(((( شفتك بعد غيبه ))))

[نسر البوادي]

شفتك بعد غيبه .. وحاولت احاكيك

مهوب من قلبي ولا من جراته !!


بغيت اقول / فلان وازريت احاكيك

وكني سمعت اسمي مع الألتفاته


فزيت من نومي وانا اقول لبيييك

وآثرك رويا .. في منامي وجاته


صفقت كف .. وقلت يا حلم يشوويك

جددت لي جرح ٍ هنى في مباته


يا اللي شريت البعد .. ما غاب طاريك

حتى لو ان البعد .. سواا سواته


مهوب محزني .. على حاجةٍ فيك

إلا إن قلبي شايف ٍ بك غناته !!


كن الطيوف تقول وشحال غاليك

وآقول راح .. وما بقى الا غلاته


لو ان ما جاني من الهم ياتيك

كان المصلي ما حفظ وش صلاته


مريت شارعكم .. وصادفني آخيك

واللي قطع كبدي .. حلاتك حلاته


بغيت الخبط من دعاياه ,, وادعيك

واسمك وقف بين اللسان ولهاته !!


وبغيت اجيب العيد وآقول : يرضيك

فاللي وصاتي له .. وضيّع وصاته


البعد شيّب خافق ٍ ميت فيك !!

والى مشى خطوه عثر في عصاته


مشكلتي / إن قلبي يحبك ويغليك

ومشكلتك / انك شخص عايش حياته


كثر الجفا .. نار .. وحطبها تغليييك

خف الحطب .. لا تزيد نار الشماته


إن ما احزنك جرح ٍ برجواه يدعيك

ما عاد تفرق .. عيشته من مماته


قلبي وعمري كلها بين اياديك

العمر فدوه .. لكن القلب هاته !!


وإن ما بغيت ترد قلبي ما اوصيك

احسن عزاه .. الى دريت بوفاته

[أميرة الروح]

نص وأختيار جميل جدا
راق لي
يعطيك العافية عالانتقاء
بارك الله فيك
(يستحق ان يتوج بالنجوم)

[نسر البوادي]

نص وأختيار جميل جدا
راق لي
يعطيك العافية عالانتقاء
بارك الله فيك
(يستحق ان يتوج بالنجوم)

يعطيك الف عافيه اختي اميره على مرورك الرائع
شاكرا لك ياذووق على تزيينك الصفحه بالنجوم الخمس

[اطياف السراب]

إنتقآء رائع جدا

شكرا جزيلا لك على جهودك

[نسر البوادي]

تسلم اخي اطياف السراب مرورك العطر اسعدني كلك ذوووق

[ثابت الخطى]

قصيده روووعه كل الشكر لك اخى على حسن الأختيار دمت عطاء لا ينضب

[نسر البوادي]

يعطيك الف عافيه اخي ثابت مروك العطر اسعدني ياذوووق

[حبي خالص]

اختيار جميل نسر
كلك ذووووق

[نسر البوادي]

تسلمين اختي حبي خالص مرورك العطر اسعدني ياذوووق