😂😂😂😂😂
القاضي سألها :
انتي ليه يا ست فلقتي رأس جوزك حتتين ؟؟
فقالت له :
يا حضرة القاضي ... كنت أجمل طالبة في كلية الطب ... وهو المعيد بتاعي...
حبني وطيرني فوق السحاب بوعوده... وقال لي :
ح أخليكي تعملي أبحاثك...
وتحققي ذاتك وكمان ح أساعدك في الصغيرة والكبيرة ...
قلت لنفسي : أحمدك يارب ... ياما أنت كريم يارب
بعد الزواج ... ما حسيت بروحي غير وأنا في إيدي أحمد و محمود و إبراهيم و فاطمة وبأرضع سلوى....
نسيت أبحاثي وأحﻼمى و أني ست... كل ما اطلب منه حاجة... يقول رأسه مصدع و مش طايق يسمع صوتي و ﻻ صوت اﻷوﻻد ...
إستحملته ... لغاية امبارح ...... امبارح يا سيادة القاضي
بعد ما رضعت سلوى 🍼
وغيّرت لمحمود 👶🏻
وذاكرت لأحمد 📔
وحلّيت مع فاطمة واجب الحساب
وقليت بطاطس شيبسي لﻸوﻻد🍟
وعملت سندويشات للعشاء 🌭
وكنست الشقة
ولميت الزبالة
ولميت الغسيل اللي نشف
ونشرت الغسيل اللي كان في الغسالة
ونقعت الفاصوليا 🍵
ونظفت الحمامات 🛁
ودعكتت التواليت بالفرشة🚽
وركّبت الستاير
وكويت القمصان 👕👔
وعملت مهلبية للولاد🍸
وحضرت شنط المدرسة 💼🎒
وسيحت الفريزر
ونظفت الثﻼجة
وخرطت البصل
وتبّلت اللحمة🍖
وكلمت السوبرماركت
وطلبت الدراي كلين
وكلمت مدير المدرسة علشان كان فيه شكوى من فاطمة ...
نادى عليا المرحوم وهو مأنتخ على الكنبة بتاعته وبيهرش في راسه وبيطرقع صوابعه وقال لي بصوته اللي اختفى من الوجود :
يا نادية... ممكن أعرف انتي كنتي بتعملي ايه طول النهار ؟
ما حسيتش بنفسي غير وأنا ساحبة السكينة 🔪اللي كنت بأقطّع بيها البصل وانا بأفتح راسه علشان أطّلع مخه وأعرف جواه ايه ؟
ساد صمت رهيب أرجاء قاعة المحكمة ...
أتاري القاضي قبل الجلسة كان لسه مكلم مراته ع المحمول وبيقول لها :
نفسي أعرف انتي بتعملي ايه طول النهار ؟
ولغاية النهارده القاضي نايم عند أمه وما رجعش البيت ...
لذلك ... اوعى حد فيكم يسأل مراته السؤال الغبي ده !!!
رد مع اقتباس