مجاراة النص :
( هام قلبي وارتقى متن السحابه )


هام قلبي وارتقى متن السحابه
وانهمر شلاّل احساسي خيال
والعيون اللي تناظر له سرابه
للأمل .. للحب تنظر لاتزال
علّ من قفّى وخفاقي مشى به
إيتذكّر لي ولو لحظة وصال
واعذاب اللي يفارق واعذابه
يظهر القوه ولا عنده احتمال
إيتراقص لاسمع صوت الربابه
من هموم(ن) راسيات(ن) كالجبال
لاتصبّح يخفي همّه وارتيابه
ولاتمسّى صال بهمومه وجال
كم تجسّد حبي لحضرة جنابه
وكم تناثر كل احساسي خبال
يوم قفىّ صاب قلبي ما اصابه
مارحمني يوم اغني له تعال
يوم قفىّ صك (ع) الاحلام بابه
وانتهت ذكرى يعنونها الجمال
طابت مساءاتكم ..

اخوكم / رايق البال