(((( لك الله يا زمـــــــــــــــــــــن ))))

[نسر البوادي]

لك الله يا زمن وآنـا لـي الله
جرحني صاحبي واشقى زماني

اعيش الحب في قلبـي محلـه
بغيـت ارميـه لكنـه رمانـي

طريق الغدر مثلـي مـا يدلـه
اثيـر النفـس وبخلـي انانـي

الا يا طير وشبـك مـا تقلـه
تذكر صاحبك واغلى الامانـي

انا عمري قضيته فـي مذلـه
من اسبابك بك الله قـد بلانـي

وانا اللي كنت لك مثل المظلـه
ظليل لك وحر الشمس جانـي

دعست الشوك ما جاني مخلـه
عنيت الدرب مثلي مـا تعانـي

عشانك زين لك سيـف تشلـه
وتطعن قلب خل بـك معانـي

نثرت الدمـع وعيونـي تهلـه
على وقت مظالي في زمانـي

حسافه يـوم مثلـك مـا نقلـه
ترى سوق الهوى ماله مكانـي

تبيع وتشتري فـي كـل ملـه
قلوب الناس عنـدك بالهوانـي

انا جربت حبـك ذقـت ذلـه
عرفت انك عديم الحب فانـي

ــــــــــــــــــــــــــــــــ

[حبي خالص]

لك الله يا زمن وآنـا لـي الله
جرحني صاحبي واشقى زماني

اعيش الحب في قلبـي محلـه
بغيـت ارميـه لكنـه رمانـي


نسر......
ابداع وكفى

[نسر البوادي]

تسلمين اختي حبي خالص مرورك العطر اسعدني
يعطيك العافيه كلك ذوووق

[رايق البال]

هلا نسر ..
نص واختيار جدا راقي وعذب
الف شكر لجهدك واختيارك وتفاعلك الجميل
طابت صباحاتك ..
( نص يستحق النجوم الخمس )

[نسر البوادي]

تسلم استاذي رايق البال مرورك العطر اسعدني ياذوووق
شاكرا لك تزيينك الصفحه بالنجوم الخمس

[أميرة الروح]

حسافه يـوم مثلـك مـا نقلـه
ترى سوق الهوى ماله مكانـي

تبيع وتشتري فـي كـل ملـه
قلوب الناس عنـدك بالهوانـي

انا جربت حبـك ذقـت ذلـه
عرفت انك عديم الحب فانـي

جميل جدا انتقائك
يعطيك العافية عالانتقاء
بارك الله فيك

[نسر البوادي]

تسلمين اختي اميره مرورك العطر اسعدني كلك ذووق

[اطياف السراب]

نص رائع جدا

شكرا جزيلا لك على جهودك

[نوارة الكون]

سلمت يمناك اخي
انتقاء جميل وتواجد اجمل
دمت في حفظ الرحمن ورعايته

[نسر البوادي]

اطياف السراب مرورك العطراسعدني كلك ذوووق