مآني بمغرور

[أميرة الروح]

ماني بَ مغرور يا راعي المقالة
. . . . لا تحكم بوجهي وعرضي وطولي !!

قلت وش دراك ؟ قال فلان قاله
. . . . اشهد ان خيله ماهي تسبق خيولي !!

واحدٍ ما تعرفه وتجلس قباله
. . . . لا تعذرب به ولا تصبح فضولي !!

ان جهلت الشيء وش لك في جداله
. . . . الا كنه مضيقٍ جوفك وصولي !!

روحّي بي يالهجوس بكل حاله
. . . . وفوق درب الصعب خبي يا ذلولي !!

ما خذيت من القصيد الا زلاله
. . . . و ما تعبت الا على الدور البطولي !!

من طلبني تم والحاجه فدا له
. . . . ومن زهم يزهل حموله في حمولي !!

ان بغيت اغيب لي مركز وهاله
. . . . وان نصيت اخوان شما وقفوا لي !!

الرجل ماهوب في رزة عقاله
. . . . الرجل بالعزم والفعل الرجولي !!

لي قبولي في عيون اهل النباله
. . . . وانت عندك ما يشرفني قبولي !!

حي منهو لا برك للحمل شاله
. . . . والله انه عزوتي مادام حولي !!

من خوا للشعر ما يشرب حثاله
. . . . ياخذ الفنجال من صافي فعولي !!

اقفل عيوني من الشعر ومجاله
. . . . والخلايق تختصم وتعيد قولي !!

قاله المتنبي وذلحين قاله
. . . . واحدن ما يعرف اللعب الطفولي !!

العرب صنفين في كل انفعاله
. . . . ان حكو بي بالقفى والا حكوا لي !!

والحسد والحقد وعلووم الجهاله
. . . . والله ان كنها تصحي بي خمولي !!

علم اللي حكاه عنده راس ماله
. . . . ارتفاعي بالفكر يهزم نزولي !!

طايع(ن) ربي ومستانس وداله
. . . . ومرضي(ن) امي وابي فعلي وقولي !!

كل عقل يعيش في كيفه وفاله
. . . . مآحدن مغصوب يسمع لي ويولي !!

واحدٍ يفرح بي وفاحت دلاله
. . . . واحدٍ يرتااع لامن شاف زولي !!

هيـه..انا من راس قوم ولي جماله
. . . . لاني ملقط فريق ولا بهولي !!

ودام راسي حي موتو يالحثاله
. . . . والله ان ابطي وانا قاهر عذولي !!

[مفآهيم آلخجل]

ذآئقة رآئعة
إنتقآء مميز
كل آلشكر لك..~

[أميرة الروح]

ذآئقة رآئعة
إنتقآء مميز
كل آلشكر لك..~

مرورك العطر اسعدني
بارك الله فيك

[حبي خالص]

الله الله على الاختيار الرائع
صح لسانه الشاعر ولا هنتي على الاختيار الاميري
يسلم الذوووق عزيزتي


" نص يستحق النجوم الخمس "

[أميرة الروح]

الله الله على الاختيار الرائع
صح لسانه الشاعر ولا هنتي على الاختيار الاميري
يسلم الذوووق عزيزتي


" نص يستحق النجوم الخمس "

مرورك العطر اسعدني
بارك الله فيك
تسلمي من ذوقك

[نسر البوادي]

اميره اختي ابدعتي ابيات فاقت الرووعه يسلم الذوووق