كلمة شكر يابوي ماتوفي الشعور..
واحساسي صوبك يابعدي أكبر كثير..

مهما شكرتك لازم أشعر ب القصور*
بنتك يابوي دايم تشوفك كبير ...


غالي يابوي وقلتها بقلب فخور*
يا تاج أحطه فوق راسي وين أسير ..


يا إللي غلاك ب قلبي باني له قصور*
قلبي بلادك و أنت يابوي الأمير


تتكحل عيوني و يغمرها السرور*
كل ما أشوفك مبتسم قلبي يطير


( يانور كل ماشفته زاد ب وجهي نور*
مدامك أنت بخير هالدنيا بخير )


و إن جيت ألف الكون ذا كله و أدور*
بلقاك شي ب هالزمن ماله نظير ..

يعني ب إختصار إللي ب قوله من شعور
بنتك يا ضي عيونها تحبك كثير ...