مدخل :
توك تقـول اليـوم جـوي صفـالك الله لـو تدري عن أحـوال مغليك تعـال علمنـي عــن اللـي جـرالك ماأذكر إني قلت في يوم ماأبيك....
__________________________________________________ __________________
المكان : الفندق
االتوقيت : 10: 30 صباحا
اليوم : السبت
( عزة )
--------------------------------------------------------------------------------------------
بتضحكون عليي لو قلت لكم اني حدي مستحيه وكاني عروسه جديده وناصر مو مقصر معاي ابد الحمدلله اني اقتعت بفكرة الزواج
ناصر : صبآح آلخير يا آحلى عروس فالكون
عزة : _________ ( اسيلنت وابتسامه صغيره ممزوجه بحياء )
ناصر : اونها تستحي .. يا ربي منج عزه انا ريلج
عزة : ادري بس
ناصر : بس شووو
سكت شوي
ناصر : ما بقى فالعمر كثر الي راح وعيالنا كبروا وعيالي عيالج وعيالج عيالي والله
عزة : ان شاء الله
ونزلت راسي مستحيه
ناصر : ارفعي راسج شوي يا ربي وش هالحياء
عزة: ____________
صمت بينا
دق فوني
عزة : هلا هنوفه حبيبتي كيفكم اخباركم كيف اخوانج تريقتوا
هنوفه : يمااااا لا تحاتي كلنا اوكي
عزة : اكيد يمه .. ناقصكم شيء .. اخوانج زعلانين ولا شيء
هنوفه : لا يمه والله لأ الكل مستانس لج وفرحان .. متى بتجين هنيه
عزة : بس البس وبجي ان شاء الله .. فيه معازيم
هنوفه : لا بعدهم ما ييوا يلا اخليج بروح اجهز وروان وصلت
عزة : فداعة الله حبيبتي انتبهي لاخوانج
ناصر : يا حنيت قلبج والله يا حظ حمدان فيج
عزةة :الله يرحمهه
ناصر : امييييييييييييييين يا رب ويرحم حرمتي غاليه
عزة : امين يا رب ... بسير اجهز قبل لا يوصلوا المعازيم
ناصر : وانا بعد
__________________________________________________ ________________
المكان : بيت بو وليد
التوقيت : 10 :40 صباحا
اليوم : السبت
---------------------------------------------------------------------------
( هنوفه )
ورده بصراحه هالايام تغيرت وايد عليي وخصوصا لما عرفت انه وسف بيخطبني الاسبوع الياي ما ادري ليه هي صافه بصف اخوها واكيد امي بتصف معاه بعد
صح بخصوص الحادث طلع الغلط على ريان بس يوسف تنازل وما احد تعور وكتمنا ع الموضوع
ورده : هنوفه حبيبتي وش رايج
( كانت لابسه شبه دراعه حلوة كثيره لونها ازرق ملكي مخمل وعليها نقوش بالذهبي مع مكياج خفيف )
هنوفه : وين وين هاشم عن هالكشخه
ورده : سكتي بس احسه بويه ساعات والله يعني احيانا اكون كاشخه حتى ما يشوف عليي
هنوفه : ما عليه الغلاا اليوم بقولج شو تسوين
ورده : وانتي بعد كاشخه بس لانج اطول اللبس طالع عليح احلى
( ترى نفس اللبس اونه صرنا اخوات )
روان : السلام عليكم يا هلا بالحلوات
هنوفه + ورده : هلا بالدكتورة شحالج الغلااا
روان: الحمدلله طيبه يلا امشوا ابا اصور قبل لا يجون المعازيم
هنوفه : روان ع هالكشخه بتنخطبين اليوم شكلج
روان: لا حبيبتي هذيك انتي انا ابا اكمل دراستي
هنوفه : وش فيج صايره كذا
روان : انتي الي اشفيج صايره عديمة احساس
وطلعت من الغرفه
المكان : ماكدونالدز
التوقيت : 8:56 م
اليوم : السبت
(وليد )
--------------------------------------------------------------------------------------------------
طالعين للعشا انا واخواني الجددهههههههه ما شاء الله عليهم حبوبين وهنوف كبرت ما شاءا لله واحلوت يا حظك ريان >> خخ مسكين ما يعرف انهم بس اخوان
هنوفه : وردده ياسمين تتصل
وليد : ياسمين !!!!
هنوفه و ورده : وانت تعرفها
وليد : ايوا اقصد لا
ورده : وش فيك توهقت تعرفها ولا لأ
وليد : بصراحه شفتها ف الطيارة هي طلعت معاي بنفس الماده بالكلاس واستغربت لما شفتها فالعرس
ورده : لا يكون حاط عينك عليها ..
وليد : بصراحه لا تعرفيني بتزوج هيام
ورده : اذا ما تحبها لا تظلمها معاك
هنوفه : صح والله .. يعني انت تحب جاز بخبرها عيل
وليد : لا تستعجلي تخبريها .. يمكن بس اعجاب
ورده : الاكل جهز ...
وليد : هنوفه ممكن نتراسل ع الخاص ف الموضوع
ورده : وانا مالي رب
هنوفه : ما اقدر اعطيك رقمي !!
وليد : ليش !!! انا بحسبة اخوك
هنوفه: ادري ..... بس
وليد : بس شووو ..
هنوفه تشوف على ورده بمعني انقذيني
وليد : وش فيه لا يكون تحبين هنوفه
هنوفه : لا السالفه مو كذا
وليد : تكلمي ( عصبت ) لا يكون كلكم كذااااا
هنوفه : وليد ما اسمح لك
وليد : عيل وش فيه
هنوفه : اخو ياسمين بيتقدم لي السبوع الجاي فهمتتتت ( كانت قمة ف العصبيه )
وليد : شوووو وريااان
هنوفه : وش فيه احنا اخوان وبس
وليد : صحيح انج ما تخافين الله
هنوفه : وليد كل شيء قسمه ونصيب
اخذت مفاتيحي ورميت مبلغ ع الطاولة بعصبيه طلعت من الباب برجع البيت وحدي مصدوم ... ورده خلي السواق يجبكم
وشفت احمد جايني ركض .. ترى كانوا فطاولة بروحهم
احمد : خير وليد
وليد : ولا شيء واحد من الربع مسوي حادث وبروح اشوفه
__________________________________________________ _______________
نهاية الجزء الاول من البارت العشرين
ودي شمووع الحب 3>
البارت العشرين الجزء الثاني
( بعد الي سمعته يا رب انام ليله واصبحه في الجنة )
مدخل :
يعني كذا ودك اسعادي ... ما دريت انك تجرح الخفوق الف مرة ومرة
المكان : بيت بو وليد
التوقيت 20 ظهرا
اليوم : الاحد ( اجازة للكل )
__________________________________________________ _______________
( هنوفه )
-------------------------
الي صار يوم امس وليد طس ولا عاد شفناه وبعدين وش مفكر نفسه يتحكم فيني لا والله يروووح بس انا خايفه يخبر ريان بالسالفه ولو خبره عاتي ترى هالجمعه بينورونا ااااااه ( نظرة حالمه )
بس والله ماخذه فخاطري من روان ليش تسوي كذا لاني رفضت اخوها ترى الزواج قسمه ونصيب و ربي ما كاتب اني انا وريان نكون لبعض
كنا جالسين ع الغدا عمي ناصر عيونه ع التي في يطالع الجزيرة وامي كانت تغسل حج هيونه و ليد طلع يتغدى برى واحمد ومحمد وانا وورده جالسين ع السفر
ناصر : يلا يا عيالي بسم الله
الكل : بسم الله
بعد نص ساعه الخدم شلوا الغدا وصعدت انا لغرفة ورده
واخواني راحوا يلعبون بلاي ستيشن وهيونه نامت
ف غرفة ورده
هنوفه : ورده حبيبتي سمعي انتي توج 18 سنه حاولي تكسبي ريلج لا تضيعينه من ايدج
ورده :وش اسوي هنوفه والله اني تعبت وهو بعدين كله يصارخ ويعصب ويضربني
هنوفه : انتي بعد الله يهديج مطولة لسانج عليه
ورده : يا حياتي وشرف امي ما اسكت له يبي يتعامل معاي بالتلي هي احسن يتعامل ما يبي بيت ابوي يعزني
هنوفه : بس
ورده : لا بس ولا هم يحزنون
هنوفه : انزين اسمعيني ولا تقاطعي اوك
ورده : اوك
هنوفه : رسلي له اليوم واعتذري له وقولي له انج تبي تفتحي صفحه جديده معاه وانج تعتذرين صدقيني هو فداخله حب لج كبيييييييييييير وانت تدرين من يوم وحنا صغار هو يحبج
ورده : بس هنوفــ,,,,
هنوفه : اشششش لا تقاطعيني
اهم شيء نتوا طيارتكم لاسبوع الياي الجمعه يوم الخميس ابيج تكشخين كانج عروس و نسوي لكم حفله صغيره ف الميلس وما اعتقداهلنا بيرفضون والكل يبي يصلح ما بينكم
ورده : اقول هنوفه بقوم انام شوي عشان ورانا طلعه للسينما
هنوفه: الله من بياخذنا
ورده : هاه ( طبقت ) .. بروح انا و وليد ترى هو ما رضـــ
هنوفه : لا تكملي اصلا ما بروح
ورده : طيب
هنوفه : فكري فكلامي تمسي على خير
بستها ع خدها ونزلت الب بلاي ستيشن مع اخواني
دشيت بدون شيله لان اعرف مااحد ف لبيت
هنوفه : احمد ابا العب
احمد : وكي بس هاتي شيلتج بالاول
هنوفه : ما احد هنــ ,,,,
ما مداني اكمل كلامي غير اشوف ريان ووليد داشين بغيت افز بس محمد يالس على طرف ثوبي
هنوفه : محمد قووم من الثوب
ريان : ما تتوبين من هالحركات
هنوفه ( نست انها بدون شيله ) : من قالك اني ميته عليك [تصرخخخ ]
ريان : ادري ادري مبرووك مقدما
طالعت وليد بنظرة
وليد : ايه خبرته
هنوفه : ترى ما فرقت عندي خبرته ولا لأ مرده بيعرف وان انا وهو ما نصلح حق بعض وما بنكون لبعض
ريان : بس انتي وضحتي لي كيف ان تربية عمي حمدان ما بينت فيج
هنوفه : حموودي برى انتاو الاثنين لو سمحتوا وهات لي شيلتي
الخدامه : تفزل نوف
هنوفه لفت الشيله وعقب صرخت
هنوفه : لف راسك قاعدة اكلمك ترى
ريان : ماله لزمه اشوفج يا بنت العم دامج رضيتي تكوني حلال غيري
هنوفه : والله ابوي رباني وبعدين من حقي مثل كل بنت ارفض الي ما يعجبني ولا لاني يتيمه كل شيء غصصب
: منو مزعلج يا ريحة الغالي
هنوفه : عمي ناصر ولدك وليد و ريان
ناصر : وش صاير علموني
وليد : ما يحتاج يبه اعلمك لاجاء الوقت المناسب بيعلمك الزمن ع ويش هالخناقه
ناصر : وش فيج هنوفه يبه مو عيب تصارخين وبعدين ريان هذا ولد عمج وخطيبج
هنوفه : شووووووووووووو من متى خطيبي
ناصر : يالغاليه امهاتكم خاطبينكم لبعض
هنوفه + ريان : بس انا ما ابيه\ ها
ناصر : وش صار يا احفاد خليفه
هنوفه : ولد عمي مو معناه يكون ريلي
ناصر : والله ي بنتي ما اقدر اجبركم على شيء ودامكم ما تبغون بعض زين قلتوا لي من البدايه ... بس انا مستغرب انتوا تحبون بعض والكل يدري
ريان : انا كنتت احبها بس هي عمرها ما حبتني عمي ولا قدرت وجودي فحياتها
عزة : هنوفه وش صاير صوتكم لاخر الدنيا
ناصر : صحيح كلام ريان انتي ما تحبينه موووليه
هنوفه : ايوا ما ابيه اهموا مستحيل هذا يكون ريلي
ناصر : وبتكسرين كلمة اهلج
هنوفه : الدين لا اكراه فيه عاد كيف الزواج ولا بتغصبةني شرات ما غصبتوا ورده ع الوحش الي مذوقها الويل فاستراليا
: ( صوت شهقه )هنوفه مو وعديتين ما تخبري احد
هنوفه : ورده لازم يعرفون انج متعذبه هناك انتي بنتهم وما تهونين عليهم
ناصر : والله يا بنتي يا ريحة غاليه الغاليه لو كان كلام هنوفه صج الطلااااق يعني الطلاااق
ورده : لا يبه ما بتطلق والكلام صح
ناصر : تكسرين كلامي
ورده : لا ... بس توني18 وبدش ال19 واصير مطلقه الكلمه ثقيله يبه
دخلت فنوبة صياح .. احتضنهتا وهديتها
عزة : هنوووف طل هذا يطلع منج
هنوفه : وش سويت بعد ....
عزة : ام عماد تبيج لولدها يوسف
هنوفه : ايه يمه خبرتني من قبل وانا قلت لها تقدمولي رسمي وبيزورونا يوم الجمعه
عزة : وش تبيني اقول لخالتج عبير
ريان : لا تقولي لها شيء خالتي الي ما يعظم وجودي ما يهزني غيابه وبالتوفيق يا بنت العم
طلع ريان من البيت بكبره
وليد : رياان انتظظظظر
ولحقه وليد
عزة: والله انا صار له شيء ما تلومين الا نفسج
هنوفه : وش ذنبي يوم انا ما احبه مو غصب
عزة : الظاهر انا الي غلطت لما سمحت لج تروحين لهم وتردين ما علمتج ان هذا عيب
هنوفه : يمه اسفه والله يمه ما قصدي بس هالشيء صار وكلن مكتوب عند رب العالمين
ناصر : اذكروا الله
هنوفه : ورده خلا فوق معاي وعمي انت تكلم هاشم يعدل اسلوبه مع بنتنا ما تهون علينا
__________________________________________________ __________
المكان : بيت بو ريان
التوقيت : 5 عصرا
اليوم : السبت
(روان)
-------------------------------------------------------------------------------------------
والله اسفه يا ريان سويت الي قلتي لي عليه بس هنوفه ما راضيه تغير رايها خلااص مسحور ف الي اسمه يوسف موولت عليه
كنت قاعده ع السرير وانا اتامل صورنا مع بعض انا وهنوفهوفجاة ينفتح باب الغرفه بقوة شفت ريان وعيونه غرقانه دموع اول مرة اشوفه بهالانيهار من بعد العزااا
ريان : رووان
قمت له ريان وضميته بس انا قصيره فجلسته ع السرير
روان : وش قيك اخوي الغالي قوولي وش فيك
رياان : هنوفه ضاعت من ايدي وامها وعمي ناصر ما قدروا يسون شيء خلاااص والظاهر انها موافقه
روان :يا اخوي يا عزوتي كله نصيب ويمكن الله ما كاتب لك نصيب معاها صح ولا
ريان :بس وربي احبها روان احبها
روان: مردك بتنساها الله يسامحج يا بنت العم ما جبتي لاخوي غير الغم ... ريان انت اكبر من ان تبكيك حرمه
ريان : ادري بس هذي هنوفه مو غيرها
روان : يا ليتها تحس فيك والله ياليت
ريان : انا قررت اروح العمري وبعدها ارجع عمان اكمل دراستي
روان : يكون احس يا اخوي والله البيت بدونك فاضي ومحتاجينك هنا
رريان : بخبر امي وابوي
بعد شويه
ريان : روان
روان: لبيه
ريان : ما هقيت ان خافقي تجرحه
روان : جرح وبيطيب
ريان : الله يسعدها بس هاه حاسبي تقولي ان بكيت
روان : وليد يدق عليك
ريان :صبري بدز له مسج
روان : اوكي .. تال خلني اسولف لك ع اشياء وايد واطلع لك صورنا واحنا صغار عشان تنسى وبالمره نروح السينما اليوم بليل وش رايك
ريان : والله فكرة منتازة
روان : خخخ منتازة هاه
ريان : خخخخخخخ
__________________________________________________ ___________________
المكان : السينما
التوقيت : 7:39 مساء
اليوم : السبت
( ريان )
----------------------------------------------------------------------------
دشينا فيلم اكشن ع درما انا وروان وبالصدفه تلاقينا بوليد ورده وجلسنا مع بعض نتابع الفلم انا وليد ف النص وكل واحد اخته جنبه
بعد شوي طلعت للحمام ( اكرمكم الله ) وشفت وجه مو غريب علي قربت منه وسمعته يتكلم
: لا حبيبتي .. افا كم هنوفه عندي........ قسم بالله بخطبج هالاسبوع ...... والله لا تبكين خلااص احبججججج
ريان : السلاام عليكم
: وعليكم السلاام
ريان : ما تذذكرتني تلاقينا بحادث هههه صدفه غريبه ما عرفت اسمك انا ريان
يوسف : يوسف معاك
ريان /: تشرفنا
يوسف : تذكرتك انت راعي الفورد
ريان : ايوا طال عمرك انا بروح اكمل الفيلم وبعد الاهل داخل
يوسف: فرصه سعيده الله معاك
معقوله هو نفسه الي بيخطب هنوفه شتتتتت هذا معناه شيء واحد ان هنوفه رجعت معاه بالليل لان اهلي وصلوا قبلنا صحح كيف طافني اسالها هي رجعت مع من والله لو عرفت خالتي عزة بيوقف قلبها .... بس ويش بتفرق عاد ترى بيصير زوجها
هذاك يا ريان قلت بيصير يعني بعده ما صار انا انا اوريج هنوفه تركبين مع غريب
طرشت لوليد : (( وليد واحد من الربع تعبان بروح له ضروري خل روان ترجع معاكم ))
وليد : ( ان شاء الله ))
خرجت بسرعه و كنت اسوق بسرعه بس همي اوصل بيت عمي ناصر واشوفه الي ما تستحي هين بس يا هنوفه ... والله اراويج
وصلت البيت بعد نص ساعه لان الشارع زحمه
طقيت الباب دشيت
عزة : هلا بالغالي
حبيتها فوق راسها
ريان : هلا فيج خالتي لو سمحتي ممكن اتكلم مع هنوفه
عزة: اكيد يا االغالي هي تبي تعتذر منك اصلا ع الي صار
من الدرج شفت هنوفه
هنوفه : لا هوو الي يعتذر
ريان : بعتذر لج والله وانا اسف
هنوفه : عذرك مقبول ممكن تمشي
ريان : ايوا طالع لك اللحين
وصلت غرفتها
ريان : هنوفه مع مين رجعتي يوم العرس
هنوفه : _______________________
ريان : تكلمي
هنوفه : تبيني اكذب يعني
ريان :/ تعترفين
هنوفه : وش بتسوي
ريان : تبني اخبر خالتي
هنوفه : لا طبعا
ريان : عيل ما شيء قدامج غير حل واحد ترفضينه
هنوفه : مستحيييل
ريان : عيل اخبرها
هنوفه : ما يهمني ..... وبعدين بالله انت ما تحس ما احبك ريان ما احبك خلااص كرهتك والله كنت لي اعز واحلى اخ واللحين صرت ما اطيقك
ريان : شعور متبادل يا بنت العم .... واللحين بتوافقي ولا لأ
هنوفه : ايوا بوافق
ريان : انتظري الي بيجيج مني
هنوفه : طول عمرك يا ريان كنت طيب ما توقعتك تكون كذا بلا احساس
ريان : ما احد هنيه بدون احساس غيرج
( ف الوقت نفسه كانت روان جايه لهنوفه ودشت وشافتهم )
روان : ريان خل لك كرامه وموفقه يا بنت العم
هنوفه : ليش روان تسوي فيني جذيه
روان : انتي ليه صايره انانيه وما تحسين
هنوفه : انتوا الي ما تحسون ..
هنوفه : ريااان انا اسسسسفه بس صدقني ما اقدر ارفض
ريان : تحبيه
هنوفه : (0_0)
ريان : تكلمي تحبيه !!!!!!!!!!!!!!!!!! ( صرااخ عالي )
روان : ايوا تحبه يا اخوي ويلا نرجع البيت
ريان : هنوفه : ما بيني وبينج غير السلاام
هنوفه : اوجعتني ريان كثر الله خيرك كنت احسبك اخ وعزة ما دريت بتصير لي بلوة
ريان: اعترفت لج من زمان ... بان فقلبي لج مكان
اصطفيتج بين لبنات .... مثل ياسمين وسط الريحان
بعتي حبي والحنان ... وينج لما احتجت لج زمان
حبي لج صارماضي ... وكل ماضي حقه النسيان
لا تقولي يحبني ... قولي حبج صار خبر محذوف لكان
بس رددي عباره وحده
كان يا مكان ... كان لي ولد عم اسمه ريااان
بعته بارخص الاثمان ... ولمته لما منعني من الحنان
نلتقي ف خلد الجنان .. ولا الفرح اعذريني ماني بحاضره يا بنت حمدان
هنوفه : رياان ارجوك لا والله انك بحسبه اخوووي تكفى لا توقف ضدي
ريان : كان لك اخ اسمه ريان ..فداعة الله يا بنت العم
الظاهر ما فيه غير هذا الحل عشان اريح الكل ... هو حرام بس فحاله مثل حالتي يمددحونه
نهاية البارت العشرين تتوقعون وش سوت هنوفه تابعوني شمووع الحب 3>
البارت الــ21 ( فمان الله يا دنيا )
مدخلــــ : ( تاخذني انت ولا الموت ياخذني ما فيه عندي حل 3 )
المكان : المستفى السلطاني
التوقيت : 3 ونص العصر
اليوم : الاحد
( هنوفه)
---------------------------------------------------------------------------------------------------------
استغفر الله العلي العظيم من كل ذنب عظيم اه يا رب سامحني كنت برمي نفسي في حفرة من حفر جهنم !! ليتك يا رب اخترتني بدل ابوي
طبعا الشرطه عندي ف الغرفه والموضوع فيه تحقيق
الشرطي : اخت هنوف انا اطلعت ع سجل الشكاوي انتي ليش سويتي كذا
هنوفه : يا حضرة الشرطي احيانا الانسان يمر بظروف ويسيطر عليه الشيطان
الشرطي : بس الداكترة تقول ان حالتج حالة اعتداء !!
هنوفه : لا .. اي اعتداااااء كل الي ف الموضوع ضربت نفسي بكوب زجاج ليما تكسر فيني واخذت قطعه وخدشت يدي ليما دخت وطحت
الشرطي : يعني الموضوع موضوع انتحار
هنوفه : ايه بس الله ستر
المحقق : بس تعرفي ان هالشيء مخالف للدين
هنوفه : حضرة المحقق انا قلت لك لحظة ضعف ومشكورين ع الاهتمام وبعد الشخص الي بلغت عليه يا ريت تطلعونه من الحبس انا قررت اتنازل عن الموضوع
الشرطي : بس انتي هذا حقج
هنوفه : بس انا م فيني شيء وازمه وعدت... يمه قوليلي لهم
عزة : ___________
طلعت الشرطه من الغرفه ....
عزة: جبتي لي العار والفضيحه مرة صورج ومرة تنتحرين انتي وش الي تبينه بالضبط !!!... كل هذا عشان ما تاخذين ولد عمج !!! انشههد اني ما ربيتج على هالشيء
دخل ريان فهاللحظة
امي غمزت لريان ( كان قصده الشرطه سوت الاتفاقيه )
ريان : ايوا خالتي لا تحاتي الموضوع كله تحت السيطرة ممكن تخلينا بروحنا
عزة: اوكي
طلعت امي والباقي طبعا رجعوا البيت يريحوا شويه لاني من س 3 مودتهم المستشفى
ترى ريان اول مرة يكلمني بعد الي صار وكان مبتسم شكيت انا فالموضوع
كنت اطالعه بنظرات غريبه
ريان : هنوفه
هنوفه : نعم ( رديت بدون لا ارفع عيوني )
ريان : طالعيني
رفعت عيوني وشفته
ريان : احبجججج
هنوفه : 0,,0
ريان : وش فيج ؟؟؟
هنوفه : ×_×
ريان : ايه احبج احبج احبجج وعندي موضوع ضروري بقوله لج بس لا تنطي من الفرحه ترى بعدج تعبانه
هنوفه : ريان انا موافقه
ريان : جد!!!
هنوفه : ايوا موافقه اتزوجك
ريان : عيل ليش اذتي عمرج كيذا
هنوفه : انا كنت غبية لما صدقت يوسف قص عليي وعلى امه وياسمين طلع هو الي نشر صوري وه وتقرب مني عشان يخفف ع نفسه الشعور بالذنب والله هداه بسببي وهالشيء يكفي وبعدين يوسف طلع يحب روان وايد
ريان : قررنا نزوجه روان والولد ما ينعاب واذا ع الغلط الكل بيغلط ودامه احترمج وهو ما يحبج اكيد بيشيل روانيه فوق عيونه
هنوفه : بس ف قانون الصديقات ممنوع البنت تحب حبيب صديقتها
ريان : نسيتي عمرج لما كنتي تقولي انثى مختلفه ولن يستطيع احد فهمي
هنوفه : اصلا عاتي اهم شيء روان موافقه ؟؟
ريان : قالت بتوافق بس بشرط
هنوفه : وشوو عاد
ريان : انتي ادرى
هنوفه : ريان
ريان : عيونه j
هنوفه : انا اسفه وايد ظلمتك معاي وانت سامحتني بسرعه ونسيت كل شيء
ريان : السالفه صار لها اسبوعين وتو انتحرتي بعد اسبوعين خخخ لانه ما تقدملج
هنوفه : بسس !!
ريان حط صبعه ع فمي
ريان : ششششش... الماضي انتهى.. والحين انتي خطيبتي
هنوفه : لا من متى؟؟ *_^
ريان : من هاللحظه
هنوفه : وش دراك اني موافقه ؟؟ هه ( ضحكه دلع )
ريان : اوووووووووه اطورنا صرتي رقيقه زين زين يوسف عطاج كورسات خخخخخخ
هنوفه : شكلك من زمان ما اكلت بوكس جون سينا
ريان : بهاليد متاكده
هنوفه : ما اقدر طبعا
ريان : ليش عاد
هنوفه :لاني احبـــــ......
دخلت روان . ...
روان : ما بتقوليها لاخووووي بدون ما اسمعها واصوركم يلاااااا ريان يبا يسجلها لانها اول مرة
هنوفه : ثاني مرة
روان : كيف !!!
هنوفه : مرة عند البحر بس ما كانت من خاطر خلاص ما نحسبها
ريان : هنوفه !!!
هنوفه : حياتها
ريان : قوليها
هنوفه : طلعوا برىىى عيارين واحدين هههههههههههههههههههههههههههههههه
ريان وروان : خخخخخخ خبلهههه
هنوفه : احبككككك ريان وايد وايد وايد
ريان : انا خلاص رجعت البلاد ترى وباقيلي سنه دراسه يعني خطوبتنا بتطول سنه
هنوفه : لا اكثر
ريان : ليش ؟؟؟
هنوفه : من ونحنا صغر عايشين فهالخطوبه ابا ملكه عاد
ريان : هنوووووووووووفه ...!!!!
روان : استحي يا بنت
هنوفه : ليش ولد عمي قطعة قلبي !!
ريان : اذووب انااااا
روان : اييه اطلع برى لا اصكك كف
هنوفه : دووكم تغاار اوين ... ( غمزت لريان )
ريان : هنوفه عطيني بوسه
روان : استغفر الله
ريان : امزح ..
هنوفه : كاني بعطيك ؟؟ خخ طارت الجبهه
ريان : اها عشان كذا تريدي ملكه بسرعه ( وغمز لها )
هنوفه ( حمرت وغطت وجهها) : لاااااء خلااص م ابي
ريان : تغطي بيدش احد
: السلام عليكم
هنوفه : وعليكم الســـ......... ( رفعت راسي والكلمه طبقت )
: هنوفه
هنوفه : يوسف !!!!
يوسف :ارجوووج سامحيني والله ما قصدت اني امثل عليج الحب صدقني ما كنت ناوي اكذب عليج وكنت بتزوجج صدق والله العظيم !! ( وبدا يوسف يبكي ) مشكورة وايد لانج تنازلتي عن القضيه مال الصور
هنوفه :يوسف انت بتكون ريل حياتي وعمري كلها روان مستحيل اسمح لنفسي بهالشيء ...
يوسف : وايد مشكوورة بس بسال روان ؟ استخرتي
روان نزلت راسها بحيا : موافقه
ريان : لللللللليش !!!
هنوفه : فضحتنا ما كذا يزغرطووون ولولولوولوليش خخخخخخخخخخخخخخ
الكل : هههههههههههههههههههههه
الكل طلع وانا نمت وقمت س 8 ودقيت ع ورده عشان اخبرها بكل شيء
ورده : الغلااااااا سلامتج يا روحي
هنوفه : الله يسلمجج عمري
ورده : ويش الي صار قوليلي من طق طق للسلام عليكووو
هنوفه : من عنوني !!
يوم الجمعه قبل اسبوع على اساس يوسف يتقدملي بس ما جوا ولا امه اتصلت ع امي وامي شكت ف الموضوع و قالت انه يقص عليي وكذاا المهم راح بعد يومين قالي يوسف بانه حب روان من زمان اصلا وكان يريدني وسيله يتقرب بها لها وكذا وهو وعدني لو الموضوع تريده يتسكر بزواجي منه بيتزوجني بس حرام اظلمه معاي حزنت صح بس تبخر كل الحب لم اعترفلي ان هو الي نشر الصور مو عماد اخوه الله يرحمه !!! ... ندمت ع الدعوات الي طلعت مني له الله يرحمه ويغمد روحه الجنة وعقب انا وريان كلمنا بعض بهالموضوع وريان اصلا كان يدري وحاول يخبرني بس انا رفضت من العصبيه الي فيني لان يوسف ما تقدملي المهم اللحين يوسف خطب روان وانا خطبني ريان
والاهل موافقين
ورده : كانها قصة افلاام
هنوفه : خخخخخخخخخخخخخخخخ ع فكرة تعالي م الباطنه لان ملكة روانووووه هالخميس ^^
ورده : صدق
هنوفه :ايوا
هنوفه : وانتي وش صار معاج
ورده : لا كذا الاحداث وايد بخبركم البارت الجاي __________________________________________________ _________________
نهاية البارت 21
20 ظهرا
رد مع اقتباس