رد مع اقتباس
كثير أسمع عن الايحاء النفسي
بس ماكنت معطتنه إهتمام
بس بالفترة الاخيرة صار عندي زيادة وزن سريعة
مع العلم اني ما أكل ذاك الزود
صحيح الاكل بالدوام كله وجبات سريعة بس وقفت من فترة
وصرت استبدلها بفواكه .حتى بالبيت أبو العيال ينتقد اكلي واني ما أكل معهم بالبيت
بصراحة لو أكلت وجبتين فاليوم زين
طيب هالوزن من وين جاء؟؟ وهل محتاج أسوي ريجيم؟؟
أنا قد ما أقدر أحاول ابعد فكرة الريجيم من رأسي
معنا زميل قرر يسوي ريجيم بأمر طبي لانه عنده وزن زايد
ومسكين قام ياكل فواكه ..بس صار مطنزه
الكل يضحك عليه..الي يقول شوف ابو فلان خس
يرد عليه الثاني (خس ولا خيار) وطايحين فيه تهزأ
وعاد انا لاعت كبدي ريجيم مافي .
الشي الي عاجبني أن صاحبنها يدخل من هالاذن ويطلع من هالاذن
لو أنا كان كل يوم بيصيحوني هههههه
نرجع لموضوع الايحاء...
أظن والله أعلم ان السبب فيديوهات الاكل الي مبحلقة عيني عليهم
يمكن العقل الباطن يتفاعل مع الصور يتخيل انه ياكل هالحلويات ههههههههههههه
وقام يمتن لاهو ولا انا دارين فيه
أسميك يالعقل الباطن طلعت مو شوية
مأأعرف اذا هالتحليل منطقي ولا انا أدور شماعه اعلق عليها أحساس الذنب والتذمر الي أحس فيه تجاه نفسي
لذلك بنصبر وبنشوف لعقب رمضان(الله يبلغنا ياه) واذا ماكو فايدة
لازم نسوي جلسه تأديبيه لهالعقل الباطن
..أنتهى...
