رد مع اقتباس
داخله تحدي ريجيم مع زميلاتي
من اكثر وحدة تنزل وزن اكثر
الفكرة بدت في جروب واتس اب لما وحدة من البنات كانت تبي
تدش جروب ريجيم وعطوها لائحة بالوجبات والبدائل الي المفترض تأكلها
وكانت تتشكى ان هذا تعذيب وما بتقدر تسوي شي
اقترحت عليهن وش رايكن نسوي تحدي ونشوف النتائج بعد شهر
كثير افكار وكثير طرق ونصائح انعرضت
الي امتنعت عن العيوش والمخبوزات
والي كلها سلطات واكل خفيف
والمصيبة الكبيرة الي تاكل الاخضر واليابس بس عشان تبرهن
للجميع ان الريجيم مب معناة انك تحرم نفسك من الاكل
عن نفسي مب داشة التحدي عشان انزل وزن بقدر ما هو محاوله لعديل بعض السلوكيات
فعلا مب معاه انك تسوي ريجيم يعني تحرم نفسك من الي تحبه لا
لكن انك تاكل بقدر وتسوي رياضة وماتاكل شي قبل النوم بساعتين
وامورك ان شاء الله فالسليم
الوزن النهائي يوم الاحد القادم ان شاء الله
وعاد الله يسهل
بنشوف كيف
عاد الشي المضحك ان التحدي اساسا عشان زميلتنا واخر
شي نح دشينا التحدي وهي لا
والغم ترسل العصر صور قيمات وحلويات وطبخ
ولا كنه شي
