك
وربي لو كشفت اللي بقلبي!!مـت لرضآتـه

أنا وشلون ابين لك غـلاك ولهفتـي للقـاك
انا وشلون اعبر لك عن اللي بيـن طيآتـه

أنا لو قلت لك ببعد وابرحل وانتحي وانساك
لسانـي!! واعرفـه لازّل ياشيّنـه بزلاّتـه

تعال ارجوك شفني من رحلّت وعبرتي تنعاك
تعال وظمني ياحـي ذا الطـاري وظمآتـه

تعال وداوني ,,واللي خلقني يالدواء بشفـاك
يقولون الجمر طب المريـض بحـر كيآتـه

تعال وخل عنك الصد والهجران!! مايزهـاك
حلاتك توصل اللـي يـم دارك زاد جيآتـه

أنا والليالي وابيات القصايد فـي امـل لقيـاك
اقول الشعر والليل الحزيـن يعـدّ نجمآتـه

نعزّي نفسنا ننطر تسابق لهفتـك وخطـاك
نقول ان الخطى تقصر ولا تسبـق للهفآتـه

أماني عاشت بصدري اغاني داخلي تهـواك
تموت ان غبت وان رديت عاش الليل وابيآته

أنا مقدر على بعدك على صدك على فرقـاك
يموت بغيبتك قلبٍ نزف لك حـر حسرآتـه

دخيل الصبح في وجهك دخيل الليل لا غطّاك
دخيل الرمش لاسيّر علـى خـدك بسجآتـه

دخيل الجمر والسكردخيل البلسـم! الفتّـاك
دخيل اللي تثنّـى ليـن عذبنـي برقصآتـه

أمانه ترحم اللي شاف منّك صدتـك وجفـاك
دخيلك تدمـح الزلـه وغلطآتـه وهفوآتـه

أحبك من هنا لاخر هنا لاخـر هنـا لهنـاك
احبك لعنبو حي الرضيـع وحلـو غفوآتـه

[أميرة الروح]

نص رائع جدا
بارك الله فيك
دمت شعلة تنير سماء القسم

[نسر البوادي]

تسلمين اختي اميره الروح مرورك الرائع اسعدني ياذوووق

[الشيخه الفلانيه]

أنا وشلون ابين لك غـلاك ولهفتـي للقـاك
انا وشلون اعبر لك عن اللي بيـن طيآتـه

أنا لو قلت لك ببعد وابرحل وانتحي وانساك
لسانـي!! واعرفـه لازّل ياشيّنـه بزلاّتـه





الله الله الله
قصيده جداً جميله أخي نسر
يعطيك الله العافيه
( تستحق التقيم ).

[نسر البوادي]

تسلمين اختي الشيخه الفالانيه مرورك الرائع اسعدني ياذوووق
شاكرا لك تزيينك الصفحه بالنجوم الخمس يعطيك الف عافيه

[رايق البال]

هلا فيك نسر ..
الله عليك الله وعلى اختياراتك العذبه
الف شكر لجهدك واختيارك وتفاعلك الجميل
زانت ايامك ..

[مفآهيم آلخجل]

ذآئقة رآئعة
إنتقآء مميز
كل آلشكر لك..~

[عملاق الشعر]

نسر البوادي


نص في غاية الجمال


سلمت يداك المبدعة وذوقك الراقي

[نسر البوادي]

تسلم استاذي رايق البال مرورك العطر اسعدني ياذوووق

[نسر البوادي]

تسلمين اختي مفاهيم الخجل مرورك العطر اسعدني وكلك ذوووق