هُدُوْئِي لَيْس حَآلَه مِن الْعُزْلَه وَلَكِن هَكَذَا هُم ..{المُلوُك}..

[الٍمٍذٍھَہّلٍھَہّ❤️]

صباحكم جنة
وكلنا للجنة عشاق
فاعمل لها فأن الطريق شاق
فتحمل فمن سبق ذاق
ولا تعجب فان الى ربك المساق
واصبر فان للحق مذاق
جعل الله صباحكم مليء بالخيرات والطاعات



اممم حلمت حلم صدق ههه عيل شو يحلموا لا عن المسخره تو نقول مسخره ولا مصخره
صح مصخره هههه معليه فصله مال قبل المذاكره الله يالدنيا ناس تلعب وناس تحاوط وناس تذاكر الي يسمعني يقول مكسحه عمري على الكتب لا بس وشسمه يكفيني الإحساس بالذنب لاه اهم شيء موجوده النيه


أبا أقول شيء نسيت
هيه صح وشسمه حلمت حلم لاه
قصدي حلمت غلاتي بحلاتي اوين وشسمه مسويه اقتباس حق وشسمه سالفه الي كنت كاتبتها مال يوم الاختبار ويوم كنت امشي كما الطير قصدي اركض واخر شي الاختبار بعد نص ساعه
ومنزلتها في موضوع يعني فاتحه موضوع جديد بس عشان تنزل السالفه
المهم اونه عطوها لقب هو المحظورة للمره الثانيه بسبله العامه هههههه وش هالخمبقه ماعرف وبعد يبوا يكرموها
المهم ترى نايمه ساعه العصر
ساعه العصر كله تخمبيق الله وكيلكم واحلام كلها تخبيص هههه وبس هيك عاد


وصح بعد ياخي تذكرت سالفه اونه حرمه تقول حق امي بناتج هالثنتين مبيوعات هههه شت والله كنا في المسجد ولا بعرف كيف ارد هههه مبيوعات عاد قولي مامعرسات حسستني عوانس هههه بعدني 21 ماعيوز وطبيبه الاحساس ماداشه حتى العشرين 18 اوين مبيوعات اخ قتلتني ياخي لو ريلي المستقبلي سامعنها يواحي قاتلنها الحرمه لا ياشيخه خفي بس عيب ماعلمتج تقولي كذا بس اسفه ههه هدي اعصابج خلاص شكلها تبانا حق ولدها بفهمها كذا ماقصدها شي هههه

وييييييييييييييييييي
حسيبج الباري ههههههههههه والله لفشلج اليوم
هههههه بعض الناس لما يمسكون الجوال مدري وين تروح عقولهم خخخخخخخخ
طبعا أيام الاختبارات انا اذاكر والاخت الجميله ماسكه الجول طبعا مندمجه وكيذا يعني عقلها مدري وين طاير
المهم كان في قوطي لبن اب هههه جنبها القوطي فاضي مافيه شي
انا شاربتنه هي عبالها انه فيه اخذت القوطي تبي تشرب القوطي كان فيه نقاط وقطر على يدها شوي
قامت واخذت الدبه مال المويه تغسل فيه يدها وهي تغسل يدها بالدبه الماي الي غسلت منه يروح بقوطي اللبن
طبعا الحلوه من كثر ماهي مركزه مره
قامت واخذت القوطي وشربت اللي فيه هههههههههههههههه تحفه انتي بصراحه هع