الوطن صوتك ونبضٍ يكبر التعبير
الوطن حسك /صباحك /قلبك الطاهر
الوطن سجدة شعب صلى عشان تصير
بالف خير وخير لما شاف بك باكر
اشهد انه حبنا لك حب شكله غير
اطهر من السحب واكرم من ورق شاعر
فينا من قلبك ملامح تعجز التصوير
فينا من طيبك صباحن زاكين عاطر
تستطيل المستديرة في صلاة صغير
وتستذير بوسط عينه دمعةٍ شاكر
سيدي يا واهب النا قلبك التنوير
للسلام /اليمام / وكل شي زاهر
سيدي وحنا رجالك بك سحاب وخير
ندغش الموت الحمر لك كيف ما تامر
ما على هالارض موطن يستحق تقدير
ما وراء هالشمس شعبٍ مجدهم ظاهر
غير شعبك يا الحكيم المعجز التعبير
يا وطن ف إنسان وإنسان بوطن حاضر
نحيا في صوتك مدامك يا العظيم بخير
من صغير ومن كبير ومالنا اخر