أبشركم النفسية اليوم عال العااااااال 😃👋👋
بلا نكد بلا هم بلا مواضيع تجيب الغم الله الله على القافية ☻
مع إنه اليوم البيت جوه ما كان طيب بس أنا من داخلي نفسيتي أحسن بوايد من أمس والله والله 😍
تو وش ذا كاتبة بالأصفر عشيتينا *____* !! بس بغير اللون ف الكلام اللي أريده للأسود أنا أختار الألوان بعناية شديدة خوفاً مني على مقلة أعينكم المهم ترا هالكلام صحيح وأنا أشهد الحريم معظمهن وف كل مكان معقدات يعني يهولن بالمواضيع والقانون ما يسمح والنظام ما يسمح ..!! ولا يتساعدن عكس الرياييل يحلوا الموضوع بسهولة أنا يوم أطلع من الجامعة ويكون رياييل ما يتموا يشوفوا تصريحي ويدققوا فيه مثل الحريم اللي حتى يسألني اللي ف السيارة من ؟؟؟ سلامات وش دخلكن تصريح مفتوح مفتوووووووح ماخصكن بعدين هالسؤال غبي يعني واضح أن ريال مابا أقول كبير عن أبوي يعني ناضج في سن الرشد 😂😂 من بيطلع صديقي مثلاً غبااااء يوم سألتني وحدة أذونها ف خشمها من اللي ف سيارة ما رديت عليها ومشيت غير أن أسلوبها وقح سؤالها بايخ يعني شخص في سن الرشد أكيد بيكون أبوي مايبالها كمياء ولا فيزياء واللللاااااااه 😒المشاركة الأصلية كتبت بواسطة العيون الساهرة
وخذلك ستين مثال في المراكز مثلاً مرة مرينا ع المركز هاجين من عمان صوبهم بنسويلهم زحمة شوااااوع وحرمة هناك طلع القبيلة اللي مكتوبة حق أمي غلط يعني أمي قبيلة بس هم قالوا قبيلة غير وكذا وتمت الحرمة تناهق أنا طالع لي هالقبيلة وحشرت الدنيا والموضوع تافه سوته وين كبرررره يا الريال شوية والله ثواني قال لأبوي توكلوا ع الله وبس انتهى ☺
يعني الخبلة لو مريحة راسها مثله مازين !!!
المهم ونحن راجعين البيت قريب المركز شرطي واقف ع يمين مادري يسار الشارع ويأشر بس كان ليل متأخر وأبوي ينود ماشافه ومشا سيدة بس بعدين انتبه له ورجع والشرطي واحد شباب يعني عمره واضح بداية العشرين لكن لساااانه أطول منه نعم ويصارخ اونه ياي النقيب مادري الرئيس يعني المهم شرطي عود راتبه وايد شي كذاك أظني ما أعرف والله بس يعني في الشرطة ما مثلاً أقل الشي الجندي العادي ف المرور وبعدين الضابط وكذاك هوه شي من ذا الطبش يعني شسمه المهم والشرطي اللي راتبه شوية يكلم أبوي خطف اللي راتبه وايد وكذاك يأشر بيديه إخس عليه عطه عطه مخالفة والمخالفة ب 35 ريال أون بس أبوي لانه رجع ما عطوه عاد بو راتب شوية يقول أنا تساهلت معك هالمرة لانه المخالفة ب 35 ريال !!!
اليوم عاد وأمي راجعة اتصلت لي وروحت معها كانت الساعة 11 وبيتنا يصفر ماشي دياي حق الغدا وقفت عند الدكان راعيه ندق عليه وييي الهندي بس طلع مسكر اليوم ، راحت سوبر ماركت صغيرون غير وأنا اللي نزلت أول مرة أدخله مع إنه ف الحااااارة بس معنا م يستوي تنزلي ف الدكاكين عادي تحوطي ف المولات وامشي وروحي وردي بس سوبر ماركت الحارة لا ليش الله أعلم !! المهم خذيت دياي وقوطي ديو وحب و أسكريم بالخمسين اللي بتبقى مال الديو وطلعت ..!! دخلنا البيت أبوي يعرف 😨😨😨 كيف من قاله ؟؟ م نعرف
عاد أبوي يكره ننزل الدكان ذاك لانه ف الحارة بس قلنا ما بيعرف ولا حطينا هذا الاحتمال أمي مارضت وأنا أقولها بنزل شوية وبخذ الأغراض وطالعة عاد ابوي وش دراه هو معه إجازة بس كان طالع من البيت واصل شناص !!!!!!!! كيف عرف كيف ككككيف ؟ وأبوي معصب ويتنازع كيف أمي تتطلع من الدوام وما ترجع البيت سيده لانه إذا ناقص شي فالبيت هو بييبه تقوله أنت بعيد والدكان هذا عند البيت المهم تموا يتناقروا وأنا رحت أخذ شور وطلعت وهما بعدهم ف الصالة يالسين و مبوزين !!! كله مني أنا مابا سمممك مابا سممممك .. يا وقت الغدا رحت وحطيته وزقرتهم أبوي ما يبا وأمي يوعانة تغدينا أنا وياها وخواني وخواتي وأبوي يتابع تلفزيون فتحت أمي السالفة وسألته كيف عرف استغلت الفرصة يوم شافت أبوي هادي هههه طلع عمي هناك وع طول اتصل ح أبوي وقاله حرمتك ياية الدكان ومخليه بنتك تنزل هني تزاحم الرياييل ؟؟؟ اخ اخ عليك من عم حسبي الله عليك فتان وبعدين كمان كيف تقول عن بنت أخوك كذا كرهته نعم شيبه لكن ح السوالف أخس من الحريم اللي يلسن ع الحصير العصر نعم بيتكلم وبيبدي رايه الشخصي بعد !!!
عنبوه ذا العم المتفيق المهم قامت أمي اونه تعتذر وكذاك وبس طاح الحطب وهجم أبوي ع صحن العيش لانه أصلاً يوعان طلع يراكض ويتشرا باغي يسوي صبية بس برستيج العصبية يتحكم فيه بيسوي صبية وسوالف ف الحوش بعد هناك ع جنب ورا الميلس وإحتمال يحطلنا مرياحانات وحركات😍😍😍 يالله أني كارهه ذا العم نعم اونه ازاحمه أصلاً الدكان فيه هنود 2 وواحد شيبة بس هوه ما شفته شكله كان وراي نعم ما انتبهت له ولا بعطيه بوكس وأنا طالعة 😂😂😂😂 أمزح مهما كان ذا عمي حسبت جدي بس قهر كلمته قهرررر قهرررر وش خلا حق الغريب يغيب برايه حسبي الله ونعم الوكيل فيه سبع التحاسيب
لا تذكريني بالمشروع نعم يوم استويت مجتهدة وقلت بخلص أشغالي أول بأول طلع ما عليه ولا درجة بس المستر كان يقول يعني أكيد هذا الشي يميزك يميزني طل مابا أتميز بدون درجات أنا أداوم لدرجات ولجلب الغوازي بعد ذاك 😂😂 هذا اذا توظفت وعمان بادية اطيح شكل عصر النهضة خلاص بينتهي كل مالنا ونرجع ألف خطوة لورا وبيجي اليوم ومابالبعيد يوم ترجع عمان عن ما كانت عليه في الستينيات والخمسينينات وبذكركم بعدين إذا ما ماتت السبلة ☺
العيون الساهرة تسلمي تسلمي وايد أنا لعيان ترا ويسد المشكلة اللي سويتها لو كنت أكل سمك ما صار اللي صار بس أمس مسوين سمك عاد ما كل يوم بستحمل ما أتغدا بعد أنا أنسانه أحتاج طاقة وحركات 💓
صدق!! واه هو طبيعي لان مثلاً موضوع ما يصير ألعي فيه يعني مثلاً شخص منزل قصة ما يصير أكتب فيها وأحط وأتمصخر لإني محصورة بين جميل تسلم ع الإنتقاء بالنسبة للمواضيع النقاشية أفضل أتكلم بالفصحى أو يعني أخلط عامي وفصحى أما المكان اللي يبين في الشخص هادي ولا هذا ترويح القلوب وهالقسم ما نشطة فيه كثير أما المدونة مكان خاص فيني أحط فيها سوالفي وأشياءتي واتكلم بلهجتي يعني ما يخلصني أسولف ف المدونة بالفصحى بعد وكذاك .
مرة فاتحة حساب عماني وقتلتني التعليقااااااات طالعة موضة السب بالأكل ما أعرف إذا كلمة سب مناسبة ولا لا المهم يعني مثلاً تتكلمي حد يقولك علامها الدنجوه ؟ وشفت بالتعليقات في الانستقرام وايد منه يعني مثلاً ..،، حد يقول السحة وحد يقول اللومية يعني ينادوك كذا وابويه علامهم ذيلا بس تعليقاتهم عجيبة غريبة وتضحك بعد بس سخافة كذا يعني عاد الدنجو وايد يستخدموه والجاشع وما أعرف شو وايد منه 😂😂😂😂
انزين أمس بالليل كان عندي عبدالله ويلعب بالحجرة وأنا كنت أذاكر وهوه كاب اللعب ماله ومسوي ازعاج المهم فوق التسريحة شفت شي خمسين بيسة ونطيت وخذيت عبدالله ورحت أركض الميلس عند أمي حتى هو منصدم مني أحس ف خاطره يقول الحمدلله والشكر 😂😂 وفتحت الباب بأقوى ما عندي تقول فاتحة الأندلس وأصارخ أماه أماااااااه أماااااه لحقي عبدالله بلع الخمسين ويصيح قاااطع والله انها انتزقت وما قدرت أكمل المقلب السخييييف البايخ اللي ماله داعي قلتلها أكذب أكذب قبل لا تتفاعل بمرة بسرعة يعني خفت عليها صراحة كيف كانت منتزقة وخااايفة ورجعت أكمل دروسي يعني أحيان أسوي مقالب ف ناس ما تصلح معهم ولا حد يفكر مجرد تفكير إنه يسوي مقلب ف أمه ولا أبوه ولا شخص كبير أصلاً الأم بالذات لما تروح تقومها تفز منتزقة فما بالك عاد تمقلبها ...!!! بس نصيحة ندمت عليها مجربة والله العظيم خفت عليها كيف خافت لاني ياية أصااارخ الله يستر من الأفكار اللي دارت ف بالها ساعتها وأنا ماسكة أخوي وأركض وأصارخ ..!!!!! غبية أنا 😉
وبس
رد مع اقتباس