مساءكم ورد الا شويه(هذي محد يفهمها الا خلوصة ربي يذكرها بالخير )

الخميس كان يوم فيها وايد أشياءات ..تغدينا مالح فالدوام (اول مرة يعني ...دووم فاتينه مالح ولا عوال)
المهم المخطط ان الخميس العشاء عزيمة علي
وان العزيمة اسويها بيت اهلي عشان بيتي صغير واهلي لما نتجمع ماشاء الله تبارك الرحمن ش كثرنا
وهالشي مرتبتنه ومعطيه خبر للجميع
وكنا نتناقش في موضوع وتحسست من كلمة قالتها منولة بدون قصد
وعاد لما يطلع العفريت الي داخلي ما يقدر على جنوني الا رب العالمين
قلتلهم العزيمة بسويها بالبيت والي بيشرفني حياه الله والي ما بيجي معذور وحافظنه الله)
طلعت وسكرت تلفوناتي
على الرغم ان هالتصرف معناه اني بسوي كل شي بروحي ومابحصل احد يساعدني مثل ماكنا مقررين
بس أهم شي كلمتي ما تطيح القاع
رجعت من الدوام وعاد زحمة الخميس وطوالي على المطبخ
دقايق ولا الحبيبة امي واختي ام فارس جايني من وقت
طبعا ام فارس عارفه اني وهقت عمري يوم عصبت وجات تفزع لي
طبعا رتبت لهم ذاك العشاء الطيب (تو بيقولوا مكثر ما تمدح نفسها هالحرمة)..كيفي

عاد توهقت بالشباب..على أساس يجوا يتعشوا معانا..دقوا علي أخر وقت وقالوا حنا ما نقدر نجي

وووووات؟؟؟وهالعشاء حق من؟؟
قالوا اذا في امكانية رسلوا عشانا المزرعة معنا شباب وما نقدر نودرهم
طيب كم شخص ؟؟قالوا 12...يا الهي ..وش الدبرة
بس ما عليكم انا عارفة العزايم اذا فيها توزيعات فاكثر الكيلة خخخخخ
المهم العزومة كانت على خير ما يرام وبعد ما راحوا ضيوفنا حطيت راسي ونمت
وقمت الصبح ظهري متشنج وما قادرة اوقف من وقفة البارحة

طبعا هالعزومة اذا صارت في السنة مرة ..نادر تقدر تصيد الجميع
الكل يتعذر وله أرتباطته


أمس رحت أودي الحمدي الحضانة ..المكان عبارة عن بيت عائلة
صحيح معهم أطفال بس المكان ما مهيىء للاطفال
وطبعا الولد حركي كثير ..والموقع شوي داخل بين المزارع
وعاد لوطلع حمود وغاب وسط ذيك المزارع ما اظن بيلقوه
المهم انا حطيته معها لمدة ثلاث ساعات ونص تقريبا
وبعدها رحت اجيبه
ابوه ماحب المكان وقام يوسوس مع أن الحرمة ماشاء الله قمة في الذوق والاحترام
ومن ناحيه ثانية النقل كان العائق
على اساس ابوه يوديه خمس ونص عشان دوامه بس الحرمة تستقبل من 6ونص
فاضطريت اعتذر منها وادورله حضانه ثانية
الخالدي امس استلم اللبس ومب عاجبنه ما يبي لبس الروضة
اونه هو كبير ويبغا يلبس دشداشة
يقولي اش معنى عزوز يلبس دشداشة ويروح فباص الكبار
اقوله عزوز بيكون صف اول وانت بعدك تمهيدي ..قال مب على كيفك
(ماخذ الدنيا بالقوة)

عاد ابتداءً من الاسبوع القادم بنقاب روتين الامهات وبتبدأ المعاناة
في تنويم عيالهم من وقت عشان ينهضوا من وقت
الله يعينكن يا ستات الحبايب