سنين عمري راحت لجلك نهاااايب &&&&

**عاشق مملكة تايلاند** · 26-01-2018, 01:08 PM

ذبحتني ماعاد في داخلي روح

وخيم سماي الحزن وإنتي السبايب‘‘

وقتلت خاطر من يحبك ومشفوح
يبغى لقاك وعود اليوم خايب‘‘
كسرة زجاجٍ طاح من عالي إسطوح
من يجبره لاصار كسره حطايب‘‘
ورميتيني في غب الاحزان مجروح
ولاضننتي جرح الهوى منك طايب‘‘
أضحك وأبادل راعي المزح بمزوح
والقلب من جواي ينقص صوايب‘‘
الحظ مقفي وباب الوجاع مفتوح
وحالي وعيني تستهل التعايب‘‘
والدمع من عيني على الخد مسفوح
والراس من كثر الهواجيس شايب‘‘
برق الشقا بعالي سمايا بدأ يلوح
وهلت همومي مثل هل السحايب‘‘
حبيت وأثر الحب مامنه مصلوح
خصً ليا حبيت والحب عايب‘‘
حب من طرف واحد من صدود وجنوح
من واحدٍ من حبه القلب ذايب‘‘
أنا وصلت وصل غالي ومشفوح
وطبع الوفا باللي مغاليه غايب‘‘
جنب وخلاني على الجنب منزوح
وقفى وخلا نار شووقي لهايب‘‘
وقالها في كل تأكيد ووضوح
روح إبتعد مابيك محنا حبايب‘‘
والمشكله مقدر على الهرج والبوح
من حيرةٍ بلشان ذقت النشايب‘‘
أخاف لاسدلي مع الناس مفضوح
وسود الوجيه تحط بينا العوايب‘‘
مدموح ياخلي عن الزل مدمووح
مابه ملام الحب مابه غصايب‘‘
مألوم محبوبي على الصد مسموح
ألوم نفسي ليه؟جبت المصايب‘‘
وليه أنا أخترته هوى البال مملوح
وعزيته أكثر من عزيزين القرايب‘‘
يازين ماني عن محبتك منصوح
ولاضنتي بنسى وعن الحب تايب‘‘
أقولها في صوت مبحوح بنحوح
سنين عمري راحت لجلك نهايب‘‘
طيفك يراودني ولاهو بمززوح
ركز على التفكير صرنا صحايب‘‘
وإليا سمعت إسمك طرب خافقي إطموح
ويدق قلبي مثل سير الكتايب‘‘
ياويل حالي وين أبا أهيم وأروح
والياس في قلبي أناخ الركايب‘‘
تحطمت دنياي ماعنددي إطموح
وطاار الأمل كالريش وسط الهبايب‘‘
وصفت أنا قصت محبته بشروح
ولاغيره يحوس الدواء والطبايب‘‘
بقعد حياتي كلها ارجيه وأنوح
عزوبي ولو هلوا علي الترايب‘‘
وإن مت خطوا قصتي داخل اللوح
وغزوا لي اللوحه بجنب النصايب‘‘
وقولوا سبب موته من فلان مذبوح

عساه من عقبي يذوق العقايب