بقا طاري الغياب إللي مشى بالعمـر تغريبـه
.......................و هو يتهرّب مـن الآه يـوم الآه معمـوره
سكنها ما سكنها غيره الا أوجاع تهذي بـه
.......................معاها دمعتين بوسط ذيك العيـن محشـوره
حكى حزنه لجدران الزمن و أبطى يماري به
....................و لا فاده سوى صمته عرف بإنّه مهو دوره
بداياته بدت منِّي و لا حصَّل سـوى الخيبـه
...................سكنِّي طفل متفائِـل و لكـن يـده مبتـوره
يقول أحضانك الخرسا عمت عيني عن الريبه
....................و أثاري حظنك أشبه بالسراب إللي بنا سُوره
على جدار الأماني كنت أكتب شي ودِّي بـه
...................و أثاريني كتبـت إللـي تمنيِّتـه بطبشـوره
و ذا طاري الغريب إللي لقى بالعمر تغذيبـه
.................معه دمعه و صادقها و أماني شبه مكسـوره
خسرته من سنه أولى إبتدائي لين هالشيبـه
.................و راح و عاد لي رجال يقول الحال مستـوره
على طاري الغريب و طفل متشتت بأساليبـه
................و شايب لا تنهّـد ماتـت الامـآل مقهـوره
كتبت إللي كتبته فيـه لا كذبـه و لا غيبـه
.................و نام بحظن حنجرْتي بقايا أشياء محظـوره
