مرحباً بالجميع
طبعاً ما قدرت أنام مع إني مابا أرمس أبا أقوم الصبح من وقت ع فكرة اليوم الساعة 10 كنت واعية عادي وشفت الناس تلعب لا وبعد بقسمنا مائة بيسة وأميرة الروح وبدر الدجى كنت أشوفهم من بعيد أحدق إليهم وايد كان خاطري أدش وبعد رجعت أحاول أتذكر الباسورد بس ماش عيا يطلع
طبعاً قبل شويات والله ما أدري مع إنه إجازة بس تراني شوية منتزقة وأبا الدوام يرجع أوني أقرأ كيفية المذاكرة الفعالة 😅 انزين ماما الدنيا اجازة وش ذا الخفية بدل لا أحط راسي وأنام ع المخدة لا وف داخلي بعد أقول بغير ربيعاتي اونه مضيعاتني يابوي إنتي مضيعة بلد 😹😹😹
عاد هالنقطتين بذات أنا
احرص على أن تجلس جلسة انتباه لا جلسة استرخاء عند المذاكرة، فلا تذاكر وأنت مستلقياً أو منبطحاً فتنام .
لا تقلق عندما ترى الطلبة الآخرين يسلمون أوراقهم فليس هناك جائزة لمن ينتهي أولاً .
اي والله إنكم صادقين ماشي جائزة بس تعرفون قاعة الإمتحان مملة تجيب الصداع 😝 مهم شو أخربط نحن مأجزين فلنستمتع ، فلنمرح ، فلنسافر ، فل ، فل ، فلافل ، فلفول يحب الفلافل ، فل ، فل ، فلافل ، غذاء سليم متكامل 💃💃💃 آسفة ترا والله مليت وتذكرت سبيس تون العشق ، ما أحبني يوم أشخبط في الليل ، ليش ؟ لأني يوم أقوم الصبح وأقرأ أحسني وقت ما أكتب داخل ف راسي يني ولا أي شي لكن لحد يحاول يقنعني بليز يعني إني طبيعية ! لا وأفكر أمسحها فضيحة لحد من أهلي يشوف مدونتي بس ترا ما يعرفوا السبلة إلا أبوي وقسم انصدمت لما عرفت عمي عن طريق السبلة مرة باع سيارته !! وأنا خبر خير أكيد ما بعرف ذا كله دامني ع مدونة وما مدونة أما أختي تشوف ذا البلاوي طبعاً أوجه لك تحية من هذا المنبر وأصلاً أنا أكبر منها ، هي اونه المنتديات مال أول قلتلها تسجل بس برايها ما مهم وجودها العبيط 😷😝😝
ما ناقصة بعد فيها كمية أنانية يعني وقت الامتحانات أنا في الحجرة وشادة حيلي ومتحمسة والطيبة تفتح الباب مرة تخليه مفتوح وتروح ومرة تدخل وتتكلم هي و شهد وأنا م شي مالي أي اعتبار ليش شذيه ولا كأنه في إنسانة ولا كأنه عندها امتحان ولا كأنها ما تعرف تنظم وقتها برمضان وعادي ، لكن والله العلي العظيم لا تشوفين وحدة ثانية الفصل الياي وبنشوف إن ما نتفت شعرج ع هالحركات السخيفة ، وعادي ترا اذا فصلت أخذ كتبج و شوتها بزبالة من يتوقع إني بسوي كذا ؟ هاه
تباً لك كم تقهرينني !!😔
أمزح صح إني وياها وايد في علاقة تنافر بينا بس مهماً كان ذي شريكة حياتي اوبس قصدي يعني نسكن في بيت واحد وتحت سقف واحد وكذا 😵 من بعد م فتحت عيني شويات ولا وصلت ع الدنيا لكن من الحقارة إنها تتعمد تضايقني وتختار وقت الامتحانات بعد لكني ساكتة دامني فاونديشن لكن خليني أدخل تخصص والله ثم والله لا أعضج و أشمخ ويهج وأجحره 😈
ايه لا صدق يعني خلاص نحن اجازة يعني لازم نحللها اممم وش نسوي ويش ويش اوك أول ما نقوم الظهر كلنا نتغدا واو حماس غدا تفتح عينك وتتريق عيوش واو الميزة ذي حلوة وبعدين العصر طويل ما نعرف شو نسوي يا سلام يا سلام وش وش بعد اممم اوك تذكرت تجلس ملان طول المغرب وتفكر في العشا عاد هاذي لعبتي وبعدين النت يقطع بالضبط كقطرات الندى في الصباح ، الحمدلله والله الإجازة فنانة عاد أحلى شي يوم تحاول تضبط نومك وما شي فايدة
رد مع اقتباس