امس رحت عشان التحصين ..قلت بنروح انا وزوجي والعاملة
خبرتها ورحت البس عباتي والبس عيالي..قلت عشان بمرة خلودي حالة جلسة بخار
امس الفجر بحدود س3 حصلته يهايش بنومه ولقيت حرارته 38.6
وشله ابوه المركز الصحي ..قالوا عنده احتقان شديد ولازم نسويله بخار لمدة3ايام
فاليوم مرتين
المهم جلسنا نحرس الشغالة مارضت تطلع من غرفتها..رحت اشوفها والقاها مادة بوزها شبرين
اون هي متطعمة فبلادها ضد الحصبة ..ظليت نص ساعة احايلها وهي حرام كان ترد
حالها من حال الطوفة الي وراها..جاها زوجي وهدها بالعادة من تشوف زوجي تفزع
بس هالمرة ولا عبرته...معقول كل هذا خوف من الابر ؟
ناديت له شغالة عمتي وهذيك شوي متفتحة وتفهم عربي ..حاولت فيها ولكن لا حياة لمن تنادي
قلتلها انا رايحة من ارجع القاك مجهزة اغراضك عشان بشلك المكتب
ماعندي استعداد تمرضي عندي واتعرض للمساءلة
طلعت عنها..أون (انجكشن كيلينج ماي بودي)عشتوا...
المهم رحت المركز الصحي وحصلت الزحمة واصلة حدها ولا تقول سحب قرعة
اخذت دور واطعمت وطلعت
وعاد ذي البلية الي عندي مااعرف شو اسويبها..صحيح ضمانها مخلص بس صاحب المكتب
قال هاتوها انا بصلبها شوي
ماعلى كيفها ماتتطعم ..دامها تحت مسؤليتكم لازم تتطعم

لما بلغت الممرضات قالن نص الي يجن يطعمن يشتكن من هالنقطة وخاصة الاوغنديات
بيموتن عافانا الله