.
مسوية حق الشباب حصالات عشان أعلمهم التوفير
وشو أهميه استقطاع جزء من مصروفهم

من مدة كنت متأكدة ان عندي خردة بالمحفظة وابا اعطيهم يشتروا العصر
بس ما حصلت شي مع اني متأكدة اني كان شي
فبديت احط البال على هذي السالفة وتعمدت احط خردة ..لاحظت أيام يختفن وايام لا

بعد التحقيق والترصد اكتشفت حمود يفتح الشنطة ويطلع المحفظه ويطلع البطايق ويرتبهن
والمبالغ الكبيره ما يهتم فيهن بس الريال والميات يشلهن ويوزعهن على اخوانه وهم يعقوهن بالحصالات مالهم بدون حتى ما يعرفون هالفلوس من وين
(على فكرة حمود عمره 3سنوات و4شهور)
وهم الكبار العقال ما داق لهم راسهم
تو تأدبت وقمت احط الشنطة بمكان ما يقدر يوصله
وحصالاتهم ما شاء الله ثقلت...
طبعا طالبت بتعويض من السلطات العليا(أبوهم) عن الضرر النفسي والمالي الي
لحقني من عياله وسطوهم على ممتلكات شخصية