احيانا احس لازم أساعد كل أحد
بس المشكلة ما كل شخص يفهم
انك تساعده من باب حب لنفسك
ما تحب لأخيك... لذلك قررت اني
أساعد الي يستاهل والي يلف ويدور
بلوك وتجاهل بعد ...

بس عشان تضحكوا في مرة شخص طلب أساعده في شغله ولأني اعرف فيها وافقت
عادي مو مشكلة اني اساعدك دام انا اتقن الي تبيه بس هو فكر غلط او حسب ان خلاص
البنت سهله طاحت ف يدي قال طيب عشان تساعديني لازم اتعرف عليك .. ( سلامات تبي
تسوي علاقة عشان تعرفني ؟؟! ما فهمت ) قلت له ليه نتعرف على بعض الشغله ما محتاجة
قال عشان اضمن انك تساعدني قلت له ما اريد اتعرف عليك ولا تتعرف علي قال شو فايدة
عيل تساعدني .. قلت لوجه الله قال عيل ما يحتاج قلت له طيب .... والظاهر انقهر وحذفني

المغزى مو كل البنات واحد وسوالفكم ذي ما محتاج تتكرر طبعا انا يمكن اول مرة أفصح عن
اي امر خاص يصير لي مو عشان انا اريد اتباهى او اقول للعالم انا رديت كذا ولا من أهدافي
إني أرفع من نفسي بس طالت وشمخت .. وبصراحة ما بقى عندي أسلوب لان الطيبة ما تنفع
فالي يبي يتكلم معي باحترام يا حيا الله والي يحسب انه مرة صايدها ترا ما اهتم وآخر
اهتماماتي بعد لذلك ما تلعب بالشرار لا اولع فيك النار ...

وكلامي مو بس للأولاد حتى للبنات صلبي نفسك وامشي صح ما كل شيء تصدقيه وتفكي
حلقك ...