مدخلــ:
وينك يا يما .. دنيا بلا حسك خسارة
__________________________________________________ __________________________
المكان: بيت بو وليد
التوقيت : 10 ونص صصباحا
اليوم : الجمعه
( روان)
--------------------------------------------------------------------------------------
اليوم 2 ايام العزاء .. الاجواء على حالتها وورده كذلك بس تشرب ماي وبالزور تدخل اكل ف بطنها .. وزوجها المحترم ما فكر حتى يجي ويسال عنها ويداريها ي عمري ي ورده L
دخلت هنوفه علينا الغرفه وعيونها مورمه من النوم .. خخخ وانفها وفمها صاير مندازي
روان: هلال بالمندازي
هنوفه: تشاااب .. هلا ورده ي عمري اخبارج فدو ,, يلا خلا ننزل نتريق
ورده : طيبه طاب حالج.. لا الغلا مالي نفس ما مشتهيه اكل
هنوفه: لا والله موب كيف هب كل يوم الدلع يلاا اشوف .. وتخصرت
ورده: هنوفه تكفين مالي نفس
هنوفه: قومي يلا ,, ترى هاشم قايل لي لو ما قامت واكلت بطلع لها وباكلها بلغصب
ورده : اففف منه ه الكريه كل شيء عنده بلغصب ,, هو السبب ف كل شيء اكرره اكررره اكررره اهئ اهئ اهئ اهئ اهئ اهئ اهئ ودخلت ف نوبه صياح
ناظرت هنوفه بنظرة معناتها شوفي وش سويتي
هنوفه نزلت راسها بحزن
هنوفه: ورده ي غمري ما قصدي والله بس هو خبرني
ورده : ولا يهمــ’’ك عــ،،ادي غنــ,,اتــ,,ي
هنوفه: ي روحي والله ما تستااهلييين
مسحت دموعي وايد انا حساسه يووخي >.<
ورده : خلي البشاكير يجيبوون الاكل فوق ما بنزل
هنوفه: تامرين امر ولك ستي ^_^
ونزلت هنوفه تخبرهم يجهزوون الاكل وسط زحمة الحريم
__________________________________________________ ___________________________
(يوسف)
----------------------------------------------------------------------------------------------
افف ياهي حاله ياسمين ما لقت لها حجز .. الناس تسافر كندا كثير ,, لا درجة اولى ولا سياحيه ولا بزنس .. ي ربي ما شيء حل غير ننتظر
ياسمين : يا رب فرجها ..
ام يوسف: قلت لج ي ابنيتي لا تاجلين السفرة ما تدرين شو ربج يكتب لج عقبها .. استغفر الله
ياسمين : كل امر ربي خير ,, ونعم بالله
ام يوسف : وش لج بالغربه بنتي لو ما طاوعت شورج وخليتج تكملين هنيه احسن كان ,, كل يوم اشوفج واطمن عليج
ياسمين : يما خلصنا من هالسالفه .. انا كبيرة وعاقله وفاهمه
ام يوسف : ادري بج تربيتي بس تظل بلاد الغربه صعبه والله
ياسمين : هانت الغاليه 3 سنوات وارجع دكتورة احسن من هنا بيكدوني 7 سنوات >.<
ام يوسف : الي تشوفينه الغاليه
يوسف : انا بطلع غرفتي انام لاتنتظروني ع الغدا بتغدا من اصحى من النوم
ام يوسف : تمام الغالي
طلعت غرفتي اخذت فوني ودقيت ع هنوفه .. بس ما ترد ,,, ي ربي كيف يتجرا و يمسكها وهي تالمت ي عمري ي هنوفه ان شاء الله ما بياخذك مني ان شاء الله ي رب
مجلس ابو وليد
الوقت: 1:30 م
(هاشم)
---------------------------------------------------------------------------------------------
ابوي جالس فوق راسي اطلع شوف حرمتك واطلع شوفها .. ما يعرف اني بزيد من اوجاعها من كذا اهملتها
ناصر : قوم هاشم واجبر خاطر بنتي قوووم يلاا وعدتني تحفظها وتصونها
نبيل : يلا ي ولدي بنت عمك امانه عندك
هاشم : تامرون امر بسير لها
اخذت فوني وطلعت برى شوي عن الازعاج ودقيت عليها ,, جهازها مغلق خبرت البشكارة تنادي هيام
دقايق وجات
هيام : هلا هاشم بغيت شيء
هاشم: سلامتج .. سوي لي درب بروح اشوف ورده
هيام : اها ,, السالفه فيها حبيبة القلب .. اوك
ثواني وجاني اتصال باني اطلع لها
دخلت الصاله وطلعت فوق وسط زحمة الحريم دقيت باب الغرفه
دق دق دق
ما جاني جواب
عقب شوي فتحت هيام وطلعت لي وكلمتني
هيام : تراها رافضه جلستكم بروحكم تبا ربيعاتها معاها
هاشم : اووف منها ومن تفكيرها الطفولي
هيام : هاشم وش فيك شوي شوي ع البنت توها بزر وبعزا امها
هاشم : اوك اوك .. بس محاضرات تكفين
هيام : ربي يهديك .. بس ما اقول غير الله يهيديك
دشيت عند ورده والقيت السلام
هاشم : السلام عليكم
الكل : وعليكمم السلام
كنت احاول اتفحص وجها ذبلان ومصفر من التعب وعيونها محمرة ومن البكاء ,, كاسرة خاطري بس انا عند كلمتي بعذبها يسعني بعذبها بس خل يخلص العزاء
هاشم : ورده .. اخبارج ؟؟
ورده :كنت بخير . مرضت من شفتك .. ممكن تطلع برى
هنوفه وروان منصدماتو لا علقوا
اناا حست ماي وجهي انشفط ,, اهاانه ي بنت نااصر ترى
هاشم بلعتها عشان قدام الناس لاه : ورده .. مقدر حالتج النفسيه .. اهم شيء اكلتي .؟؟
ورده : ما يخصك ..
هاشم : وردااااه << بعصبيه
ورده : ماتت ورده خلاااص
هاشم : بس عاد زودتيها تراج
ورده : ما احد ضربك وقالك تزوجني اففف منك كريييييييييييه << وقفت وهي تصارخ
هاشم : شكلها خالتي ما ربتج عدل
ورده : ربتني احسن منك وبانت فيني التربيه موب مثلك
هنوفه : ورده عيب حياتي
هاشم : يصير خير ورده .. هذا جزاتي جاي لج اسلم عليج واطمن عليج
ورده : ليش تطمن وانت تدري اني مجبورة عليك .. ما ابيك افهم ما كل شيء بلغصب يووخي
هاشم : لا بالغصب مع اشكالك
ورده : احسن من شكلك ..
هاشم : لا تزوديها
روان : ي جماعه اذكروا الله
ورده : اطلع برىىىىىىىىى لو عندك كرامه اطلع
هاشم : طالع ي ورده بوريج والله بوريج
ورده : فكككه منك
ما اتحملت منها لفيت عليها بكل عصبيه وصرخت ف شكلها
هاشم (بصراخ ) :بوريج ي بنت نااصر
ورده : سوي الي تقدر عليه .ز ولو تقتلني لو فيك خير
رفعت ايدي ومسكتها من ياقة القميص وهزيتها وانا اصارخ
هاشم : موب هاشم ولد نبيل الي ترد عليه بنت بهالطريقه .. ما عاشت بعدها
ورده : مد ايدك مدها ..يا علك الكسر .. وحشششش موب انساان الله ياخذني وارتاح منك ..هدني بسرعه احسن لك
رميتها على الارض واشوفها انطوت وبدات تبكي بصوت يقطع القلب طلعت قبل لا اشفق عليها مخلي الكل ف صدمه من معاملتي لها
__________________________________________________ ________________________
(هنوفه)
--------------------------------------------------------
كنت مصدوومه حديس وما قدرت اواسي ورده مسكينه كيف بتعيش مع هالوحش .. غريبه عمي ناصر دلوعته نور عينه يسوي فيها كذا .. كله من وليد الله يسامحه
روان: بس ورده حبيبتي .. خلاص ما يستااهل دموعج الغلاا والله
ورده : اااه اااه وينج ي يما وينج .. تعالي شوفي حال بنتج يا يما اهئ اهئ اهئ اهئ اهئ اهئ اهئ
هنوفه: خلاص ورده ربي بيجازيه قومي خذي دش
قومناها بالغصب اخذت دش وتركناها تنام وترتاح ,,, نزلنا تحت ناكل
ع سفرة الكل
روان : هنوفه
هنوفه : لبيه
روان : بخصوص يوسف
هنوفه : علاامه
روان : ولا شيء .. بس انتي متاكده من الي تسويه
هنوفه : ي ربي وش فيها ما سويت شيء ..
روان : بكيفج الغلا ..
هنوفه : ي ربي روان ترى زوجي هو
روان : لا بعدكم ما تزوجتوا
هنوفه : ترى هو ينتزرني اخلص وبيتقدملي
روان : اها
هنوفه : يب J
روان : اممم ,,, و رياان
هنوفه : علاامه بعد
روان : ولا شيء انتي ادرى بالي اقصده
هنوفه :اففف ..روان خلاص تكفين ارجووج
روان : اوك J
هنوفه : لا تشيلين هم روان بيلقى احسن مني الي تسعده وتقدره
روان : امييين J
هنوفه : طيف بخصوص المدرسه ترى يوم الاحد الجاي بيبدا الدوام
روان : صح والله ..
هنوفه : وورده المسكينه
روان : ربي يكون بعونها بتعرس ب 2 اسبوع ف المدرسه
هنوفه : صح والله .. بس كيف وهي ما جاهزة
روان : ما اظن بيسوون عرس كبير عشان العزا
هنوفه : صح والله ,, بس نحن لازم نكون معاها ونشاركها ونزفها للوحش
روان : ربي يهديه ويحنن قلبه عليها
هنوفه: امييين
تعبثت بالفون وشفت مسج من يوسف ابتسمت من خاطر ورديت عليه بمسج
هنوفه: يسلم عليج وايد
روان : الله يسلمه بالخير ^_^
هنوفه: فديتكم والله اغلى 2 ف الدنيا عساني ما انحرم منكم
روان : ولا منج فدووو
هنوفه: انا خلصت اكل ,,, باخذ اكل لورده فوق
روان : تمام .. انا برد البيت ,, اسبح واريح شوي
هنوفه : تمام الغاليه سي يو
روان : سي يو
ورجعت روان بيتهم وانا طلعت عند ورده ثواني وجاني اتصال من امي اروح اشوف اخواني .. لبست عباتي وروحت لهم اطمن عليهم<< عبارة حنونه هع الله وكيلكم خخخخ
__________________________________________________ _______________
نهاية البارت الحادي عشر
(روان)
----------------------------------------------------------------------
خلاص خلص العزا.. واللحين نحن ف السكووول هذا اول يوم طبعا ورده كانت موب مقتنعه تداوم بس كلمانها انا وهنوفه واقنعناها وعرسها الاسبوع الجاي ولا متجهزة ولا راضيه تتسوق اي شيء لا ذهب ولا شيء ولا حتى ملابس ورافضة المهر بكبره ..
افففف ملل بالكلاااس انتظر وصول هنوفه وورده راجعين من المقصف ..
هنوفه: يا ربي كيف الجو فظييييع يا رب تنزل امطار
روان: ارجووج لا .. بتتاجل طيارة وليد وريان
ورده (بعد ما بدات تتشافى من صدمة امها<<بفضلهم طبعا ): افف خله يسااافر افتك
هنوفه: هههه يبون الفكه من اخوانهم .. حلو تكون اول حبه يووخي
ورده+ روان: تشااب تشاااب
ورده : اقول غرشوبات
هنوفه : سمي
ورده : بروح اليوم شوبينج ... اباكم معاي ..
هنوفه ناظرتني بفرح ,, الله يسعدها
روان : حلووو .. تم
ورده : وااي عاد فرحوا ,, بس بشرط
هنوفه : بعاااد .. وش وهالشرط ؟؟
ورده : لا تعارضون اي شيء .. بس ساعدوني اختار بدوون محااضرات (شددت ع كلمه محاضرات وهي تطالع هنوفه)
هنوفه: بس بس .. ما نظرات عليج
ورده : اوك
روان + هنوفه : اوك
ورده بابتسامه : فدوووتكووووم والله
وضميناها (عناق جماعي هع )
__________________________________________________ __________________
المكان: بيت ابو يوسف
التوقيت : 7:30 ص
(يوسف )
-------------------------------------------------------------------------------------
كنا جالسين على سفرة الريوق ..
ياسمين: يوسف ..
يوسف : هلاا
ياسمين : كيف بخصوص الحجز ؟؟
يوسف : والله م ادري .. بس بروح الشركه بتصل عليهم ولا يهمج
ياسمين : م تقصر ي الغالي
يوسف : تسلمين ..... اقول وين الوالده
ياسمين : امي راقده فديتها
يوسف : عوافي
ياسمين : يوسف كانك صاير تاكل اكثر عن قبل .. شهيتك صارت مفتوحه .. حلوصرت معضل شوي
يوسف : هع تراه تشوفني معضل احينه .. واكل اكثر عشان ام لعيال
ياسمين : ههههههه والله سوتها بنت حمدان وقنعتك
يوسف : لبيه طاريها ,,بتكون بالمدرسه اللحين
ياسمين : ي عيني ع الحب
يوسف : يلا فداعة الرحمن بتاخر .. عندي صفقه مع شركه كبيرة
ياسمين : ربي حافظك الغالي .. ربي يتممها على خير
__________________________________________________ ___________
المكان : بيت نبيل ابو هاشم
التوقيت : 8 ص
اليوم : الاحد
(هاشم )
------------------------------------------------------------------------------------------------------
اللحين انا ف سيارتي بروح الدوام كنت بطلع من الحوش شفت هيام جايه عندي
هيام : هاشم
هاشم : نعععم .
هيام : هااك ..اوراقك المهمه نسيتهم ع الرف
هاشم : مشكورة الغاليه
هيام : ممكن طلب
هاشم : امري
هيام : ممكن تعزمني برى ع العشاء ابا اكلمك بموضوع ..
هاشم : اكيد عنوني لج
هيام : فديت عيونك ,,ما انحرم منهم اخوي الغالي ..
هاشم : بس عاد
هيام : اهم شيء تكون معانا ورده
هاشم : اذا ما تسكري السالفه بدقين .. كلامنا مخلص ف هالموضوع
هيام : بس انا اتفقت مع ربيعاتها نعدل ما بينكم
هاشم : هي عنيده وانا اعند ..وكلمتي ما بكسرها
هيام : بس تراها ياهل وذنبك على جنبك
هاشم : لو سمحتي ممكن تخليني اروح
هيام : الله يحفظك
مشت هيام ونظرات الانكسار على وجهها مسكينه .. اسف اختي الغاليه بس ما بيدي هالموضوع
ثواني وجاني اتصال من وليد
وليد: حياك بو نبيل
هاشم : هلا والله بو ناصر
وليد: شحالك الغالي
هاشم : يسرك حالي , ف طريقي للدوام وانت
وليد : والله ف المطار ادور حجز >,<
هاشم : اها انت بعدك ع هالدقه القديمه .. وش لك بالدراسه .. لو ماسك شركة ابوك ومرتاح
وليد: فكنا يا ريال
هاشم : بكيفك ... وش كنت تبي ؟؟
وليد : ابا واسطه لاه دبرلي
هاشم : تمام الغالي
المكان: مكتب راشد بن **** للمحاماه والاستشارات القانونيه
التوقيت: 9 صباحا
اليوم :الاحد
(راشد)
------------------------------------------------------------------------------------------
راشد : الاخت عزة
عزة: نعم استاذ
راشد : ممكن تجي لمكتبي شوي
عزة: لحظات
بعد ثواني .. طقت الباب
طق طق طق
راشد : تفضل
عزة : وش تريدي استاذي ؟.؟.
راشد : تفضلي اجلسي
عزة : تمام
جسلت عزة وبغيت افاتحها فالموضوع .. كنت متخوف من ردة فعلها !! بس الله يقدم الي فيه الخير
عزة : فضل استاذ اسمعك
راشد : والله تعرفين ي ام احمد اني كبرت ف السن ,, و,, محتاج مرة بيت تشيل همي و تشيب معاي .. انا عمري 40 وما عندي عيال ليمتى بظل ارمل
عزة : الله يرحمها ,, بس أنا
راشد : ادري ام احمد .. اعرف وش بتردين عليي وبتقولين ... انا اعرف انج بترفضين فكرة الزواج من كذا بغيتج تدورين لي حرمه
عزة : اها .. ابتسمت .. ان شاء الله ولا يهمك انا اعرف بنت تبا الستر هي صغيرة بلعمر ويتيمه
راشد : كم عمرها تقريبا ؟؟
عزة : 18 ,, هي البنت الي ف الحادث قبل كم شهر
راشد : اها .. كانها صغيرة كثير
عزة : ما مهم العمر اناا وابو عيالي الله يرحمه بينا كثير ,, اهم شيء الاحترام
راشد : خلاص كلميها والله يقدم الي فيه الخير
عزة: ان شاء الله .. اسمحلي عاد اروح اكمل شغلي
راشد : اذنج معاج .. ردي علي باقرب وقت
عزة : ولا يهمك
طلعت عزة من عندي وانا احس بارتياح كبير ,, واخيرا بصير اب وبفرح بحرمه تملى عليي البيت وتهتم بامي المسكينه الي مالها غيري بعد وفاة المرحوم ابوي
__________________________________________________ ____________________
المكان : المطار
التوقيت : 10:30 ص
اليوم : الاحد
(وليد )
-----------------------------------------------------------------------------------
أكذب عليكم لو اقول مانيب ندمان ع الي سويته بس غصب عني ولحظة غضب .. ابا اسافر باسررع وقت عشان تانيب الضمير .. كنت سرحان واتمشى بالمطار .. بانتظار رجال من قوم هاشم يدبر لي واسطه
جلست ع الكرسي اشرب قهوه واتعبث بتلفوني شوي عشان يمر الوقت
طالعت صور الملكه وشفت بسمة هاشم يحليله يحبها كثير اكيد ما راح يعذبها وبترتاح معه
قطع عليي تفكيري صوت بنت ناعم تسأل عن حجز بعد التفت لها .. قمر 14 ما شاء الله ,, حلووة بكل معنى الكلمه محترمه ومحتشمه وانيقه .. حسيت بحاجه غريبه وجاني فضول قمت من الكرسي ومشيت بخطوات م ادري سريعه .. بطيئة المهم وصلتني وقفت عند الموظفه الي جنبها
شفتها تطلع الجواز اموت واعرف اسمها .. بس دق فوني
افففف م وقته
الرجال : هلا وليد
وليد : اهلين
الرجال : حياك حبيبي
وليد(علاامه ذا ×_×): الله يحيك .. كيف الحجز
الرجال : مرة تمام ,, محصل تذكرتين بعد لو تبا حج احد
وليد : اوك مشكور.. تو بسال الموظفه عن الحجز
الرجال : العفو.. فداعة الرحمن
توجهت لعند الموظفة وسالتها عن الحجز .. المفروض اني سفر لندن بس تغيرت اخر سنه وصارت بكندا عشان تكون الشهاده معتمده
بديت اهرج انجلش والبنت التفت لما قلت كندا
شفتها بغت تكلمني بس متردده
تبدلنا نظرات غريبه
المهم
ان الي صار
__________ __________________________________________________ _________
نهاية البارت الثاني عشر
ودي شمووع الحب 3>
رد مع اقتباس