يسعد مساكم ..
طبعا كلنا عارفين هوس ثلاث ارباع الحريم بالمحاشي وورق العنب (هذا اذا ما كلهم)
بالعادة كنا انا والصبايا بالعمل نطلب من مع وحدة مصرية من دارسيت اسمها نوال
وكنا مدلعين عمارنا بشكل..نطلب ورق عنب وملفوف وكشري
وكانت تضبطه ضبط ما شاء الله عليها
بس للاسف الست نوال سافرت على حسب ما عرفت وبلا رجعة
المشكلة أن ما كل حد يرتبه بنفس الطعم والمذاق

المهم ..عرفت أنه في جارة جديدة مستاجرة جنب بيتنا وانها تسوي ورق عنب ..وحصلت اراء طيبة من الي تعامل معها
خبرت زوجه حميي تطلب لي لاني مأعرفها
هالكلام من شهر تقريبا
طبعا ردت علي انها ما تسوي طلب او طلبين ولكن تجمع طلبات كمية وتجهزهم مرة واحدة
قتلها انتي حجزي ومتى ما وصلت الطلبية توصل
امس بالليل جابولي ياها بدون سابق إنذار وكنت متعشية بعد
يااااااااا رباه كيف الترتيب تو
اخذت حبتين عن فوادي ..بعد مايصير انام وخاطري فيهن
خلود يقول ماماه هذا عيش فيه حناء هههههههههه
وكلهم مستغربين انا كيف اكل هالشي
المهم حطيت الي بقى بالثلاجة ونمت والصبح قمت من وقت
انا فبالي المحشي ...(الحين عرفت مود الي يقوم من النوم ويدخن..وأنا الي اقول وش هالكبد الي عليهم)
قمت وتجهزت (والأذان لسه ما مأذن)
جهزته فصحن ودقيت على الشغالة تسخن بالمايكرويف
نعم انها تفتح لي الباب بنص عين هههههههههه
المهم اخذت لي 3حبات عشان أعدل المزاج
وزوجي والشغالة مستغربين مني (وش هالمتوحشة وش هالكبدالي عليها)
الباقي جبته معاي الدوام هههههههههههه
وهذي سالفة المحشي