تعالوا ندردش ....!

[تباشيرالأمل]

يمكن انتوا تقولوا هالكلام بناءً على الحياة اللي عشتوها .. ناس تتصرف بهالشكل ، في اباء يتعاملوا مع ابناءهم بهالطريقه ، الرجولية احيانا مالها مجال عند اباء وصلوا لدرجه غريبة من السيطره و الشده على ابناءهم ..
ولكن احنا الآن ما يهمنا هالشي وانا ما قصدت اتكلم عنه ،،

يا اخواني و اخواتي
استفساري الى اي مدى ممكن يصير توافق بين شخصين اجبروا على بعض ؟ كم نسبة تقديركم لإمكانية حصول توافق بينهم ؟ و ما مدى هالتوافق ؟ هل هو توافق شكلي ؟ او توافق اثنين كانهم يدورون على بعض فعلاً ؟

في رأيكم ايش المقومات اللي تسعاد في بناء هالتوافق ؟
احب اشوف اراءكم ، ابي اعرفى مدى النضج و الثقافه والايجابيه اللي وصلنا له احنا كجيل واعي ومتعلم ،،

لا تصبوا اهتمامكم على السلبيات و تستسلموا ،، خلونا نحول السلبيات الى شي ايجابي
خلونا نشكل لوحات جميله بأشواك زرعها الاخرين في طريقنا

السلام عليكم
سبق ورديت وقلت يمكن فيه خيره لهم.
بمكن مع العضره يعرفوا بعض
ويكتشف كل طرف ميزات الطرف اﻷخر
ويجد مايرغبه في اﻷستمرار معه
أما خلق طيب او صفه محببه.او
غير ذالك فامع العشره تتضح اشياءكثيره.تغيررأي الشخص
وفالختام القضاء والرضى بالمكتوب يريح النفس

[صمت الشفاه]

الرضا بما كتب وقدر هو عزائهم الوحيد
محاولة تقبل كل طرف للاخر
نظرة الى الايجابيات وتغاضي عن السلبيات
تقبل الحياة كما رسمت ف طريقه
والعشرة الطيبه والاحترام للبقاء
بالتوفيق لمن كتب له ذلك
فكل أقدار الله خيير وان كان ظاهرها مؤلم

تقبلوها وارضوا بها

[سحابة ذكريات]

راح يضطروا يتفاهموا ويتأقلموا مع بعض لان ما عندهم خيار

[منى حمدون]

عادي .. الحياه مستمرة ..

عليهم بالتكيف ...

وبتكون الامور طيبة

[ماحب حد ابد]

بالضبط اختي هدوء المطر .... اختي سحابة الذكريات يعني احيانا ما يضطر بالعكس ، انا اقول ان الواحد يكون مستصعب التداخل بسبب استياءه من اهله و لكن بعد فتره ممكن يكتشف ان الله رزقه بزوجة العمر بالصدفه ،
مثل ما قلتوا ترا الانسان الله يسير له الاسباب يبقى انه يعمل جهده للوصول لما يرضيه و يرضي الخالق بإذن الله

[سحابة ذكريات]

بالضبط اختي هدوء المطر .... اختي سحابة الذكريات يعني احيانا ما يضطر بالعكس ، انا اقول ان الواحد يكون مستصعب التداخل بسبب استياءه من اهله و لكن بعد فتره ممكن يكتشف ان الله رزقه بزوجة العمر بالصدفه ،
مثل ما قلتوا ترا الانسان الله يسير له الاسباب يبقى انه يعمل جهده للوصول لما يرضيه و يرضي الخالق بإذن الله

شوف اخي كلنا يمكن تزوجنا بنفس الطريقه لكن اختلف الاسلوب
يعني البنت عمرها ما اتكون شافت زوجها الا من خطبها وهو نفس الشي
اتوافق ع حسب ما سمعته من الناس لما يسألوا عنه يعني ع ظاعر الشخص وكلام الناس عن اخلاقه
لازم تكون متخوفه منه وهو نفس الشي ولكن ينولد الحب بينهم اما بالنسبه للمغصوبين في البدايه
ايضطروايتفاهموا ويتأقلموا مع بعض
وبدون ما يحسوا اينولد الحب بينهم والاحترام

[ماحب حد ابد]

انا معاج اختي ،، و لكن احنا اللي قصدناه اكثر شي بهالموضوع هو الازواج اللي يتزوجون لان والله حضرة ابوها البنت يقول والله انا عاطي كلمه لفلان ان بنتي لولدك من ١٠ سنوات و خلاص ما ارجع فكلامي ، وفنفس الوقت كل واحد يعرف الشخص الثاني او سمع عنه كلام او يعرف اخلاقه و طبايعه و يعي انه ما يتناسبوا بس اهلهم مصرين ع قرارهم ،، هذا اللي قصدناه ..

ولا تستغربوا ترا بجد في اباء بهالشكل و انا بنفسي اعرف ناس بهالشكل

[ندى***]

اتوقع مع الايام الامور بتمشي وكل واحد فيهم راح يتقبل الثاني بكل الي فيه و بيتغلبون على كل نقطه ما يحبوها ف بعض و راح يحاولوا تكون حياتهم اقظل لان هي مجبوره و هو مجبور

[ماحب حد ابد]

بالضبط ، الانسان بطبيعته بمقدوره التكيف و الانسجام

شاكر لك مرورك

[امنتك الله]

وعاشروهن بالمعروف
تراه الزواج عشرة وتفاهم واستقرار
ماشي حب بعد الزواج
بالتوفيق لك اللي ماتحب حد