بالله يا ماخذ صفا القلب رده

[مجنونك ما يخونك]

بالله ياماخذ صفا القلب رده
النفس لك تهوى وانته سلاها

ما نامت اجفاني لها ايام عده
من .حظها من بؤسها من عناها

وين المحبه وين تلك الموده
الحلم ضاع وضاع عمري معاها

. الروح تشكي من فراقه وصده
والجسم منهك فيه تعثر خطاها

القهر قطع فيي بهزله وجده
تحرق فؤادي نار هدت قواها

ياحق زور نفسي بشوق مستعده
قد بعت نفسي. عفها من شراها

اعطيتها من مهجتي الف ورده
قالت و رودك ذابله ما. اباها

ما ريد حبك تقطع أيام ترده
حبك عمى اعيوني وعيناك عماها

اعطيتك احلامي ولك مستعده
ابيع روحي مامعي لك سواها

الحب لا زاد ينقلب عكس ضده
وانته وحبك طول ما ينتساها

ياما صبرت ايام عانيت شده
سالت دموع العين خدي سقاها

وهموم كم قاسيت جذره ومده
احلام بعد احلام ابلت بلاها

فيني وفيك حتى بلغ كل 'حده
لوقستها باتوصل اعلى سماها

فقلت ياغالي ترا القلب وده
يبحر بأشواقه. وشطك مناها

لها نسيج كالشمس دوور بخده
من الجمال والحسن ربي حباها

محفوفة الاطراف. بعوده و نده
سبحان ربي بالجمال كم كساها

شمس الاصيل من نورها مستمده
يعكس بنوره للكواكب سناها

حبل الوصال لك يا فؤادي نمده
على الوفاء مادام عيني تراها

يبقى الأصيل أصيل طبعه يرده
تموت الاعراب بالعهود في وفاها

العمر يفنى. و الليالي. تحده
والنفس لا تأمن من.الموت. نجاها

صلات ربي ماله احصى تعده
على نبي الله بنوره اضاها

[نسر البوادي]

الله الله عليك ياذوووق ابيات ولااروع
يعطيك الف عافيه

[أميرة الروح]

يبقى الأصيل أصيل طبعه يرده
تموت الاعراب بالعهود في وفاها

العمر يفنى. و الليالي. تحده
والنفس لا تأمن من.الموت. نجاها

نص وأنتقاء رائع جدا
بارك الله فيك
(يستحق ان يتوج بالنجوم)

[نوارة الكون]

سلمت يمناج اختي
انتقاء جميل وتواجد اجمل
دمتي في حفظ الرحمن ورعايته