أمس ضربت الحمدي لانه مشاغب
وشطانته زايده..يكسر اي شي زجاج يحصله وصاح لحد ما نام
واليوم الصبح قايم قبل س6 وجايني يبي ياكل
لما شافني اتجهز للدوام تقدم ووقف جنب السيارة ينتظرني
شلته الشغالة ..قام يصرخ ويصيح
دقيت عليها بعد ما وصلت محطة انتظار الباص
قالت لي انه صاح وايد ما عرفت تسكته وانه الحين نايم

عورني قلبي اني هاليومين عصبيتي زايدة حبتين وطايحة فيهم ضرب
بس ش اسوي ضغط الدوام والبيت والصيام كله متولف
ابو العيال يقول تجيهم فاليوم هالكم ساعة وطايحة فيهم نزاعة وصراخ
ذيلا اطفال ما ذنبهم ان مالك بارض

صحيح كلامه بي ما اعرف ليش صاير بالي قصير
وابسط كلمة تطلعني عن طوري
افكر أطلع أجازة هالكم يوم

يالله الحمدلله على كل حال