لا تعليق
ولكن استفيدو من ابيات هالشاعر
صديقي الرجل .. أطراف النسا عورة
فما بالك بجرحها .. .ولا مزارقها ؟؟
اختارها خيرة المبلي لدكتورة
واتعب على عروق أهلها الي تلاحقها
وركز على دينها والعقل وحضورة
وشفها .. وحاول تعرف اللي ترافقها
الزين غسل اليدين .. . ولذته فورة
عليك بأخلاقها .. اللي ما تخلقها
وأن سهل الله .. وزان الحلم بأمورة
الغاربه في التعامل .. لا تشرقها
كن مبتسم مقتنع بالله ومقدورة
وشوف أحلى ما فيها من أشياء وأعشقها
اشفق لها شفقه الشاعر .. لجمهورة
تحفظ حروفها قبل تنطقها
وأن ضايقك شي .. ؟ خل عنادك وجورة
اهمس فاذنها عتب وانته معانقها !!!!
العمر قصير .. .والايام معمورة
ما تستحق انك تضيق .. .وتضايقها
وان شفت ما يظهر الرجل عن طورة
لا تكسر في نفسها .. . ولا تعلقها
سامحها واقطع طريق الشر وشرورة
او ردها لبيت شايبها .. وطلقها
ما يضمحل الرجل فعيون غندورة ؟
الا لا عدد خطاياها .. وخانقها
رد مع اقتباس