الشهـــــــرة

[هجرس الروح]

صحيح انا بينـي وبينـك مشاويـر = وتبي تشوف اللي خطاهـم عجولـه

الصبر زين وبشر الصابـر بخيـر = كلـن علـى ماقيـل رزقـه ينولـه

تدري وش مصيبة صعود الاصنصير = تصعد سريع ونزلتك فـي سهولـه

لكن تشوف اللي صعد بالدرج غيـر = يبطي ولكـن صعـب جـدا نزولـه

الحكـم لله ثـم حكـم الجماهـيـر = ماهو حكم منصـب ولا حكـم دولـه

عنتـر وفيفـي كلبوهـم مشاهيـر = شهرة طبل غير اشتهـارت بطولـه

مااقول انا اطيب واحدن بالشواعيـر = اقـول كـب الشعـر دون الرجولـه

ليا متى نسمـع قصيـد الطراطيـر = والنـاس لاجاهـم خبـل طبلـولـه

لحظه ترا الشهره ماهي عكسة السير = ايت مجالـن تدخلـه فـي اصولـه

بكرا نبي نارد علـى جمـة البيـر = وتشوف من فينـا بيسقـي ذلولـه

تشوف عجلاتـي ورود ومصاديـر = وبكـارك الجفـل ولاهـي بحولـه

ذودك همـل مادوروهـا المداويـر = ولو جبت راعي ماتوالـف رحولـه

خل الكـلام وخـل عنـك المعاذيـر = عنتر كسب بالمعركـه مـن فعولـه

تلقى السطر عند الرجال المساطيـر = وتلقى الفحل مارافـق الا الفحولـه

وانا ماعرف الا الوجيـه المسافيـر = وجيه الحيا ماهي وجيـه مغسولـه

ولاضقت صوت لفهد عطني الطيـر = مشيت اباخذ لي مـع القـاع جولـه

لو ضايقونـي بالفيـاض الصقاقيـر = لكـن كلـن لـه هـواه وميـولـه

الطيـر مغتـر والنوايـا مغاتـيـر = والصيد اقدر عنـوة اللـي عنولـه

طير معـرب ناهيـن ماهـو بجيـر = ابيض نحر ناهي بعرضـه وطولـه

ارقط مثـل نقشـة يديـن الغناديـر = افجح عريض مصرول الساق هولـه

نـردف عقـب هداتهـم للمعاشيـر = هذيـك ذابحهـا وهذيـك معزولـه

واليوم ادوج به من الصبح لعصيـر = مامن حبـاري والفيـاض معزولـه

واكبر غنيمـه مكسبـي للمناعيـر = وقصيـد ودلال اجــداد معمـولـه

وبقـول كلمـه صادقـه للجماهيـر = والا كثيـر اللـي بقلبـي بقـولـه

عـزي لبيتـن مايجونـه مساييـر = وياعزتـي لشعـرن بليـا رجولـه

[كاتمة الإحساس]

رائع م نثرته اناملك هنا

بوركت

[اطياف السراب]

نص رائع جدا

شكرا جزيلا لك على جهودك

[نـــــــقــــــــاء]

إختيار رااائع
يعطيك العافية أخي هجرس الروح

[أميرة الروح]

انتقاء جميل
بارك الله فيك