كم ناس مرتاحه وكم يا متاعيس

[مجنونك ما يخونك]

يقول : شاعر ~ مايهم التضاريس
كل التجارب في الحياه قد درسها

ياحب لك في القلب عزه وتأسيس
من كل أحاسيسي وبعدك هوسها

لوغبت عن عيني تجيني كوابس
وفراقك اللي في جفوني غرسها

شعري عن اوصافك كثيرالهواجيس
وكتب قصيدي فيك ووزن جرسها

اكتب حروفي والقوافي قواميس
مشاعري فارس و الابيات. فرسها

محبتي لك يا الحبيب والاحاسيس
انته نظرعيني وحبك عدسها

ماني من اللي ميقن(ن) بالطلاميس
مادام لي نفس(ن) وربي حرسها

عزالله اني يوم اخذت المقاييس
مانساك حتى الروح يقطع نفسها

لك عرش في قلبي كما عرش بلقيس
من نورك انوار الضياء اقتبسها

يا ورد لبناني و يا فن باريس
وجهك ضياء للكون نورك عكسها

اهيم في حبه هياااام إمرؤالقيس
من هااام في ملكه ولم يلتمسها

ماني بمن يجلس بخلف الكواليس
بئر الوفاء شيمه. بعمقه. حبسها

إن طابت القهوه بنار المحاميس
من طيب يد الحامس اللي حمسها

كم ناس مرتاحه وكم يا متاعيس
مكتوب طيب الحظ ولا نحسها

روحي تقول للقلب دق النواقيس
خطر بعادك والفراق. افترسها

ان شفتك اشعر برتعاد الفراييص
من فرقتك عيني تفارق نعسها

وعوذ بالرحمن من همست إبليس
و كل وسواسه على إذن (ن) همسها

[أميرة الروح]

نص رائع جدا
يعطيك العافيه عالانتقاء
بارك الله فيك
دمتي بهذا التميز وأكثر
(يستحق ان يتوج بالنجوم)

[ثابت الخطى]

جميل طرحك اختى الفاظله دمتى بالف خير

[نسر البوادي]

مجنونك ابدااع متواصل ياذوووق
ابيات راقت لي بشده يعطيك الف عافيه

[نوارة الكون]

سلمت يمناج اختي
انتقاء جميل وتواجد اجمل
دمتي في حفظ الرحمن ورعايته

[حبي خالص]

ابدعتي بالانتقاء مجنونك
يعطيك الله العافيه ويسلم ذوقك