مساء الإنتعاش
الله يخلي الشاور البارد ومكيفنا الحب 😍😍💘 ولا أنا ألحين ذايبة ف الكتشن صدق يعني تعبت حتى أكثر من رمضان الحر الظاهر إنه زايد بعده >> زايد ولا خليفة 😂😂😂😂😂😂😂😂😂
المهم ما كأني قلت شي إنسوها النكتة البيض ذي بس نعم من الظهر وأنا أتشقلب في المطبخ حسيت خلاص نهايتي قربت والقهر أمي بعدها دقت سلف وراحت تجيب الطلبية يااااااااربي 😭😭 ما كأنه كم حرمة جاية يبالها ذا كله صراحة أوفر يعني طالبة من مع حرمة تسوي سوالف أكلات وحركات ومخلتني معاها نطوبخ ف ذا الحر اونه ربعاتها مال الدوام جايات انزين ياخي تفاح وبرتقال والسلام ولا نفس نظام الأجانب شاي وانتهينا ترا ذا بيت ما مطعم صدق يعني ما مسألة بخل بس أنا مستغربة ليش وبذات عند الرياييل لازم يذبحون ويحطون راس الذبيحة فوق !! >> يعني دليل كرم 😩 انزين عادي ترا هذا ربيعك يعني يعرفك مالازم يوم تعزمه رسميات و شسمه أقول بس خلاص يمكن هذه الأصول بس أحس يعني ليش هالعقد شاي وخلاص يعني أحلى تعبت وأنا في المطبخ والله حرررر ومشغلة المكيف بس بدون فايدة أحس بدال لا أدخل الخربطة في الفرن جالسة أدخل وجهي وأشويه و بعدين أقلبه الله يجيرنا من نار جهنم أنا نار الفرن ما مستحملتنها أحس وأنا بعيدة عنها تحرقني ولا والشمس بعد لاعبة لعب فيني
وأمي أول شي معي وهيه تطبخ و بعدين قامت تسوي دور الإشراف بس 🤔
وبعد هالحريم بس يعني أبا أفهم تو ليش ما تخلن اليهال ف البيت مع أبوهم ؟؟؟؟ يعني العصير صابينه صب فوق الغنفة ترا تعبتونا من الصبح ونطبخ في الحر وآخر شي ما تاكلنه كله وناخذ ذنوب الإسراف وأولادكن يصيحوا حشرونا و ما تروحن بسرعة من بعد الغدا جالساتلنا لين قريب المغرب
وبس والله نور البيت بوجودهن وعسى ناخذ أجر الضيف صدق يعني م شاء الله عليهن الله يحفظهن 🙈
من مدة ما فتحت رابط الصراحة ولا شفت منه سؤال أو شي لحظة بنشوف شو واصلني 🙃
زين شسمونه ما كأنه حر شوية قصدي يعني أقصد إن هذا تعالوا نسولف عن الأكل اللي سويته وعادي أصلاً حتى لو حر وإرهاق بس أبدعت ترا يعني وايد حلو ولذيذ ترا سويت بف باستري بالجبن ودياي بالتوست وأصابع جبن مع مقرمشات السمبوسة بس ما صورتها طارت الميلس قبل لا ألحق عليها 😑
ما قصرت ف اللوتس وذا السوالف لكن الله يرزقني برك ماماه وبليز يعني خبري صديقاتك يشرفون بيتنا لما يكون وقت الدوام والله بمطهااااااااااا خمدة للمغرب 🏃🏃🏃🏃
رد مع اقتباس