تخيلوا جالسة اشتغل وكفى لابتوب اتوقع ان في شيء احترق وما راضي يشتغل اتصلوا علي البنات
عبور مريضة طبعا اعرف أنها مريضة لان رجعت للبيت امها اتصلت علي ما رديت عبالي متصلة بالغلط
واتصلت ع بنك مسقط اريد احول فلوس ولما خلصت شفت رسائل من ام عبور تسألني عن بنتها وانا ما
أعرفهم البنات يعني يسكنون مع بعض التقي فيهم بالاسابيع مو دايم حتى في الجامعة ما القاهم لأني
مضغوطة مع المحاضرات والمبنى جدنا غير عن المعهد الي يدرسوا فيه ،،، المهم تطمن ع البنت وطمنت
امها ورجعت كلمت امي وطبعا قلت خلاص عندي تسليم لازم اسويه فتحت اللابتوب واشتغلت وصار
الي صار في اللابتوب انقهرت طشه وقلت ان شاء اللّه بسويه بكرة وبحاول أنام ولكن البنات اتصلوا ان
الإسعاف رجعت تشل عبور المشفى طلعت ركض للبنات ورحت المشفى البنت ما قادرة تتنفس وطبعا
المشفى والموظفيين زفت ما مال اميرجنسي مخلينها برا يسألوها مليون سؤال وهي ما قادرة تتنفس
عشان ترد المهم انا ما اطيقهم جلست معها وسويت لها طرق التقليدية الي اعرفها والحمدلله خف
وجلست اكلمها شوي .. بعدين نادتها الدكتورة وغثت امها بالأسئلة وانا احس نفسي بنام ولكن بعدني
في المشفى انتظر لحد ما تخلص فوادي ادخل عندها ولكن هناك زميلتها معها وما يصير شخصين يكونوا
معها ... نسال الله لها الشفاء ولنا ولمرضى المسلمين يا رب العالمين.