رجّع فوادي

[حبي خالص]

زعلان ما سوّيت لك شي تزعل
***** إلاّ دلع منّك لجل خاطر أرضيك

برضيك لكن يا حبيبي تفضل
***** رجّع فوادي لجل اجي فيه واهديك

ما عندي اغلى من عيونك ولا اجمل
***** وقليبي اللي تاركه في اياديك

وان ما رضيت وتبغي اكثر تدلل
***** ما قول غير ارفق بقلبٍ يداريك

أمّا الجفا ماقدر أجافيك وارحل
***** إلاّ اذا انته قلت لي روح مابيك

با روح وان هلّت دموعي توسل
***** إغسل بها قلبي وسطّر تعازيك

ما هو كِبِر منّي ولا عاشقك ذل
***** إيثار حب .. وْتضحيه ما تساويك

لا صار ما عندك لمن تعشقه حل
***** إلاّ الفراق إعطه وربك يجازيك

ان كان يستاهل يعوّد و يسئل
***** وان كان بايع خيرة الله يجافيك

لا تذكره إلاّ بخير وتغزل
***** بمروتك والعافيه في مباديك
القصيده كلها على بعضها قمه فى الروعه والتميز

من ذوقك أخي
شكرا