(((( من البارحه يا ناس عايش في غيبوبه ))))

[نسر البوادي]

من البارحه يا ناس عايش في غيبوبه
من صدمتي لليوم مب قادرأتكلم

صدق الخبر لي شاع والكل سمعوا به
وآنا إلين الحين كني ماعادأحلم

محبوبتي ياناس للغير مخطوبه
هز الحشا بركاد والخافق إتسلم

هذا حكم ربي والاقدار مكتوبه
حدن يبارك له وحدن لها إيسلم

يا ليتها لو كانت اليوم مغصوبه
لعيون وسط الناس يوله وأنا أتألم

ياويل عين اللي فقد شوف محبوبه
الكون كله من بعد شوفته أظلم

دبله وسط يمناه ورده على ثوبه
مجبورأبرضي بالذي صار وأستسلم

حسبي عليه صارت أحلامي مسلوبه
لي حل بي ياناس ماحلفي مسلم

أبكي ودمعاتي ع الخد مسكوبه
تتسابق الدمعات ع الخد تتقسم

أيام عمري صارت اليوم محسوبه
باخذ من الأيام عبره وبـأتعلم

[ثابت الخطى]

مشاركه روووعه من عضو اكثر من رائع بارك الله فيك

[أميرة الروح]

نص واختيار جدا جميل
يعطيك العافية عالانتقاء
شكرا لنشاطك بالقسم
بارك الله فيك
(يستحق ان يتوج بالنجوم)

[نسر البوادي]

مرورك الاروع اخي ثابت تسلم ياذوووق

[نسر البوادي]

تسلمين اختي اميره مرورك الرائع اسعدني
شاكرا لك تزيينك الصفحه بالنجوم الخمس

ويعطيك الف عافيه ياذوووق

[اطياف السراب]

نص رائع جدا

شكرا جزيلا لك على جهودك

[نسر البوادي]

تسلم استاذي اطياف السراب مرورك العطر اسعدني ياذوووق

[نوارة الكون]

سلمت يمناك اخوي
انتقاء جميل وتواجد اجمل
دمت في حفظ الرحمن ورعايته

[نسر البوادي]

تسلمين اختي نواره مرورك العطر اسعدني ياذوووق