صباحكم منتصف رمضان
اوشك رمضان على الانتهاء
فما اجملها من أيام



"روح وريحان وجنه نعيم "
جعلنا واياكم من أصحاب هذه الايه



الامس بالليل مافضيت ارتبشنا ورحنا نتسوق حق القرنقشوه شوي انا وذ حمودوه
ولما رجعنا على طول وفينا نشاط جلسنا نرتب وخلصنا التوزيعات مال الطوق ههه على فكره احنا نقول طوق قبل بس تو غيروها ههه شكلهم تطوروا اونه عاد
على فكره مال شناص ماعندهم هالسؤالف على انهم جيرانا ياخي غريبه مبونهم الشيء الزين ماياخذوه من جيرانهم
ومال صحار عندهم وزياده علينا يعني حريم ورياييل كبار وهيك كلهم يروحوا بس شوي مزودينها مب حلو رياييل يلبسوا ملابس حريم وهيك وحد بجنازه وبعضهم يقلدوا الحريم الحمل ههه
بس حلو احسه تشوف يهال ويتلبسوا ويتكشخوا ويطوفوا ونعطيهم حلاوة او أي شيء
أقول حق اختي لازم باكر نتكشخ حسافه ماحجزنا فساتين قالت بعدج مارحتي الصالون عب قصف كأن
مادري اشفيها منضغطه شكله الاختبارات لاعبه فيها ههههه تستاهل
وشسمه رجعونا 10 سنوات ورى
يوم كنا نروح القرنقشوه نشل أي كيسه حيالله الي مصوبنا
وعيال تو يتبطروا ولازم كيس وملابس وصورهم فيهم وحركات
الله يالدنيا واحنا ماكنا نعرف وحليلنا قنوعين يالله مانعرف بهالسوالف ههه
اهم شيء خلصت توني مسوي استكرات حق التوزيعات ومسويه صور واخر شيء طلع المقاس غلط استون الصور صغار
فيس حزين خسارة شاده حيله برايه اهم شي اسبشل مالنا هالمره مانعطي حد هههه
احبني ياانا طلعت خطيره ومب هينه والله

اممم ونسيت شيء ياخي كنت مريضه سلامتني ياأنا هو ماحلو المرض بس شيء واحد حلو خخخخخ احس عمري اتدلع براحتي كلمره حد يدش الغرفه تبي شي محتاجه شي هههه للأسف مالي بارض ومريضه لكن غبيه لو استغليت ذيك اللحظه وطلبت ذاك الشيء وذاك الشيء ماعرف شو هو ذاك الشيء المهم يعني شيء حلو هههه معليه مره ثانيه حشا الله لايعيده قولي امين هههه خبله تراني
وصح أقول حق ثروي فيني صولان تقول شو يعني هههه استغفر الله قلتلها يعني صولان يصول صولا هذا الشرح عزتالله فهمت البنت محد قالها ماتستوي فطينه
ترى على فكره مسويه فيسات بس عسب تعرفوا اني داشه من اللاب استغل هالشيء وبعد وشسمه من 3 أيام معي مشكله مايصير ادش بالفون مادري ليج الله ديجا