°°{{البارت الرابع الجزء الثاني}}°°

-مدخل-

⠀ ⠀

حتى لو انك ماتدري .. وش تعني لي ؟
آنت ( الوحيد ) اللي : ما آمسح محادثته

- مسقط الحُب تحديداً :

بيت ابو معآذ (جاسم)

أم مُعاذ : جاسم

ابو معاذ-يقلب الجريده-: هلا '

أم معاذ : معاذ صارله من امس ما اتصل ولا رسل شيء

أبو معاذ : بدينا الوساوس

أم معاذ : ترى قلب الأم يحس

أبو معاذ -يطوي الجريده-: ماضيعنا غير هالاحساس

أم معاذ : لو انك اللي تعبان عليه ما قلت هالكلام

أبو معاذ-بضجر- : ياصبر أيوب ، ياصبر أيوب

أم معاذ- بصوت أقرب للبكى-: الله يخليك شوفه

أبو معاذ : بنت الحلال ترى التوقيت يختلف ألحين معهم ليل علامج انتيه '

أم معاذ: انزين مو معقول يعني ما صار الصبح معهم

أبو معاذ : كيه شو ؟ ترى هما على الأرض

أم معاذ : من امس لليوم ماطلع الصبح يعني!

أبو معاذ : اللهم طولك ياروح -جاء بيقوم-

أم معاذ -مسكت يده بتوسل-: الله يخليك جرب اتصل فيه '

أبو معاذ : استغفرالله ، ياصبر أيوب'

أم معاذ-بعيون دامعه- : الله يخليك'

ابو معاذ : لا حول ولاقوة ، طيب صل على النبي الحين بتشوفي ما فيه شيء '

* طبعاً (أبو معاذ) يصير عمّ شجون ، وله هيبه وكل أولاده يحسبوا له ألف حساب وعرفنا قبل أنه مُعاذ مُبتعث أمريكا *

-اتصل ابو معآذ فـ ولده -

معاذ-قطع عليه اتصال خارجي من بلده (الوالد)-: هنا فز ! وقرر انه لازم يرد بحكم خوفهم منه'

- الرسميه غالبة على تعامله مع أولاده-
أبو معاذ : السلام عليكم'

معاذ : وعليك السلام يالغالي

أبو معاذ: طمني شو أخبارك ؟

معاذ: الحمدلله مرتاح وانتوا اخباركم؟

أبو معاذ : ما نشكي بأس ، ليش ما ترد على أمك؟

معاذ: آسف الوالد ما انتبهت

أبو معاذ: لا تتكرر

معاذ : من عيوني تأمر الغالي

أبو معاذ: هيه وتجلس على رأسي أنا

معاذ : إن شاء الله '

أبو معاذ : خذ كلمها '

أم معاذ : هلا حبيبي معاذ '

معاذ-ببرود-: هلا فيج الغاليه

أم معاذ : حبيبي انت بخير ؟

معاذ : هيه الحمدلله لا تحاتي وانت اخبارج؟

أم معاذ- بغصه-: حبيبي انا حاسه فيك شيء'

معاذ-بصدمة- : لا لا يالغاليه لا تحاتي

أم معاذ : مدري ليش قلبي ما متطمن

معاذ: تطمني ما صاير شيء

أم معاذ : عيل ليش ماترد على اتصالاتي؟

معاذ : سامحيني يالغالية ما انتبهت وضغط دراسة وغيره

أم معاذ : طيب حبيبي انتبه لنفسك عيل

معاذ: ان شاء الله بس لا تحاتيني'

أم معاذ : طيب حبيبي ما بشغلك -وفي خاطرها تبقى على الخط-

معاذ : طيب يالغاليه '

أم معاذ: الله يحفظك من كل شر

معاذ: ويحفظج يالغاليه'

-صكرت أم معاذ الخط وقلبها مع ولدها-

*من جهة أخرى مع شجون*

#في السكن صعدوا لها العشاء'

كانت تفكر في كل شيء صار لها ، المرات اللي صارعت فيها عشان هالبعثه الشيء اللي خسرته واللي رح تخسره !

-فتحت اللاب-
ودخلت على السكآيب واتصلت بـ سارة ❤'

شجون : مساء الورد

سارة : ي هلا مساء الخير حبيبتي

شجون : أخبارج ؟

سارة : الحمدلله وانتي ؟

شجون: الحمدلله بكل حال '

سارة : فيج شيء ؟

شجون-بوجع- : ابا اشكي لج '

-رنّ فون سارة -

سارة : لحظة حبيبتي شوي بس'

شجون : طيب خذي راحتج '

-راحت ساره تتكلم عع الفون ، بس شجون قطعت الاتصال -

* في مكان ثاني من مانسشتر يجلس عبدالعزيز في مُنتزه شبه خالي وعلى درجة حراره 9° وكان كل تفكيره في المواقف اللي ازعجته ! وليش هو معصب من الأساس ؟

-اختتم افكاره بتنهيده وعباره ؛ لا اله الا الله محمد رسول الله وقرر اخيراً يرجع للشقة '

-بعد نصف ساعه بالتحديد-
دخل عبدالعزيز : السلام عليكُم
محمد : وعليك السلام '
* عم الهدوء على المكان *

عبدالعزيز : متى يبدأ الدوام ؟
محمد : باقي اسبوع ان شاء الله
عبدالعزيز : وقت طويل ماشاءالله '
- جاء جراح من داخل (المطبخ تحديداً) وشايل في يده صحن : حد يريد ؟
محمد : شو ؟
جراح : نسكافيه في هالجو البارد -وخلا الصحن على الطاوله المقابله للكنبه اللي جالسين عليها-

* عم الهدوء من جديد وكل شخص فيهم اخذ كأس يشرب منه *

°°[[مخرج]]°°

نخون الليل !
ونرمي نعاسنا للريّح
ونسترجع مواجعنا
ونسأل وش كثر ضعنا !
ونكسر سلم الذكرى
عشان نعيش !
وتنام أحلامنّا بدري
وحنا مابعد نمنا