السلام عليكم
شخباركم ؟ خشمكم ؟
تذكرت عضو ما اعرف اذا بعده موجود ..
"مفلوع بسلندر"
( اللَّهُمَّ أَحْيِنِي مِسْكِينًا ، وَأَمِتْنِي مِسْكِينًا ، وَاحْشُرْنِي فِي زُمْرَةِ الْمَسَاكِينِ يَوْمَ الْقِيَامَةِ )
****
متواضع وأمشي على الحق بالهون
متوسط المعرفة والشهامة
ولي مجلس دايم له الناس يلفون
شرعت بابه والدلال العلامه
مايفتح الا فيه الاجواد يدنون
ويالله عسى اللي يقرب للسلامه
هذا طريقي وكثير الناس يدرون
صديت عن درب حلاله حرامه
ميزت ربعي بين عاقل ومجنون
واكشف بليد المنفعة من سلامه
وسجلت في الانستجرام
بس ما عارف شي فيه خخخخ
المعرف هو .
الاسم الي فوق اتوقع .
ينعرف امرة انه انا ..
الحين عادي اكتبه ؟.. اخاف يكرتنوني (انطرد )
خخخخ
زمان اول يوم كنا اداريين ( يمنع اي واحد يحط ايميله )
خخخخخخ
ياخي شو كان فيها ..
الحين بروفايلك كل شي تقدر تحط فيه حتى رقم جوالك ..
والله زمان اول غير ..
والحب مال الاولين غير
خخخ كان فيه مشقة خخخ
( اللَّهُمَّ أَحْيِنِي مِسْكِينًا ، وَأَمِتْنِي مِسْكِينًا ، وَاحْشُرْنِي فِي زُمْرَةِ الْمَسَاكِينِ يَوْمَ الْقِيَامَةِ )
****
متواضع وأمشي على الحق بالهون
متوسط المعرفة والشهامة
ولي مجلس دايم له الناس يلفون
شرعت بابه والدلال العلامه
مايفتح الا فيه الاجواد يدنون
ويالله عسى اللي يقرب للسلامه
هذا طريقي وكثير الناس يدرون
صديت عن درب حلاله حرامه
ميزت ربعي بين عاقل ومجنون
واكشف بليد المنفعة من سلامه
مساء الخير
( اللَّهُمَّ أَحْيِنِي مِسْكِينًا ، وَأَمِتْنِي مِسْكِينًا ، وَاحْشُرْنِي فِي زُمْرَةِ الْمَسَاكِينِ يَوْمَ الْقِيَامَةِ )
****
متواضع وأمشي على الحق بالهون
متوسط المعرفة والشهامة
ولي مجلس دايم له الناس يلفون
شرعت بابه والدلال العلامه
مايفتح الا فيه الاجواد يدنون
ويالله عسى اللي يقرب للسلامه
هذا طريقي وكثير الناس يدرون
صديت عن درب حلاله حرامه
ميزت ربعي بين عاقل ومجنون
واكشف بليد المنفعة من سلامه
مدري من المنحوس ؟! انا ولا الهارد ديسك !
رحت اخلص الجزء ذاك .. ذاك .. مال القصة .. او الرواية .. او الحكاية ..
مدري شصار بالهارد ديسك .. ما رضى يفتح .. يمكن تفيرس !
المهم من شهر وانا احاول فيه .. يمين ..يسار .. لان المشكلة حلها اني اعيد النظر .. قصدي افرمته من اول ..
بس عندي احساس اني بصلحه .. الطيب مبرمج وفيزيائي على الفاضي ؟؟
وشخباركم ؟
احسه بيشتغل الحين ما اخر محاولة ..
وقالي اللاب توب يريد يسوي ريستارت !
هه
واخيرا اشتغل .. هههههه .. اضحك على عمري لان مع دخولي السبلة قدرت احل المشكلة ..
المهم /
اذا حد واجه نفس المشكلة . فقد يكون بسبب النظام .. لازم تغيرونه الى FAT32
بإستخدام برنامج minitool partition wizard
واتوقع هالتغيير يصير اذا حدثتوا الويندوز الى 10
( اللَّهُمَّ أَحْيِنِي مِسْكِينًا ، وَأَمِتْنِي مِسْكِينًا ، وَاحْشُرْنِي فِي زُمْرَةِ الْمَسَاكِينِ يَوْمَ الْقِيَامَةِ )
****
متواضع وأمشي على الحق بالهون
متوسط المعرفة والشهامة
ولي مجلس دايم له الناس يلفون
شرعت بابه والدلال العلامه
مايفتح الا فيه الاجواد يدنون
ويالله عسى اللي يقرب للسلامه
هذا طريقي وكثير الناس يدرون
صديت عن درب حلاله حرامه
ميزت ربعي بين عاقل ومجنون
واكشف بليد المنفعة من سلامه
ثانية صمت...حمد وذياب يشوفون على منصور.........[ودي أكون أي شخص ثاني]
حلقة مفقودة بعنوان (حمـــــــــد)
في كل رابط تسلسل هذه الحلقة:
http://omaniaa.co/showthread.php?t=1305&page=4
http://omaniaa.co/showthread.php?t=1305&page=6
http://omaniaa.co/showthread.php?t=1305&page=7
http://omaniaa.co/showthread.php?t=1305&page=8
http://omaniaa.co/showthread.php?t=1305&page=9
بخليكم الحين من ما تبقى منها. بعدل موضوع في سبلة القصص يتضمن كل هذا ان شاء الله.
*
وين كنا ...
منصور بدأ يرتعف ..
*
ذياب تقرب من منصور:...منصور ؟... دم !
حمد خذ نفس جنه كان يريد يشهق... وكانن شفايفه يابسات........منصدم من الدم الي نزل من خشم منصور....
منصور حس بشي ينزل من خشمه ويوم مسح بيده شاف الدم في يده....
قام حمد وتقرب من منصور:...شو ياك .....؟؟
ذياب مط كلينكس وناول منصور ،،،، وجان يمسكه منصور ومش به خشمه......بس الدم كان ينزل...
حمد وأول مرة يبدي عليه الخوف من بعد غيبوبة منصور:......ذياب !!.......
ذياب يشوف على عمه.....
حمد:....شوووف حد ...... ازقرهم !
منصور وهو يمش الدم:...بيــــ...ــــوقف.....مـ مــ ما يحتاي....
بس ذياب ما سمع منصور وطلع يزقر الدكتور.............ويوم دخل الدكتور انصدم بوجود حمد ونفس الوقت استغرب كيف كان منصور يرتعف بشدة.......خلوا له شاش....والتموا حواليه الممرضين والدكتور.... والغريب ان الدم ما رضى يوقف.......
وحمد يشوف على ولده وحس بروحه تطلع من جسمه:..... دكتور شو السالفة ؟
الدكتور شاف على شكل حمد:.... لا تحاتي .....
حمد:... شو ما احاتي بيخلص دمه .......
الدكتور ساكت يشوف شغله ...
حمد يشوف: ...دكتور كافي الدم الي ضيعه فالعملية....ما صدجناه يتعدل حاله شوي....
منصور كان يتكلم بصوت خفيف:... ابوي ........ انا بخير ........
مرت نص ساعة..بين تبديل الشاش ...ومحاولة ايقاف النزيف..
الدكتور وطلع بقرار انه بيسوي له كوي بس يوقف النزيف ..
حمد مستغرب:... كوي ؟؟ حق شو ؟؟ ما بيوقف يعني ؟
الدكتور وهو يكلم حمد:... هذا شريان انفتح داخل الانف, شكلها الشعيرات ضعيفة عنده ..ومع التعب الي فيه ضغطه ارتفع وتسبب بالنزيف ..
حمد خلاص مب عارف شو يسوي : انزين دكتور سوا له كوي الحين ..
الدكتور يشوف على منصور: .. ما يصير يا حمد ... الدم لازم يوقف ...
منصور كان مقوي عمره .. ولكنه شكله ما بيتحمل وايد ..
حمد يشوف على ولده : منصور ...!
ذياب كان يشوف على منصور الي ويهه صار مصفر وتعبان .. وشوي قام منصور يطلع الدم من حلجه مثل الكتل ..
ودارت الدنيا بأبوه ...
..
.
مر الوقت بين هذا الحال ..
عشر دقايق مرن ... ووقف شوي الدم الي كان يطلع من حلجه ..
منصور وبعد ما هدأ شوي .. كان على السرير وعيونه تشوف على ابوه...
قال بصوت مخنوق:..اريد امي ...!
حمد تقرب من منصور ومسح بيده على راسه..
رد منصور وقال:... اريد امي يا ابوي ... احسني بموت ..
حمد يشوف على منصور بنظرة خوف:... لا تقول هالكلمة مرة ثانية يا ولدي .. ان شاء الله بيخف عنك كل شي وبتقوم بالسلامة .. خلك قوي يا ولدي ..
ونفس الوقت وفي البريمي:
وبالتحديد في بيت سعيد:
وفي الصالة:
فاطمة تكلم زوجها سعيد:.. احاتي ولدي يا سعيد .. شو بيسوي بعمره ... وتوه طالع من حنايا الموت ..
سعيد: انزين يا فاطمة .. ولا يهمج تولمي الصبح .. بنروح لهم ..
فاطمة : مدري ليش احس فؤادي مقبوض ..
سعيد يناقشها:.. لا تحاتين .. انتي مكلمتنه الصبح .. وقالج اموره زينة والحمدلله .. وعمه ضاحي وعياله كلهم ما مقصرين وياهم والحمدلله ..
فاطمة وتشوف صوب غرفة منصور:.. الرحمن يحفظه ... !
يتبع<>
( اللَّهُمَّ أَحْيِنِي مِسْكِينًا ، وَأَمِتْنِي مِسْكِينًا ، وَاحْشُرْنِي فِي زُمْرَةِ الْمَسَاكِينِ يَوْمَ الْقِيَامَةِ )
****
متواضع وأمشي على الحق بالهون
متوسط المعرفة والشهامة
ولي مجلس دايم له الناس يلفون
شرعت بابه والدلال العلامه
مايفتح الا فيه الاجواد يدنون
ويالله عسى اللي يقرب للسلامه
هذا طريقي وكثير الناس يدرون
صديت عن درب حلاله حرامه
ميزت ربعي بين عاقل ومجنون
واكشف بليد المنفعة من سلامه
نفس الوقت وفي دبي:
وبالتحديد في المستشفى _غرفة الملاحظة:
منصور على ذاك السرير وابوه جنبه .. وذياب كان يتصل بأبوه يخبره بالي صار عشان اييهم ...
الدكتور دخل ومعاه الممرض الي راح ياخذ دم من منصور ..
الدكتور يكلم حمد:...حمد بناخذ منه دم شوي عشان نشوف كم واصل الهيموجلوبين عنده .. وانا اشوف وضعه الحين احسن (وهو يفحص الشاش).. كلها شوي وبنطلع هذا الشاش من خشمه .. وان شاء الله بنسوي له كوي ..
حمد يشوف على الدكتور:.. دكتور نزف وايد تراه ..
الممرض سحب دم ..والدكتور كان يقرب الادوات عشان يبطل الشاش:.. عين خير يا حمد ..
حمد شاف على منصور .. وما بيده شي غير الصبر والدعاء ...
الدكتور كان يحاول يبطل الشاش بكل عناية عشان ما يبسبب اي نزيف .. ومنصور كان وضعه شبه يالس متاكئ وراسه على السرير ..
وبحمد الله بطل الدكتور الشاش ... وكان النزيف شبه متوقف ...
الدكتور:...الحمدلله ...وضعه احسن والحين نقدر نشله ونسويله كوي ...
حمد فرح من داخله وقال: الحمدلله رب العالمين ...
ذياب شاف على منصور:..منصور ؟.. شو فيك ؟
الدكتور يكلم منصور:... منصور ! ..
حمد وانخض قلبه :.. لا ... منصوووور .. ولدي ..!
منصور فقد وعيه .. !
وفقد الاحساس بكل شي حواليه .. !
اسعفوه بسرعة غرفة العمليات .. وهناك حطوله دم لان دمه نقص .. ووضعه حرج خصوصا مع الالتهاب الي فيه ..
وسوله كوي الي الحمدلله ما طول .. عشر دقايق .. !
ولكن هذي الدقايق كانت على حمد مثل اليمر على فؤاده ..
عقب حطوه تحت الملاحظه ...
حمد تعبان ..!
ووصل عنده اخوه ضاحي ..ووقف ينبه .. وما خلاه لين وصله غرفته عشان ياخذ ادويته .. ويشوفونه الدكاترته ... وكان يتريا خبر عن منصور ..
والحمدلله ياه الخبر بعد نص ساعة /
الدكتور يدخل عليهم وعليه ابتسامه:.. يا حمد قوم ... قوم .. سير شوف ولدك .. يترياك ..
نش حمد من الفرحة .. وضاحي وذياب يسندونه .. وخلوه على كرسي متحرك .. وراحوا كلهم عند منصور ..
وعند باب غرفة الملاحظة..
حمد يكلم ذياب : وقف ذياب ..!
ذياب ولانه يدز حمد بالكرسي.. جان يوقف:.. هاه عمي ..شو هناك ؟
حمد وهو يحاول ينش من على الكرسي:.. نششني الله يخليك... ما اريد ادخل علي منصور بهالكرسي ..
ذياب شاف على ضاحي وابتسموا لبعض:.. ان شاء الله عمي ... قوم خلني اسندك .......
حمد وضاحي على يساره ..وذياب عن يمينه ..
ودخلوا على منصور ..
..
منصور على السرير وكان واعي ..
ويوم شاف ابوه ... ابتسم له ابتسامة شخص متعب وكأنه يقول "طار الشر يابوي".. ووصل حمد عند راس ولده وعاد يروم ينحني ولا ما يروم ذاك الوقت، انحنى وحب ولده على راسه ..
حمد يشوف على ولده:.. شحالك يا ولدي الحين ؟
منصور يمسك ايد ابوه:.. الحمدلله رب العالمين ... احسن ...
الدكتور:.. ان شاء الله بتكون بخير .. واوعدك يا حمد .. باذن الله تعالى ما بيحتاي تشلونه لندن ..
حمد فرح بكلام الدكتور:.. ان شاء الله دكتور .. الله ييزيكم خير ما قصرتوا ...
ذياب ابتسم ونفس الشي ابتسم ضاحي ..
مسك حمد ولده من يده ..وخذ نفس عميق..وقال من بعد ذاك التعب:...الحمدلله رب العالمين ..
منصور شاف على ابوه ورد وقال:..الحمد لله يا بوي .. الحمدلله ان انعم علي بأبو مثلك ..!
مر يومين على منصور وهو في المستشفى .. والحمدلله تعافى ... وما كان له داعي يشلونه لندن ساعتها ...
ولكنه راح يراجعهم بعد 3 اسابيع يوم تعافى ابوه من جروحه... ومرة وحدة راح حمد يتطمن على نفسه من جروح الحادث..
رجعوا من السفر وكانت صحتهم زينة .. وحياتهم بدت ترجع لمثل ما كانت عليه بفضل الله ..
.(نقطة)
(حلقة مفقودة بإسم حمد)
في البريمي وفي نفس السنة ابريل 2009 م:
يوم الاربعاء:
وقت الناس راجعة بيوتها لإجازة الاسبوع
بيت سهيل
سهيل يجادل ولده ناصر: وليش ربيعه ما راح بتكسي ؟؟.. الحين طالع من مسقط وبيلف صوب عبري....
ناصر:..تراه هو مستوي تكسي .. شو تباني اقول بس يا ابوي ..
سهيل يشوف على ناصر:..هذه ثاني مرة يسويها .. انا ما عايبتني هالشغلة ..
ناصر:..ماعلي يا الغالي .. يوم يوصل بالسلامة تفاهم وياه .. تراه ما يردلك كلمة ..
سهيل:..انا مآوي عليه .. تعرفه بروحه مريض ..
وفي الطريج من عبري للبريمي:
بدر: وين بتحصلون حد شراتي هاه ؟
سالم يشوف على بدر:.. بسك بسك .. ذليتنا نعم ..
عمر يالس ورا:..نعم انه ما سكت من يوم ظاهرين من عبري ..
بدر يضحك عليهم :.. لازم احسسكم ههههه...
سالم:...انزين يا ريال لا تسرع …
بدر يشوف على العداد:..والله ما اعرف كيف موصلنها 160 كم ..
سالم يشوف على بدر بنص عين ..
عمر فجأة يصرخ:…..بدررررررررر... انتبه …..
وبعد صاع ..
وعلى طلعة ..والوقت على المغرب...
وعلى سرعة .. تولف كله ..
ثواني سرح بدر وشل عيونه عن الشارع ..
كانن ثلاث نوق يقطعن الشارع …
ماشي مجال ..
بدر عرف انه لازم بيدعمهن :..لا اله الا الـــ....
.
.
.
يتبع >
( اللَّهُمَّ أَحْيِنِي مِسْكِينًا ، وَأَمِتْنِي مِسْكِينًا ، وَاحْشُرْنِي فِي زُمْرَةِ الْمَسَاكِينِ يَوْمَ الْقِيَامَةِ )
****
متواضع وأمشي على الحق بالهون
متوسط المعرفة والشهامة
ولي مجلس دايم له الناس يلفون
شرعت بابه والدلال العلامه
مايفتح الا فيه الاجواد يدنون
ويالله عسى اللي يقرب للسلامه
هذا طريقي وكثير الناس يدرون
صديت عن درب حلاله حرامه
ميزت ربعي بين عاقل ومجنون
واكشف بليد المنفعة من سلامه
القصة كامل في الرابط
https://up.harajgulf.com/downloadf-1...88541-doc.html
( اللَّهُمَّ أَحْيِنِي مِسْكِينًا ، وَأَمِتْنِي مِسْكِينًا ، وَاحْشُرْنِي فِي زُمْرَةِ الْمَسَاكِينِ يَوْمَ الْقِيَامَةِ )
****
متواضع وأمشي على الحق بالهون
متوسط المعرفة والشهامة
ولي مجلس دايم له الناس يلفون
شرعت بابه والدلال العلامه
مايفتح الا فيه الاجواد يدنون
ويالله عسى اللي يقرب للسلامه
هذا طريقي وكثير الناس يدرون
صديت عن درب حلاله حرامه
ميزت ربعي بين عاقل ومجنون
واكشف بليد المنفعة من سلامه
ضوابط المشاركة
رد مع اقتباس
